ಪವರ್ ಸ್ಟಾರ್ ದನಿಯಲ್ಲಿ ಮೂಡಿಬಂದಿರೋ ಕಾಣದಂತೆ ಮಾಯವಾದನು ಸಾಂಗು ಯಾರು ತಾನೇ ಕೇಳಿಲ್ಲ. ಅಪ್ಪು ಚಿಕ್ಕವರಿದ್ದಾಗ ಹಾಡಿದ ವರ್ಷನ್ ಒಂದು ಕಡೆಯಾದ್ರೆ ದೊಡ್ಡವರಾದ ಮೇಲೂ ಅದೇ ಸಾಂಗನ್ನು ಸ್ವಲ್ಪ ಫಾಸ್ಟ್ ಬೀಟ್ ನಲ್ಲೂ ಹಾಡಿಸಲಾಗಿತ್ತು. ಸದ್ಯ ಆ ಹಾಡಿನ ಸಾಲನ್ನಿಟ್ಟುಕೊಂಡೇ ಸ್ಯಾಂಡಲ್ ವುಡ್ ನಲ್ಲಿ ಹೊಸ ಸಿನಿಮಾವೊಂದು ತಯಾರಾಗಿ ರಿಲೀಸ್ ಗೆ ರೆಡಿಯಾಗಿದೆ. ಆ ಚಿತ್ರಕ್ಕೆ ಕಾಣದಂತೆ ಮಾಯವಾದನು ಎಂದು ಹೆಸರಿಟ್ಟಿದ್ದು ಇತ್ತೀಚಿಗೆ ಚಿತ್ರದ ಕ್ಯಾರೆಕ್ಟರ್ ಪ್ರೋಮೋ ರಿಲೀಸ್ ಆಗಿ ಸದ್ದು ಮಾಡುತ್ತಿದೆ. ವಿಶೇಷವೆಂದರೆ ಇದೇ ವಾರ ಸಿನಿಮಾ ಟ್ರೇಲರ್ ಕೂಡ ಬಿಡುಗಡೆಯಾಗಲಿದೆ.
ರಾಜ ಪತ್ತಿಪಾರಿ ಅವರ ನಿರ್ದೇಶನದಲ್ಲಿ ಈ ಸಿನಿಮಾ ಮೂಡಿಬಂದಿದ್ದು, ತಾರಾಂಗಣದಲ್ಲಿ ಜಯ್ಯಮ್ಮನ ಮಗ ಖ್ಯಾತಿಯ ವಿಕಾಸ್, ಸಿಂಧೂ ಲೋಕನಾಥ್, ಸೀತಾಕೋಟೆ, ಅಚ್ಯುತ್ಕುಮಾರ್ ಹಾಗೂ ಧರ್ಮಣ್ಣ ಇದ್ದಾರೆ.
ಕಾಣದಂತೆ ಮಾಯವಾದನು ಚಿತ್ರದಲ್ಲಿ ಅಕಾಲಿಕವಾಗಿ ನಿಧನರಾದ ರಾಘವ್ ಉದಯ್ ಸಹ ನಟಿಸಿದ್ದು ಕ್ಯಾರೆಕ್ಟರ್ ಪ್ರೋಮೋದಲ್ಲಿ ಕೂಡ ಸಖತ್ ಆಗಿ ಮಿಂಚಿದ್ದಾರೆ.
ಈ ಚಿತ್ರವನ್ನು ಪ್ರಗತಿ ಶಾಲೆಯ ಮುಖ್ಯಸ್ಥರಾದ ಸೋಮ್ ಸಿಂಗ್, ಪುಷ್ಬಾ ಸೋಮ್ ಸಿಂಗ್ ಹಾಗೂ ಚಂದ್ರಶೇಖರ್ ನಾಯ್ಡು ನಿರ್ಮಾಣ ಮಾಡಿದ್ದಾರೆ.
ಉಳಿದಂತೆ ಸುಜ್ಞಾನ ಅವರ ಕ್ಯಾಮೆರಾವರ್ಕ್ ಹಾಗೂ ಗುಮ್ಮಿನೇನಿ ವಿಜಯ್ ಅವರ ಸಂಗೀತ ಸಂಯೋಜನೆ ಈ ಚಿತ್ರಕ್ಕಿದೆ.
No Comment! Be the first one.