ಸಾಹೋ ಹಸಿ ಬಿಸಿ ಸಾಂಗ್ ಬ್ಯಾಡ್ ಬಾಯ್ ರಿಲೀಸ್!

ಭಾರತದಾದ್ಯಂತ ಭಾರೀ ನಿರೀಕ್ಷೆ ಹುಟ್ಟುಹಾಕಿರುವ ಪ್ರಭಾಸ್ ಅಭಿನಯದ ಸಾಹೋ ಸಿನಿಮಾ ಬಿಟೌನ್ ನಲ್ಲಿ ಸಖತ್ತಾಗಿಯೇ ಸದ್ದು ಮಾಡುತ್ತಿದೆ. ಬಾಹುಬಲಿ ನಂತರ ಟಾಲಿವುಡ್ ರೆಬಲ್ ಸ್ಟಾರ್ ಪ್ರಭಾಸ್ ನಟನೆಯ ಸಿನಿಮಾ ಇದಾಗಿರೋದೇ ಎಲ್ಲಕ್ಕೂ ಮೇನ್ ರೀಜನ್. ಈಗಾಗಲೇ ಟ್ರೇಲರ್​ ಮೂಲಕ ಸಂಚಲನ ಸೃಷ್ಟಿಸಿರುವ ಚಿತ್ರತಂಡ ಇದೀಗ ಮತ್ತೊಂದು ಸಾಂಗ್ ಬಿಡುಗಡೆ ಮಾಡಿದೆ. ಈ ಹಿಂದೆ ರೋಮ್ಯಾಂಟಿಕ್ ಗೀತೆಯ ಮೂಲಕ ಹಾರ್ಟ್​ಗೆ ಲಗ್ಗೆಯಿಟ್ಟ ಟೀಂ ಸಾಹೋ ಈ ಬಾರಿ ಸಖತ್ ಹಾಟ್ ಗೀತೆಯೊಂದಿಗೆ ಪಡ್ಡೆ ಹೈಕಳ ಮೈ ಬಿಸಿ ಏರಿಸಿದೆ.

ಬ್ಯಾಡ್ ಬಾಯ್ ಲಿರಿಕ್ ನೊಂದಿಗೆ ಮೂಡಿಬಂದಿರುವ ಈ ಹಸಿಬಿಸಿ ಸಾಂಗಿನಲ್ಲಿ ಪ್ರಭಾಸ್ ಗೆ ಜಾಕ್ವೆಲಿನ್ ಫರ್ನಾಂಡೀಸ್ ಜತೆಯಾಗಿದ್ದಾರೆ. ಈ ಮೊದಲು ನಾಯಕಿಯಾಗಿ ಶ್ರದ್ಧಾ ಕಪೂರ್ ನಟಿಸುತ್ತಿದ್ದಾರೆ ಎಂಬ ಸುದ್ದಿಯ ಬೆನ್ನಲ್ಲೇ ಜಾಕ್ವಲಿನ್ ಸಡನ್ ಪ್ರತ್ಯಕ್ಷ ಅಭಿಮಾನಿಗಳಲ್ಲಿ ಸಾಕಷ್ಟು ಕುತೂಹಲವನ್ನು ಉಂಟು ಮಾಡಿದೆ. Rapper ಬಾದ್ ಶಾ ಸಂಗೀತ ಸಂಯೋಜಿಸಿ ಈ ಗೀತೆಯನ್ನು ಹಾಡಿದ್ದು, ಬಾಹುಬಲಿ ಹುಡುಗನ ಬ್ಯಾಡ್ ಬಾಯ್ ಲುಕ್ಕಿಗೆ ರೆಬಲ್ ಸ್ಟಾರ್ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಈ ಚಿತ್ರವು ಆಗಸ್ಟ್​ 30 ರಂದು ದೇಶದಾದ್ಯಂತ ಹಲವು ಭಾಷೆಯಲ್ಲಿ ಬಿಡುಗಡೆಯಾಗಲಿದೆ.