Connect with us

ಕಲರ್ ಸ್ಟ್ರೀಟ್

ಜನರಿಂದ ದೂರವಿದ್ದೂ ಮನಸ್ಸಿಗೆ ಹತ್ತಿರವಾಗುವ ನಟ!

Published

on

ತಮಿಳು ನಾಡಿನಲ್ಲಿ ರಜನೀಕಾಂತ್ ಹಾಗೂ ಕಮಲಹಾಸನ್ ಅವರಿಗೆ ತಮ್ಮದೇ ಆದ ಸ್ಥಾನ ಮಾನ ಹಾಗೂ ಬೃಹತ್ ಅಭಿಮಾನಿ ಬಳಗವಿದೆ. ಆದರೆ ಅಜಿತ್ ಚಿತ್ರಗಳು ಪಡೆಯುವ ಅದ್ದೂರಿ ಆರಂಭವನ್ನು ಕಮಲ ಹಾಸನ್ ಅವರ ಚಿತ್ರಗಳೂ ಪಡೆಯುವುದಿಲ್ಲ. ಅವರಷ್ಟು ಸಂಭಾವನೆಯನ್ನು ತಮಿಳಿನ ಇತರ ಸ್ಟಾರ್‌ಗಳು ಪಡೆಯುವುದಿಲ್ಲ!
ಈ ಪರಿ ಹೆಸರಾಗಿರುವ ಅಜಿತ್ ಬಗ್ಗೆ ಹೆಚ್ಚಿನವರಿಗೆ ಗೊತ್ತಿಲ್ಲದಿರುವ ಹಲವಾರು ಇಂಟರೆಸ್ಟಿಂಗ್ ಸಂಗತಿಗಳಿವೆ. ತಮಿಳು ಚಿತ್ರರಂಗದ ಅಭಿಮಾನಿಗಳಿಂದ ‘ತಲೈ’ ಎಂದು ಕರೆಸಿಕೊಳ್ಳುವ ಈ ಸ್ಟಾರ್ ಒಂದು ಚಿತ್ರಕ್ಕೆ ಪಡೆಯುವ ಸಂಭಾವನೆ ೨೦ ಕೋಟಿ ರೂಗಳು. ಈ ಸಂಭಾವನೆಯನ್ನು ಪೂರ್ತಿ ಪಾವತಿಸಿದ ನಂತರವೇ ಅಜಿತ್ ಈ ಚಿತ್ರದ ಚಿತ್ರೀಕರಣದಲ್ಲಿ ಭಾಗವಹಿಸುವುದು. ಯಾವುದೇ ಚಿತ್ರದ ಚಿತ್ರೀಕರಣ ಹಾಗೂ ಡಬ್ಬಿಂಗ್ ಕಾರ್ಯಕ್ರಮ ಮುಗಿಸಿದ ನಂತರ ಚಿತ್ರಕ್ಕೆ ಸಂಬಂಧಪಟ್ಟವರು ಯಾರೂ ಈ ಸ್ಟಾರ್‌ನನ್ನು ಸಂಪರ್ಕಿಸುವುದಕ್ಕಾಗುವುದಿಲ್ಲ. ಆತ ಯಾರ ಫೊನ್ ಕರೆಯನ್ನು ಸ್ವೀಕರಿಸುವುದಿಲ್ಲ. ಚಿತ್ರದ ಕೆಲಸ ಮುಗಿಸಿ ಆತ ಯಾವುದೋ ವಿದೇಶಕ್ಕೆ ಹೋಗಿ ಕಾರಿನ ರೇಸ್‌ನಲ್ಲಿ ಭಾಗವಹಿಸಿಬಿಡುತ್ತಾನೆ. ಆದರಾತ ಯಾವ ದೇಶದಲ್ಲಿದ್ದಾನೆನ್ನುವ ವಿಚಾರ ಯಾರಿಗೂ ಗೊತ್ತಾಗುವುದಿಲ್ಲ. ಆತನ ಪತ್ನಿ ಶಾಲಿನಿ ಈ ಹಿಂದೆ ಮಲೆಯಾಳಂ ಹಾಗೂ ತಮಿಳು ಚಿತ್ರಗಳಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡಿದ್ದರೂ ಆತನ ಬಗ್ಗೆ ಯಾವುದೇ ಮಾಹಿತಿ, ಸೂಚನೆಯನ್ನು ಕೊಡುವ ಹಾಗಿಲ್ಲ!


