ನಿರ್ದೇಶಕ ಸ್ಮೈಲ್ ಸೀನು ನಾಯಕನಾಗಿ ಎಂಟ್ರಿ!

ಸಿನಿಮಾದಲ್ಲಿ ನಟಿಸುತ್ತಿದ್ದ ಕಲಾವಿದರು ಪ್ರೊಮೋಷನ್ ಪಡೆದುಕೊಂಡು ನಿರ್ದೇಶಕರಾಗಿ, ನಾಯಕನಾಗಿ ಅಬ್ಬರಿಸುವುದು ಸ್ಯಾಂಡಲ್ ವುಡ್ ನ ಮಟ್ಟಿಗೇನು ಹೊಸದಲ್ಲ. ಈಗಾಗಲೇ ಅನೇಕ ನಿರ್ದೇಶಕರು ಹೀರೋಗಳಾಗಿ ಶೈನಿಂಗ್ ನಲ್ಲೂ ಇದ್ದಾರೆ. ಸದ್ಯಕ್ಕೆ ಈ ಕ್ಯಾಟಗೆರಿಗೆ ಹೊಸ ಸೇರ್ಪಡೆ ಸ್ಮೈಲ್ ಸೀನು.

ಹೌದು ನಿರ್ದೇಶಕ ಸ್ಮೈಲ್ ಸೀನು ಇದೀಗ ನಾಯಕನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅವರು ದ್ವಿಭಾಷಾ ಸಿನಿಮಾಗಳ ಮೂಲಕ ಹೀರೋ ಆಗಿ ನಟಿಸುತ್ತಿರುವುದು ವಿಶೇಷವಾಗಿದ್ದು, ಈ ಸಿನಿಮಾವನ್ನು ಸಂಪತ್ ಕುಮಾರ್ ನಿರ್ದೇಶನ ಮಾಡುತ್ತಿದ್ದಾರೆ. ಇನ್ನು ಸ್ಮೈಲ್ ಸೀನು ಕನ್ನಡದಲ್ಲಿ ‘ತೂಪಾನ್’, ‘ಬಳ್ಳಾರಿ ದರ್ಬಾರ್’, ’18 ಟು 25′ ಹೀಗೆ ಅನೇಕ ಸಿನಿಮಾಗಳಿಗೆ ಆ್ಯಕ್ಷನ್ ಕಟ್ ಹೇಳಿದ್ದು, ಇದೇ ಮೊದಲ ಬಾರಿಗೆ ನಾಯಕನಟರಾಗಿ ಬೇರೆಯವರ ನಿರ್ದೇಶನದಲ್ಲಿ ನಟಿಸುತ್ತಿದ್ದಾರೆ.