ಕಿರಿಕ್ ರಶ್ಮಿಕಾ ಮಹೇಶ್ ಬಾಬು ಜತೆಗೆ ಸಿನಿಮಾ ಮಾಡಲಿದ್ದಾರೆಂಬ ಗಾಳಿ ಸುದ್ದಿ ತೆಲುಗು ಚಿತ್ರರಂಗದಲ್ಲಿ ಬಹಳ ದಿನಗಳಿಂದಲೇ ಇದೆ. ಪ್ರಿನ್ಸ್ ಮಹೇಶ್ ಅಭಿನಯದ ಮಹರ್ಷಿ ರಿಲೀಸ್ ಆದ ಮೇಲಂತೂ ಅಂತೆ ಕಂತೆಗಳೆಲ್ಲ ಮತ್ತಷ್ಟು ಸ್ಟ್ರಾಂಗ್ ಆಗಿದೆ. ರಶ್ಮಿಕಾ ಮತ್ತು ಮಹೇಶ್ ಬಾಬು ಸಿನಿಮಾ ಮಾಡುತ್ತಿರುವ ಸುದ್ದಿ ನಿಜವಾಗಿದ್ದು, ಸರಿಲೆರು ನೀಕೆವ್ವರು ಚಿತ್ರದಲ್ಲಿ ಈ ಜೋಡಿ ರೊಮ್ಯಾನ್ಸ್ ಮಾಡುವುದು ಪಕ್ಕಾ ಆಗಿದೆ. ಇದು ಮಹೇಶ್ ಬಾಬು ಅಭಿನಯದ 26ನೇ ಸಿನಿಮಾವಾಗಿರಲಿದ್ದು, ಹೊಸ ಜೋಡಿ ಹೇಗೆ ಮೋಡಿ ಮಾಡಬಹುದೆಂಬ ಕ್ಯೂರಿಯಾಸಿಟಿ ಅಭಿಮಾನಿಗಳಲ್ಲಿದೆ. ಇನ್ನು ಸರಿಲೆರು ನೀಕೆವ್ವರು ಚಿತ್ರದಲ್ಲಿ ಮಹೇಶ್ ಬಾಬು ಆರ್ಮಿ ಆಫೀಸರ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಚಿತ್ರಕ್ಕೆ ಅನಿಲ್ ರವಿ ಪುಡಿ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಈ ಹಿಂದೆ ಎಫ್ 2 ರಾಜ ದಿ ಗ್ರೇಟ್ ಪಟಾಸ್ ಸಿನಿಮಾಗಳನ್ನು ಅನಿಲ್ ಮಾಡಿದ್ದರು.

https://twitter.com/iamRashmika/status/1134181231493431296

ಅಂದಹಾಗೆ ಚೊಚ್ಚಲಬಾರಿಗೆ ಟಾಲಿವುಡ್ ನ ಸ್ಟಾರ್ ನಟನ ಸಿನಿಮಾದಲ್ಲಿ ಸ್ಕ್ರೀನ್ ಶೇರ್ ಮಾಡುತ್ತಿರುವುದಕ್ಕೆ ಸಂತಸ ವ್ಯಕ್ತಪಡಿಸಿರುವ ರಶ್ಮಿಕಾ ಮಂದಣ್ಣ ಟ್ವಿಟರ್ ನಲ್ಲಿ ಬರೆದುಕೊಂಡಿದ್ದಾರೆ.  “ನನಗೆ ಗೊತ್ತು ನೀವೆಲ್ಲರೂ ಈ ಬಗ್ಗೆ ಕೇಳುತ್ತಿದ್ದೀರಿ. ನಾನು ಈಗ ಈ ಮನೋಜ್ಞ ತಂಡದ ಒಂದು ಭಾಗವಾಗಿದ್ದೇನೆ. ಮಹೇಶ್ ಬಾಬು ಜೊತೆ ಕೆಲಸ ಮಾಡಲು ಉತ್ಸುಕಳಾಗಿದ್ದೇನೆ” ಎಂದಿದ್ದಾರೆ.  ಇಂದು ಚಿತ್ರದ ಮುಹೂರ್ತ ಸಮಾರಂಭ ನೆರವೇರಿದ್ದು, 2020ರ ಪೊಂಗಲ್ ವೇಳೆಗೆ ಸಿನಿಮಾವನ್ನು ತೆರೆಗೆ ತರುವ ಪ್ಲ್ಯಾನ್ ನಲ್ಲಿ ಚಿತ್ರತಂಡವಿದೆ.

ARUN KUMAR G
ARUN KUMAR G Senior Film Journalist GAURI LANKESH PATRIKE, KARMAVEERA and others

ಸದ್ಯದಲ್ಲೇ ಚಿತ್ರದುರ್ಗದ ಒನಕೆ ಓಬವ್ವ ಸಿನಿಮಾ ರಿಲೀಸ್!

Previous article

ಡಾರ್ಕ್ ಕೇವ್ ನಲ್ಲಿ ಕುಣಿದ ಶ್ರೀಯಾ!

Next article

You may also like

Comments

Leave a reply

Your email address will not be published. Required fields are marked *