ಚಿತ್ರದ ಚಿತ್ರೀಕರಣದಲ್ಲಿ ಭಾಗವಹಿಸುವುದನ್ನು ಬಿಟ್ಟರೆ ಈ ನಟ ಬೇರೆ ಯಾವುದೇ ಕಾರ್ಯಕ್ರಮದಲ್ಲಿ ಕಾಣಿಸಿಕೊಳ್ಳುವುದಿಲ್ಲ್ಲ. ತನ್ನ ಚಿತ್ರದ ಬಗ್ಗೆ ಯಾರಲ್ಲೂ ಒಂದು ಮಾತನ್ನೂ ಆಡುವುದಿಲ್ಲ. ಚಿತ್ರದ ಆಡಿಯೋ ಕ್ಯಾಸೆಟ್ ಸಮಾರಂಭದಲ್ಲಾಗಲೀ ಅಥವ ಪತ್ರಿಕಾ ಗೋಷ್ಟಿಯಲ್ಲಾಗಲೀ ಭಾಗವಹಿಸುವುದಿಲ್ಲ! ನಿರ್ಮಾಪಕರು ಚಿತ್ರದ ಪ್ರಚಾರಕ್ಕಾಗಿ ನಡೆಸುವ ಯಾವುದೇ ಗಿಮಿಕ್ಕುಗಳಲ್ಲೂ ಅಜಿತ್ ಇನ್ ವಾಲ್ವ್ ಆಗೋದಿಲ್ಲ. ತಾನು ಅಭಿನಯಿಸಿದ ಮೇಲೆ ಚಿತ್ರದ ಬಗ್ಗೆ ಮಾತನಾಡುವುದು, ಪ್ರಚಾರ ನೀಡುವುದು ಏನಿದೆ ಎಂದು ಈತ ತನ್ನ ಅಭಿನಯದ ಚಿತ್ರಗಳ ಅನೇಕ ಯುವ ನಿರ್ದೇಶಕರನ್ನೇ ಕೇಳಿದ್ದಾನಂತೆ. ಇಷ್ಟಾದರೂ ಆತನಿಗಿರುವ ಅಭಿಮಾನಿಗಳ ಸಂಖ್ಯೆ ದಿನ ದಿನಕ್ಕೆ ಏರುತ್ತಲೇ ಇದೆ.


ಅಜಿತ್ ಅಭಿನಯದ ೫೦ನೆಯ ಚಿತ್ರ ಮಂಗಾತಾ ಭಾರಿ ಯಶಸ್ಸು ಪಡೆಯಿತು. ಈ ಚಿತ್ರವನ್ನು ನಿರ್ದೇಶಿಸಿದವರು ಚೆನ್ನೈ ೬೦೦ ೦೨೮ ಹಾಗೂ ಸರೋಜಾ ಚಿತ್ರಗಳನ್ನು ನಿರ್ದೇಶಿಸಿದ ವೆಂಕಟ್ ಪ್ರಭು (ಇಳಯರಾಜಾ ಅವರ ತಮ್ಮನ ಮಗ). ತಮಿಳು ಚಿತ್ರರಂಗದಲ್ಲಿ ಪ್ರತಿಭಾನ್ವಿತ ಯುವ ನಿರ್ದೇಶಕ ಎನ್ನಿಸಿಕೊಂಡ ವೆಂಕಟ್ ಪ್ರಭು ಆದರೂ ಅಜಿತ್ ನನ್ನು ಬದಲಾಯಿಸುತ್ತಾರೋ ಎನ್ನುವ ನಿರೀಕ್ಷೆಗಳು ಕೂಡ ಹುಸಿಯಾದವು. ಅಜಿತ್ ತಮ್ಮ ೫೦ನೆಯ ಚಿತ್ರದ ಬಗ್ಗೆಯೂ ಯಾವುದೇ ಮಾಧ್ಯಮದಲ್ಲಿ ಮಾತಾಡಲಿಲ್ಲ.


