ವಿಶ್ವಸಂಸ‍್ಥೆಯ ಹುದ್ದೆಯಿಂದ ಪ್ರಿಯಾಂಕರನ್ನು ಕೈಬಿಡಿ: ಪಾಕ್ ನಟಿ

ವಿಶ್ವಸಂಸ್ಥೆಯ ಯುನಿಸೆಫ್​ ಸೌಹಾರ್ದತೆಯ ರಾಯಭಾರಿ ಹುದ್ದೆಯಿಂದ ನಟಿ ಪ್ರಿಯಾಂಕಾ ಚೋಪ್ರಾ ಅವರನ್ನು ಕೈಬಿಡುವಂತೆ ಪಾಕ್ ನಟಿ ಅರ್ಮೀನ್ ಖಾನ್ ಒತ್ತಾಯಿಸಿದ್ದಾರೆ. ಈ ಕುರಿತು UNICEF ಗೆ ಪತ್ರ ಬರೆದಿರುವ ಅರ್ಮೀನ್ ಹಾಗೂ ಅವರ ಪತಿ​, ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ತಮ್ಮ ಟ್ವೀಟ್ ಮೂಲಕ ಪಾಕ್ ಮೇಲೆ ಯುದ್ಧಕ್ಕೆ ಉತ್ತೇಜನ ನೀಡಿದ್ದಾರೆ. ಆದ್ದರಿಂದ ಅವರನ್ನು ರಾಯಭಾರಿ ಸ್ಥಾನದಿಂದ ಕೆಳಗಿಳಿಸುವಂತೆ ಆಗ್ರಹಿಸಿದ್ದಾರೆ. ಈ ಪತ್ರವನ್ನು ತಮ್ಮ ಟ್ವಿಟ್ಟರ್​ಲ್ಲಿ ಹಂಚಿಕೊಂಡಿದ್ದಾರೆ.

ಇನ್ನು ಕಳೆದ ಕೆಲ ತಿಂಗಳುಗಳ ಹಿಂದೆ ಪುಲ್ವಾಮಾ ದಾಳಿ ಪ್ರತೀಕಾರವಾಗಿ ಪಾಕಿಸ್ತಾನದ ಬಾಲ್ ಕೋಟ್​​ ಮೇಲೆ ಏರ್​ ಸ್ಟ್ರೈಕ್ ನಡೆಸಿದ ಭಾರತೀಯ ಸೇನೆಗೆ ಪ್ರಿಯಾಂಕಾ ಟ್ವೀಟ್ ಮಾಡಿ ಅಭಿನಂದಿಸಿದ್ದರು. ಪಿಗ್ಗಿಯ ಈ ನಡೆ ಖಂಡಿಸಿದ ಕೆಲವರು ವಿಶ್ವಸಂಸ್ಥೆಯ ಸೌಹಾರ್ದತೆಯ ರಾಯಭಾರಿ ಹುದ್ದೆಯಿಂದ ಅವರನ್ನು ಕೈ ಬಿಡಬೇಕೆಂದು ಒತ್ತಾಯಿಸಿದ್ದರು.

https://twitter.com/ArmeenaRK/status/1160994762582908929

ಇತ್ತೀಚಿಗಷ್ಟೇ ಪಾಕ್​ ಮೂಲದ ಯುವತಿವೋರ್ವಳು ಪಿಗ್ಗಿಯ ಈ ಟ್ವೀಟ್ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದರು. ‘ವಿಶ್ವಸಂಸ್ಥೆಯ ಸೌಹಾರ್ದತೆಯ ರಾಯಭಾರಿ ಆಗಿರುವ ನೀವು ಪಾಕ್​ ಮೇಲೆ ನ್ಯೂಕ್ಲಿಯರ್​ ದಾಳಿ ಬಯಸುತ್ತಿದ್ದೀರಿ. ನಮ್ಮ ದೇಶದಲ್ಲಿಯೂ ನಿಮ್ಮ ಅಭಿಮಾನಿಗಳಿದ್ದಾರೆ’ ಎಂದಿದ್ದಳು. ಇದಕ್ಕೆ ಉತ್ತರಿಸಿದ್ದ ಪ್ರಿಯಾಂಕಾ, “ನೀವು ಹೇಳುವುದು ನಂಗೆ ಕೇಳಿಸಿತು. ಪಾಕ್​ನಲ್ಲಿ ನನಗೆ ತುಂಬಾ ಅಭಿಮಾನಿಗಳಿದ್ದಾರೆ. ಯುದ್ಧದಿಂದ ನಾವು ಏನನ್ನೂ ಪಡೆಯಲು ಸಾಧ್ಯವಿಲ್ಲ. ಆದರೆ, ನಾನು ಭಾರತೀಯಳು. ನಾನು ದೇಶಭಕ್ತೆ, ಆದ್ದರಿಂದ ನಮ್ಮ ಸೈನಿಕರಿಗೆ ಧನ್ಯವಾದ ಹೇಳಿದ್ದೆ” ಎಂದು ಪಾಕ್ ಯುವತಿಯ ಬಾಯಿ ಮುಚ್ಚಿಸಿದ್ದರು. ಸದ್ಯ ಅರ್ಮೀನ್ ಟ್ವೀಟ್​ಗೆ ಕೆಲವರು ಟೀಕೆ ಮಾಡಿದ್ದಾರೆ. ನೀವು ಫೇಮಸ್ ಆಗುವ ಉದ್ದೇಶದಿಂದ ಸೂಪರ್​ ಸ್ಟಾರ್ ಪ್ರಿಯಾಂಕಾ ಅವರನ್ನು ನಡೆಗೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ ಎಂದು ಟಾಂಗ್ ಸಹ ಕೊಟ್ಟಿದ್ದಾರೆ.