ಅಮಾಯಕನ ಕ್ಷಮೆಯಾಚಿಸಿದ ಸನ್ನಿಲಿಯೋನ್!

ನೀಲಿ ತಾರೆ ಹಾಗೂ ಬಿ ಟೌನಿನ ಬೇಡಿಕೆ ನಟಿ ಸನ್ನಿ ಲಿಯೋನ್ ಅರ್ಜುನ್ ಪಟಿಯಾಲ ಜತೆ ನಟಿಸಿರುವ ಸಿನಿಮಾ ಕಳೆದ ವಾರ ರಿಲೀಸ್ ಆಗಿತ್ತು. ಈ ಸಿನಿಮಾದಲ್ಲಿ ಸನ್ನಿ ಲಿಯೋನ್ ಬಳಸಿರುವ ಫೋನ್ ನಂಬರ್ ಆಕಸ್ಮಿಕವಾಗಿ ದೆಹಲಿಯ ಪಿತಂಬರಿ ನಿವಾಸಿ ಪುನೀತ್ ಅಗರ್ ವಾಲ್ ಅವರ ಫೋನ್ ನಂಬರ್ ಆಗಿತ್ತು.

ಚಿತ್ರ ವೀಕ್ಷಿಸಿದ ಕೆಲ ಪಡ್ಡೆಹೈಕ್ಲು ಪುನೀತ್​ ಅಗರ್​ವಾಲ್​ ಅವರ ನಂಬರ್​ಗೆ ಫೋನ್​ ಮಾಡಿ, ನಾವು ಸನ್ನಿಲಿಯೋನ್ ಜೊತೆ ಮಾತನಾಡಬೇಕೆಂದು ಕಾಟ ಕೊಟ್ಟಿದ್ದರು. ಈ ಬಗ್ಗೆ ಸನ್ನಿಲಿಯೋನ್  ಟಿವಿ ಸಂದರ್ಶನಲ್ಲಿ ಮಾತನಾಡುತ್ತಿದ್ದಾಗ ಘಟನೆಯನ್ನು ವಿವರಿಸಿ, “ನಿಮಗೆ ಈ ರೀತಿ ಆಗಬಾರದಿತ್ತು. ನಾನು ಸಾರಿ ಕೇಳುತ್ತೇನೆ. ಆದರೆ ನಿಮಗೆ ಕೆಲ ಇಂಟರೆಸ್ಟಿಂಗ್​ ವ್ಯಕ್ತಿಗಳಿಂದ ಫೋನ್​​ಗಳು ಬಂದಿರಬಹುದು” ಎಂದು ಕಾಲು ಎಳೆದು ತಮಾಷೆಯನ್ನು ಮಾಡಿದ್ದಾರೆ. ಬೆಕ್ಕಿಗೆ ಆಟ ಇಲಿಗೆ ಪ್ರಾಣ ಸಂಕಟ ಅಂದರೆ ಇದೇ ಇರಬೇಕು.