ಹೋಗಲಿ ಈತನ ಅಭಿಮಾನಿಗಳಾದರೂ ಈತನನ್ನು ನಿಯಂತ್ರಣಕ್ಕೆ ತರಬಲ್ಲರೇ ಎನ್ನುವ ಊಹೆಗೂ ತೆರೆ ಬಿದ್ದಿದೆ. ಒಮ್ಮೆ ಈತನ ಅಭಿಮಾನಿಗಳು ಯಾವುದೋ ಒಂದು ವಿಷಯಕ್ಕೆ ಪಟ್ಟಿಗೆ ಕೂತಾಗ ನಾನು ನನ್ನ ಅಭಿಮಾನಿಗಳ ಸಂಘವನ್ನೇ ವಿಸರ್ಜಿಸಿದ್ದೇನೆ. ಇನ್ನು ನನಗೆ ಅಭಿಮಾನಿ ಸಂಘ ಇಲ್ಲ ಅಂತ ಹೇಳಿಬಿಟ್ಟಿದ್ದ! ಹೀಗಾದರೂ ಆತನ ಅಭಿಮಾನಿಗಳ ಸಂಖ್ಯೆ ಚಿತ್ರದಿಂದ ಚಿತ್ರಕ್ಕೆ ಹೆಚ್ಚುತ್ತಿದೆಯೇ ಹೊರತು ಕಡಿಮೆ ಆಗಿಲ್ಲ.

Continue Reading
Advertisement
Click to comment

Leave a Reply

Your email address will not be published. Required fields are marked *

ಕಲರ್ ಸ್ಟ್ರೀಟ್

ಪರದೇಸಿ ಕೇರಾಫ್ ಲಂಡನ್ ಇದು ಎರಡನೇ ಸಲದ ಮಹಾ ಸಂಗಮ!

Published

on


ಸಾಮಾನ್ಯವಾಗಿ ಒಂದೇ ತಂಡ, ನಾಯಕ ಮತ್ತು ನಿರ್ದೇಶಕರು ಒಂದರ ಹಿಂದೆ ಮತ್ತೊಂದು ಚಿತ್ರದಲ್ಲಿ ಜೊತೆಯಾಗೋದು ವಿರಳ. ಎಷ್ಟೋ ಸಲ ಒಂದು ಸಿನಿಮಾ ಮುಕ್ತಾಯಕ್ಕೂ ಮುನ್ನವೇ ತಂಡದೊಳಗಿನ ವಿಶ್ವಾಸವೂ ಸಮಾಪ್ತಿಗೊಂಡಿರುತ್ತದೆ. ಆದರೆ ಪರದೇಸಿ ಕೇರಾಫ್ ಲಂಡನ್ ವಿಚಾರದಲ್ಲದು ಪಕ್ಕಾ ತದ್ವಿರುದ್ಧ!

ಪರದೇಸಿ ಕೇರಾಫ್ ಲಂಡನ್ ಮೂಲಕ ನಿರ್ದೇಶಕ ರಾಜಶೇಖರ್ ಮತ್ತು ವಿಜಯ್ ರಾಘವೇಂದ್ರ ಎರಡನೇ ಸಲ ಒಂದಾಗಿದ್ದಾರೆ. ಈ ಹಿಂದೆ ಇದೇ ಜೋಡಿ ರಾಜ ಲವ್ಸ್ ರಾಧೆ ಚಿತ್ರದ ಮೂಲಕ ಗೆಲುವು ದಾಖಲಿಸಿತ್ತು. ಈಗ ಹೆಚ್ಚೂ ಕಮ್ಮಿ ಅದೇ ತಂಡವೇ ಸೇರಿಕೊಂಡು ಪರದೇಸಿ ಕೇರಾಫ್ ಲಂಡನ್ ಚಿತ್ರವನ್ನು ರೂಪಿಸಿದೆ.
ರಾಜ ಲವ್ಸ್ ರಾಧೆ ಚಿತ್ರ ಅಂತಿಮ ಹಂತ ತಲುಪೋ ಮುನ್ನವೇ ನಿರ್ದೇಶಕ ರಾಜಶೇಖರ್ ಹೊಸಾ ಕಥೆಯೊಂದಕ್ಕೆ ಕಾವು ಕೊಟ್ಟಿದ್ದರು. ಅದಕ್ಕೆ ವಿಜಯ್ ರಾಘವೇಂದ್ರ ಅವರೇ ನಾಯಕ ಎಂದೂ ಫಿಕ್ಸಾಗಿದ್ದರು. ಆ ಘಳಿಗೆಯಲ್ಲಿಯೇ ರಾಜಶೇಖರ್ ವಿಜಯ್ ರಾಘವೇಂದ್ರ ಅವರ ಜೊತೆ ಮತ್ತೊಂದು ಚಿತ್ರ ಮಾಡೋದಾಗಿಯೂ ಘೋಶಿಸಿದ್ದರು.

