ಸುದೀಪ್ ಅವರ ಪಾಲಿಗೆ ಈ ಹುಟ್ಟುಹಬ್ಬದ ನಂತರದಲ್ಲಿ ಹೊಸತನದ ಸುಗ್ಗಿಯೇ ಆರಂಭವಾದಂತಿದೆ. ಕನ್ನಡದಲ್ಲಿಯೂ ಸಾಕಷ್ಟು ಚಿತ್ರಗಳನ್ನು ಒಪ್ಪಿಕೊಂಡಿರೋ ಅವರು, ಬೇರೆ ಭಾಷೆಗಳಲ್ಲಿಯೂ ಬ್ಯುಸಿಯಾಗಿದ್ದಾರೆ. ಮೆಘಾಸ್ಟಾರ್ ಚಿರಂಜೀವಿ ಜೊತೆ ಸೈರಾ ಚಿತ್ರದಲ್ಲಿ ನಟಿಸುತ್ತಿರೋ ಸುದೀಪ್ ತಮಿಳು ನಟ ಧನುಶ್ ನಿರ್ದೇಶನದ ಚಿತ್ರವೊಂದರಲ್ಲಿಯೂ ನಟಿಸಲಿದ್ದಾರಾ?
ಇದೀಗ ಹರಿದಾಡುತ್ತರೋ ಸುದ್ದಿಗಳು ಹೌದು ಎಂಬಂಥಾ ಉತ್ತರವನ್ನೇ ಧ್ವನಿಸುವಂತಿವೆ. ನಟನಾಗಿ, ಹಾಡುಗಾರನಾಗಿ ಪರಿಚಿತರಾಗಿರೋ ರಜನೀಕಾಂತ್ ಅಳಿಯ ಧನುಶ್ ನಿರ್ದೇಶಕನಾಗಿಯೂ ಸೈ ಅನ್ನಿಸಿಕೊಂಡಿದ್ದಾರೆ. ಅವರ ನಿರ್ದೇಶನದಲ್ಲಿ ಮೂಡಿ ಬರಲಿರೋ ಹೊಸಾ ಚಿತ್ರಕ್ಕೆ ಸದ್ದೇ ಇಲ್ಲದಂತೆ ಸಿದ್ಧತೆಗಳು ಆರಂಭವಾಗಿವೆ. ಆ ಚಿತ್ರದಲ್ಲಿ ಸುದೀಪ್ ಕೂಡಾ ನಟಿಸಲಿದ್ದಾರೆಂಬ ಸುದ್ದಿ ಎಲ್ಲೆಡೆಯಿಂದಲೂ ಕೇಳಿ ಬರಲಾರಂಭಿಸಿದೆ.
ಧನುಶ್ ನಿರ್ದೇಶನದ ಈ ಚಿತ್ರ ಮಲ್ಟಿಸ್ಟಾರರ್ ಚಿತ್ರ. ಇದರಲ್ಲಿ ನಾಗಾರ್ಜುನ, ಸುದೀಪ್ ಸೇರಿದಂತೆ ಬಹು ಭಾಷೆಯ ಇನ್ನೊಂದಷ್ಟು ಸ್ಟಾರ್ ನಟರೂ ಅಭಿನಯಿಸಲಿದ್ದಾರಂತೆ. ಒಂದು ಮೂಲದ ಪ್ರಕಾರ ಸುದೀಪೊ ಅವರ ಜೊತೆಗೆ ಈ ಚಿತ್ರದ ಬಗೆಗಿನ ಮಾತುಕತೆಗಳೂ ಫೈನಲ್ ಆಗಿವೆ. ಈ ಬಗೆಗಿನ ಅಧಿಕೃತ ಮಾಹಿತಿಗಳು ಹೊರ ಬೀಳೋದಷ್ಟೇ ಬಾಕಿ ಉಳಿದಿದೆ.
ತಮ್ಮ ಪಾಡಿಗೆ ತಾವು ಈ ಚಿತ್ರಕ್ಕಾಗಿ ವರ್ಷದಿಂದೀಚೆಗೆ ಧನುಶ್ ಕಾರ್ಯಪ್ರವೃತ್ತರಾಗಿದ್ದರಂತೆ. ಇದೀಗ ಎಲ್ಲ ವಿಭಾಗಳನ್ನೂ ತುಂಬಿಸಿಕೊಂಡು ತಾರಾಗಣದ ಆಯ್ಕೆಯನ್ನೂ ಹೆಚ್ಚೂಕಡಿಮೆ ಪೂರೈಸಿಕೊಂಡಿರೋ ಧನುಶ್ ಚಿತ್ರೀಕರಣಕ್ಕಾಗಿ ಅದ್ಭುತವಾದ ಲೊಕೇಷನ್ನುಗಳ ಹುಡುಕಾಟದಲ್ಲಿದ್ದಾರಂತೆ!
#
