ಮೊಗ್ಗಿನ ಮನಸು ಸೇರಿದಂತೆ ನವಿರಾದ, ಸದಭಿರುಚಿಯ ಚಿತ್ರಗಳ ಮೂಲಕವೇ ಮನೆ ಮಾತಾಗಿರುವವರು ನಿರ್ದೇಶಕ ಶಶಾಂಕ್. ಅವರ ಪಾಲಿಗೆ ತಾಯಿಗೆ ತಕ್ಕ ಮಗ ಚಿತ್ರ ತಮ್ಮ ಈ ವರೆಗಿನ ಸಿನಿಮಾ ಯಾನದ ಮೈಲಿಗಲ್ಲಿನಂಥಾ ಚಿತ್ರ. ಇದುವರೆಗೂ ನಿರ್ದೇಶಕರಾಗಿ ಪರಿಚಿತರಾಗಿದ್ದ ಅವರು ಈ ಚಿತ್ರದ ಮೂಲಕ ನಿರ್ಮಾಣದ ಭಾರವನ್ನೂ ಹೆಗಲೇರಿಸಿಕೊಂಡಿದ್ದಾರೆ. ಆದರೆ ಈಗ ಈಗ ಹಬ್ಬಿಕೊಂಡಿರೋ ಅಗಾಧ ಕ್ರೇಜ್ ಕಂಡು ನಿರಾಳವಾಗಿರುವ ಶಶಾಂಕ್ ಇದೇ ೧೬ರಂದು ಚಿತ್ರ ತೆರೆ ಕಾಣುತ್ತಿರೋ ಸಂಭ್ರಮದಲ್ಲಿದ್ದಾರೆ!
ಪ್ರತೀ ಚಿತ್ರದಲ್ಲಿಯೂ ಹೊಸತನ ಕಾಯ್ದುಕೊಂಡು ಬಂದಿರೋ ಶಶಾಂಕ್ ನಿರ್ದೇಶಕರಾಗಿಯೂ ಭಿನ್ನ ಜಾಡು ಹಿಡಿದಿರೋ ಸುಳಿವನ್ನೀಗಲೇ ತಾಯಿಗೆ ತಕ್ಕ ಮಗ ಚಿತ್ರ ನೀಡಿದೆ. ಈಗಾಗಲೇ ಟ್ರೈಲರ್ನಿಂದ, ಚೆಂದದ ಹಾಡುಗಳಿಂದ ಈ ಚಿತ್ರ ಪ್ರೇಕ್ಷಕರನ್ನು ಆವರಿಸಿಕೊಂಡಿದೆ. ಲವರ್ ಬಾಯ್ ಆಗಿಯೇ ರಿಜಿಸ್ಟರ್ ಆಗಿದ್ದ ಅಜೇಯ್ ರಾವ್ ಅವರನ್ನು ಪಕ್ಕಾ ಮಾಸ್ ಲುಕ್ಕಲ್ಲಿ ಕಣ್ತುಂಬಿಕೊಳ್ಳಲು ಪ್ರೇಕ್ಷಕರು ಕಾದಿದ್ದಾರೆ.
ಅಜೇಯ್ ರಾವ್ ಎಕ್ಸ್ಕ್ಯೂಸ್ ಮೀ ಚಿತ್ರದಲ್ಲಿ ಉತ್ಕಟ ಪ್ರೇಮಿಯಾಗಿ, ಮುಗ್ಧ ಹುಡುಗನಾಗಿ ನಟಿಸಿದ್ದರಲ್ಲಾ? ಆ ಚಿತ್ರದಲ್ಲಿ ಅವರ ತಾಯಿಯಾಗಿ ನಟಿಸಿದ್ದವರು ಸುಮಲತಾ ಅಂಬರೀಶ್. ಆ ಚಿತ್ರದ ಮೂಲಕವೇ ಈ ಅಮ್ಮ ಮಗನ ಜೋಡಿ ಪ್ರೇಕ್ಷಕರನ್ನು ಆವರಿಸಿಕೊಂಡಿತ್ತು. ಅದಾಗಿ ಈಗ ಅಖಂಡ ಹದಿನಾಲಕ್ಕು ವರ್ಷಗಳೇ ಕಳೆದಿವೆ. ಇದೀಗ ಬೇರೆಯದ್ದೇ ರೂಪದಲ್ಲಿ ಈ ಅಮ್ಮ ಮಗ ಈ ಚಿತ್ರದ ಮೂಲಕ ಮತ್ತೆ ಒಂದಾಗಿದ್ದಾರೆ.
ಎಕ್ಸ್ಕ್ಯೂಸ್ಮೀ ಚಿತ್ರದಲ್ಲಿ ಅಜೇಯ್ ಮುಗ್ದ ಹುಡುಗನಾಗಿದ್ದರೆ, ಸುಮಲತಾ ಅಂಥಾ ಮುಗ್ಧತೆಗೇ ಅಮ್ಮನಂಥಾ ಮನಮಿಡಿಯುವ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಆದರೆ ತಾಯಿಗೆ ತಕ್ಕ ಮಗ ಚಿತ್ರದಲ್ಲಿ ತಾಯಿಯೂ ಬದಲಾಗಿದ್ದಾರೆ. ತಾಯಿಗೆ ತಕ್ಕಂತೆ ಮಗನೂ ಬದಲಾಗಿದ್ದಾನೆ. ಇಲ್ಲಿ ಸುಮಲತಾ ಅವರದ್ದು ಖಡಕ್ಕು ವಕೀಲೆಯ ಪಾತ್ರ. ಅದೇ ವ್ಯಕ್ತಿತ್ವ ವನ್ನು ತುಂಬಿಕೊಂಡು ದುಷ್ಟರನ್ನು ಸದೆ ಬಡಿಯೋ ಪಾತ್ರ ಅಜೇಯ್ರದ್ದು!
ಈ ಮಾಸ್ ಲುಕ್ಕಿನೊಂದಿಗೇ ರೊಮ್ಯಾಂಟಿಕ್ ಮೂಡಿನಲ್ಲಿಯೂ ಅಜೇಯ್ ರಾವ್ ಗಮನ ಸೆಳೆದಿದ್ದಾರೆ. ಅದಕ್ಕೆ ಆಶಿಕಾ ರಂಗನಾಥ್ ಕೂಡಾ ಸಾಥ್ ನೀಡಿದ್ದಾರೆ. ಅಶಿಕಾ ಭಿನ್ನವಾದೊಂದು ಪಾತ್ರವನ್ನೂ ನಿರ್ವಹಿಸಿದ್ದಾರೆ. ಹೀಗೆ ಸಾಲು ಸಾಲಾಗಿ ಆಕರ್ಷಣೆಗಳನ್ನು ಒಡಲಲ್ಲಿಟ್ಟುಕೊಂಡಿರೋ ಈ ಚಿತ್ರ ತೆರೆಗಾಣಲು ವಾರವಷ್ಟೇ ಬಾಕಿ ಉಳಿದಿದೆ!
#
No Comment! Be the first one.