ಆರಂಭದಲ್ಲಿ ಟೈಟಲ್ ಕಾರಣದಿಂದಲೇ ಭಾರೀ ಸುದ್ದಿಯಾಗಿದ್ದ ಚಿತ್ರ ರಾಜಣ್ಣನ ಮಗ. ಕೋಲಾರ ಸೀನು ನಿರ್ದೇಶನದ ಈ ಚಿತ್ರದ ಬಿಡುಗಡೆ ದಿನಾಂಕವೀಗ ನಿಗಧಿಯಾಗಿದೆ. ಇದೇ ಮಾರ್ಚ್ ತಿಂಗಳ 22  ರಂದು ರಾಜಣ್ಣನ ಮಗ ಪ್ರೇಕ್ಷಕರ ಮುಂದೆ ಪ್ರತ್ಯಕ್ಷನಾಗಲಿದ್ದಾನೆ.
ಚರಣ್ ರಾಜ್ ಈ ಚಿತ್ರದಲ್ಲಿ ರಾಜಣ್ಣನಾಗಿ ವಿಶೇಷವಾದ ಗೆಟಪ್ಪಿನಲ್ಲಿ ಕಾಣಿಸಿಕೊಂಡಿದ್ದಾರೆ. ರಾಜಣ್ಣನ ಮಗನಾಗಿ ನಾಯಕನ ಪಾತ್ರವನ್ನು ನಿಭಾಯಿಸಿರುವವರು ಹರೀಶ್. ಈ ರಾಜಣ್ಣನ ಮಗನ ಪಾತ್ರವನ್ನು ನಿರ್ದೇಶಕ ಕೋಲಾರ ಸೀನು ಅತ್ಯಂತ ವಿಶೇಷವಾಗಿ ರೂಪಿಸಿದ್ದಾರಂತೆ. ಈ ರಾಜಣ್ಣನ ಮಗ ಸೌಮ್ಯ ಸ್ವಭಾವದ ಹುಡುಗ. ಆದರೆ ಅನ್ಯಾಯ ನಡೆದರೆ ಅದಕ್ಕೆ ಕಾರಣವಾದವರು ಎಂಥಾ ರಕ್ಕಸರೇ ಆಗಿದ್ದರೂ ಕೆಡವಿಕೊಂಡು ಬಡಿಯುವ ಛಾತಿಯಿರೋ ಈ ಪಾತ್ರ ಪಕ್ಕಾ ಮಾಸ್ ಶೈಲಿಯಲ್ಲಿ ಮೂಡಿ ಬಂದಿದೆಯಂತೆ.

ಆರಂಭದಲ್ಲಿ ಈ ಟೈಟಲ್ ವಿಚಾರವಾಗಿಯೇ ಒಂದಷ್ಟು ವಿವಾದಗಳೆದ್ದಿದ್ದವು. ಯಾಕೆಂದರೆ ಇಡೀ ಕರ್ನಾಟಕಕ್ಕೇ ಪ್ರೀತಿಯ ರಾಜಣ್ಣ ಆಗಿರೋದು ಡಾ. ರಾಜ್ ಕುಮಾರ್ ಅವರು ಮಾತ್ರ. ರಾಜಣ್ಣನ ಮಗ ಅನ್ನೋ ಟೈಟಲ್ ಏನಿದ್ದರೂ ಆ ಕುಟುಂಬಕ್ಕೆ ಮಾತ್ರ ಎಂಬಂಥಾ ವಾದವೂ ಕೇಳಿ ಬಂದಿತ್ತು. ಆದರೆ ರಾಜಣ್ಣನ ಅಭಿಮಾನಿಗಳೇ ಇರುವ ಈ ತಂಡ ರಾಜಣ್ಣನಿಗೆ ಅಪಮಾನವಾಗುವಂಥಾ ಯಾವ ಅಂಶಗಳನ್ನೂ ಇಟ್ಟಿಲ್ಲ ಅಂತ ಸ್ಪಷ್ಟೀಕರಣ ನೀಡಿದ ನಂತರ ಎಲ್ಲವೂ ತಣ್ಣಗಾಗಿ ಕುತೂಹಲ ಮಾತ್ರವೇ ಉಳಿದುಕೊಂಡಿತ್ತು. ಈ ಚಿತ್ರದ ಪ್ರಧಾನ ಆಕರ್ಷಣೆ ನಾಯಕ ಹರೀಶ್. ಇವರಂತೂ ಟೈಗರ್ ಪ್ರಭಾಕರ್ ಅವರನ್ನೇ ಹೋಲುತ್ತಾರೆಂದು ಅನೇಕರು ಹೇಳುತ್ತಾರೆ. ಆದರೆ ಚಿತ್ರದುದ್ದಕ್ಕೂ ಅವರು ಪ್ರಭಾಕರ್ ಅವರ ಖದರ್ ಅನ್ನೇ ನೆನಪಿಸುವಂತೆ ಅಬ್ಬರಿಸಿದ್ದಾರಂತೆ. ಸಾಹಸ ಸನ್ನಿವೇಶಗಳಂತೂ ಡಿಫರೆಂಟ್ ಡ್ಯಾನಿ ಅವರ ನಿರ್ದೇಶನದಲ್ಲಿ ಅದ್ಭುತವಾಗಿ ಮೂಡಿ ಬಂದಿವೆಯಂತೆ. ಈ ಮೂಲಕ ಕನ್ನಡ ಚಿತ್ರರಂಗಕ್ಕೆ ಮತ್ತೋರ್ವ ಆಕ್ಷನ್ ಹೀರೋನ ಆಗಮನವಾದಂತಿದೆ.

CG ARUN

ವಿಮರ್ಶಕರಲ್ಲಿಯೂ ವಿಸ್ಮಯ ಮೂಡಿಸಿದ ಬದ್ರಿ ಮತ್ತು ಮಧುಮತಿ!

Previous article

ಖಡಕ್ ಅಧಿಕಾರಿಗಳನ್ನೇ ಕಂಪಿಸುವಂತೆ ಮಾಡಿದ್ದ ಮಿಸ್ಸಿಂಗ್ ಬಾಯ್!

Next article

You may also like

Comments

Leave a reply

Your email address will not be published. Required fields are marked *