ಆ ಮಾತಿಗೆ ತಕ್ಕುದಾಗಿಯೇ ಪರದೇಸಿ ಕೇರಾಫ್ ಲಂಡನ್ ಅನ್ನು ರೂಪಿಸಿ ಬಿಡುಗಡೆಯ ಹೊಸ್ತಿಲಿಗೆ ತಂದು ನಿಲ್ಲಿಸಿದ್ದಾರೆ.
ವಿಜಯ್ ರಾಘವೇಂದ್ರರ ನಟನಾ ಚಾತುರ್ಯದ ಬಗ್ಗೆ ಬಿಡಿಸಿ ಹೇಳೋ ಅಗತ್ಯವೇನಿಲ್ಲ. ಈವರೆಗೂ ಅವರು ಥರ ಥರದ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ಎಂಥಾ ಪಾತ್ರಗಳಿಗಾದರೂ ಒಗ್ಗಿಕೊಳ್ಳುವ ಛಾತಿಯನ್ನೂ ಜಾಹೀರು ಮಾಡಿದ್ದಾರೆ. ಆದರೆ ಈ ಚಿತ್ರದಲ್ಲಿ ವಿಜಯ್ ಈ ಹಿಂದೆಂದೂ ಕಾಣಿಸದ ರೀತಿಯಲ್ಲಿ ಅವತರಿಸಲಿದ್ದಾರೆ ಅಂತ ರಾಜಶೇಖರ್ ಆರಂಭದಲ್ಲಿಯೇ ಹೇಳಿದ್ದಾರೆ. ಪರದೇಸಿ ಕೇರಾಫ್ ಲಂಡನ್ ಬಗ್ಗೆ ಈ ಪಾಟಿ ನಿರೀಕ್ಷೆ ಮೂಡಿರೋದಕ್ಕೆ ಅದೂ ಕೂಡಾ ಪ್ರಮುಖ ಕಾರಣ. ಅಂಥಾ ವಿಶೇಷತೆ ಏನಿದೆ ಎಂಬುದು ಈ ತಿಂಗಳ ಕಡೇಯ ಹೊತ್ತಿಗೆಲ್ಲ ಅನಾವರಣಗೊಳ್ಳಲಿದೆ.

Continue Reading

ಕಲರ್ ಸ್ಟ್ರೀಟ್

ಡಾ ರಾಜ್ ಮೊಮ್ಮಗನಿಗೊಲಿದ ಕೆಂಡಸಂಪಿಗೆ!

Published

on


ಕನ್ನಡದಲ್ಲಿ ಅಪಾರ ಅವಕಾಶಗಳನ್ನು ಗಳಿಸಿಕೊಳ್ಳುತ್ತಲೇ ಪರಭಾಷೆಗೂ ಜಿಗಿದ ಖುಷಿಯಲ್ಲಿರುವವಳು ಮಾನ್ವಿತಾ ಕಾಮತ್. ಇದೀಗ ಮಾನ್ವಿತಾ ಡಾ ರಾಜ್‌ಕುಮಾರ್ ಮೊಮ್ಮಗ ಧೀರೇನ್ ನಾಯಕನಾಗಿರೋ ದಾರಿ ತಪ್ಪಿದ ಮಗ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾಗಿದ್ದಾಳೆ.

ಧೀರೇನ್ ಎಂಟ್ರಿ ಕೊಡುತ್ತಿರೋ ದಾರಿ ತಪ್ಪಿದ ಮಗನ ಬಗ್ಗೆ ಈ ಹಿಂದಿನಿಂದಲೂ ವ್ಯಾಪಕವಾಗಿ ಸುದ್ದಿಗಳು ಹರಿದಾಡುತ್ತಿದ್ದವು. ಈ ವಿಚಾರ ಅಧಿಕೃತವಾಗಿ ಜಾಹೀರಾದರೂ ನಾಯಕಿ ಯಾರಾಗಲಿದ್ದಾರೆಂಬ ಕುತೂಹಲ ಮಾತ್ರ ಹಾಗೆಯೇ ಉಳಿದುಕೊಂಡಿತ್ತು. ಇಲ್ಲಿ ನಾಯಕಿಯದ್ದು ಲವ ಲವಿಕೆಯಿಂದಿರೋ ಮುದ್ದಾದ ಪಾತ್ರ. ಅದಕ್ಕೆ ಹುಡುಕಾಟ ನಡೆಸಿದ ನಿರ್ದೇಶಕರು ಕಡೆಗೂ ಮಾನ್ವಿತಾಳನ್ನು ಆಯ್ಕೆ ಮಾಡಿದ್ದಾರೆ.

