ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅಭಿನಯದ ನಟಸಾರ್ವಭೌಮ ಚಿತ್ರದ ಸಕ್ಸಸ್ ನ ನಂತರ ಪವನ್ ಒಡೆಯರ್ ನಿರ್ದೇಶನ ಮಾಡುತ್ತಿರುವ ಹೊಸ ಸಿನಿಮಾ ರೆಮೋ. ರೊಮ್ಯಾಂಟಿಕ್ ಜಾನರ್ ನ ಚಿತ್ರ ಇದಾಗಿದ್ದು, ಟೈಟಲ್ ನಿಂದಲೇ ಸಾಕಷ್ಟು ಕ್ರೇಜ್ ಕ್ರಿಯೇಟ್ ಮಾಡಿದೆ. ಈಗಾಗಲೇ ಹೈದರಾಬಾದ್, ಬೆಂಗಳೂರು ಸೇರಿದಂತೆ ಬಹುತೇಕ ಕಡೆಗಳಲ್ಲಿ ಭರದಿಂದ ಶೂಟಿಂಗ್ ನಡೆದಿದ್ದು, ಸದ್ಯ ಪ್ರಮುಖ ಸನ್ನಿವೇಶಕ್ಕಾಗಿ ಬೆಂಗಳೂರಿನ ವಿಜಯನಗರದಲ್ಲಿ ಬರೋಬ್ಬರಿ 1 ಕೋಟಿ ವೆಚ್ಚದಲ್ಲಿ ಬೃಹತ್ ಸೆಟ್ ನಿರ್ಮಿಸಿ ಚಿತ್ರೀಕರಣವನ್ನು ಮಾಡಲಾಗುತ್ತಿದೆ.
ವಿಜಯನಗರದ ಬಸ್ ನಿಲ್ದಾಣದ ಬಳಿಯ ಕಟ್ಟಡವೊಂದರ ಟೆರೇಸ್ ಮೇಲೆ ಐಷಾರಾಮಿ ಕಚೇರಿಯ ಸೆಟ್ ಹಾಕಲಾಗಿದ್ದು. ಸಂಪೂರ್ಣ ಸೆಟ್ ನ್ನು ಗಾಜಿನಿಂದಲೇ ರೂಪಿಸಲಾಗಿದೆಯಂತೆ. ಇನ್ನು ಪಕ್ಕದಲ್ಲೇ ಮೆಟ್ರೋ ರೈಲು ಸಾಗುವುದರಿಂದ ಸಿನಿಮಾದ ಸೀಕ್ವೆಲ್ಗೆ ತಕ್ಕ ಲೊಕೇಷನ್ ಕೂಡ ಇದಾಗಿರಲಿದೆ. ನಾಯಕನಾಗಿ ‘ರೋಗ್’ ಸಿನಿಮಾ ಖ್ಯಾತಿಯ ಇಶಾನ್ ನಟಿಸುತ್ತಿದ್ದು, ನಾಯಕಿಯಾಗಿ ಆಶಿಕಾ ರಂಗನಾಥ್ ಜೊತೆಯಾಗಿದ್ದಾರೆ.
No Comment! Be the first one.