ಸ್ಯಾಂಡಲ್ ವುಡ್ ಗೆ ಹೋಲಿಸಿದರೆ ಬಾಲಿವುಡ್ ನಲ್ಲಿ ನಿರೀಕ್ಷೆಗೂ ಮೀರಿ ನಾಯಕಿ ಪ್ರಧಾನ ಸಿನಿಮಾಗಳು ಕಾರು ಬಾರು ನಡೆಸಿವೆ. ನಡೆಸುತ್ತಲೂ ಇವೆ. ಅನುಷ್ಕಾ ಶರ್ಮ, ಸೋನಂ ಕಪೂರ್, ದೀಪಿಕಾ ಪಡುಕೋಣೆ, ಪ್ರಿಯಾಂಕ ಚೋಪ್ರಾ, ಆಲಿಯಾ ಭಟ್ ಸೇರಿದಂತೆ ಬಹುತೇಕರು ದೊಡ್ಡ ದೊಡ್ಡ ಸ್ಟಾರ್ ನಟರನ್ನೇ ಸೈಡಿಗೆ ತಳ್ಳಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ.
ಇಲ್ಲಿಯವರೆಗೂ ಬಾಲಿವುಡ್ ನಟರ ಜತೆಗೆ ಮೈ ಕುಣಿಸುತ್ತಿದ್ದ ಕಿಯಾರ ಸಹ ಅದೇ ದಾರಿಯಲ್ಲಿದ್ದು, ಇಂದೂ ಕೀ ಜವಾನಿ ಎಂಬ ಮಹಿಳಾ ಪ್ರಧಾನ ಸಿನಿಮಾದಲ್ಲಿ ಚೊಚ್ಚಲ ಬಾರಿಗೆ ನಟಿಸುತ್ತಿದ್ದಾರೆ. ಈ ಚಿತ್ರವು ಎಮ್ಮಿ ಎಂಟರ್ ಟೈನ್ ಬ್ಯಾನರ್ ನಲ್ಲಿ ನಿಖಿಲ್ ಅಡ್ವಾಣಿ ನಿರ್ಮಾಣ ಮಾಡುತ್ತಿದ್ದಾರೆ. ಇನ್ನು ಬೆಂಗಾಲಿ ಡೈರೆಕ್ಟರ್ ಅಬೀರ್ ಸೇನ್ ಗುಪ್ತ್ ಚೊಚ್ಚಲ ಬಾರಿಗೆ ಬಾಲಿವುಡ್ ಗರಡಿಯಲ್ಲಿ ಆ್ಯಕ್ಷನ್ ಕಟ್ ಹೇಳಲಿದ್ದಾರೆ. ‘ಇಂದೂ ಕೀ ಜವಾನಿ’ ಚಿತ್ರದಲ್ಲಿ ಗಾಜಿಯಾಬಾದ್ ಮೂಲದ ಇಂದೂ ಗುಪ್ತ ಎಂಬ ಪಾತ್ರದಲ್ಲಿ ಕಿಯಾರಾ ಕಾಣಿಸಿಕೊಳ್ಳಲಿದ್ದು, ಡೇಟಿಂಗ್ಗೆ ಸಂಬಂಧಿಸಿದ ಕಥೆ ಇದಾಗಿರಲಿದೆ. ಸದ್ಯ ಕಿಯಾರ ನಟಿಸಿರುವ ‘ಕಬೀರ್ ಸಿಂಗ್’ ಚಿತ್ರ ಬಿಡುಗಡೆಗೆ ಸಿದ್ಧವಾಗಿದೆ. ಅಕ್ಷಯ್ ಕುಮಾರ್ ನಾಯಕತ್ವದ ‘ಗುಡ್ ನ್ಯೂಸ್’ ಚಿತ್ರದ ಚಿತ್ರೀಕರಣ ಮುಗಿಸಿ, ‘ಲಕ್ಷ್ಮೀ ಬಾಂಬ್’ನಲ್ಲೂ ಅಕ್ಷಯ್ ಗೆ ಜತೆಯಾಗಿದ್ದಾರೆ ಕಿಯಾರ.
No Comment! Be the first one.