ರಾಜ್ ಮೊಮ್ಮಗ ಧೀರೇನ್ ಈಗಾಗಲೇ ಈ ಚಿತ್ರದ ಪಾತ್ರಕ್ಕಾಗಿ ಪಟ್ಟು ಹಿಡಿದು ಸಾಕಷ್ಟು ತಯಾರಿ ಮಾಡಿಕೊಂಡಿದ್ದಾರೆ. ನಟನೆಯಲ್ಲಿ ತರಬೇತಿ ಪಡೆದು ಡ್ಯಾನ್ಸ್, ಫೈಟ್‌ಗಳಲ್ಲಿಯೂ ಪಳಗಿಕೊಂಡಿದ್ದಾರೆ. ನಿರ್ದೇಶಾಕ ಅನಿಲ್ ಕುಮಾರ್ ಕೂಡಾ ಎಲ್ಲ ಸಿದ್ಧತೆಗಳನ್ನೂ ಮುಗಿಸಿಕೊಂಡು ಚಿತ್ರೀಕರಣದತ್ತ ಮುಖ ಮಾಡಿದ್ದಾರೆ.
ನಟಿ ಮಾನ್ವಿತಾ ಕೆಂಡ ಸಂಪಿಗೆ ಮೂಲಕ ಎಂಟ್ರಿ ಕೊಟ್ಟು ಆ ನಂತರ ಟಗರು ಚಿತ್ರದ ಮೂಲಕ ಹೆಚ್ಚಿನ ಅವಕಾಶಗಳನ್ನು ತನ್ನದಾಗಿಸಿಕೊಳ್ಳುತ್ತಿದ್ದಾಳೆ. ಈ ಸಮಯದಲ್ಲಿಯೇ ಮರಾಠಿ ಚಿತ್ರಕ್ಕೆ ನಾಯಕಿಯಾಗೋ ಅವಕಾಶವೂ ಒಲಿದು ಬಂದಿದೆ. ಅದನ್ನೊಪ್ಪಿಕೊಂಡು ಮರಾಠಿಯಲ್ಲಿಯೂ ಸಕ್ರಿಯವಾಗಿರೋ ಮಾನ್ವಿತಾ ದಾರಿ ತಪ್ಪಿದ ಮಗನಿಗೂ ಸಾಥ್ ಕೊಡಲು ಮುಂದಾಗಿದ್ದಾಳೆ.

Continue Reading

ಕಲರ್ ಸ್ಟ್ರೀಟ್

ಕ್ರೇಜಿಸ್ಟಾರ್ ಪುತ್ರನಿಗೆ ಸಿಕ್ಕವಳು ಹುಬ್ಬಳ್ಳಿ ಹುಡುಗಿ!

Published

on


ರವಿಚಂದ್ರನ್ ಪುತ್ರ ಮನೋರಂಜನ್ ಸಾಕಷ್ಟು ತಯಾರಿ ಮಾಡಿಕೊಂಡ ಬಳಿಕ ಹೊಸಾ ಚಿತ್ರಕ್ಕೆ ರೆಡಿಯಾಗಿದ್ದಾರೆ. ಈ ಚಿತ್ರಕ್ಕೆ ಪ್ರಾರಂಭ ಎಂಬ ಹೆಸರೂ ನಿಗಧಿಯಾಗಿದೆ. ಸಾಕಷ್ಟು ಸಮಯದಿಂದ ಪ್ರಾರಂಭಕ್ಕೆ ನಾಯಕಿಯನ್ನು ಆಯ್ಕೆ ಮಾಡೋ ಕಾರ್ಯ ಚಾಲ್ತಿಯಲ್ಲಿತ್ತು. ಇದಕ್ಕಾಗಿ ದೊಡ್ಡ ಮಟ್ಟದಲ್ಲಿಯೇ ಸರ್ಕಸ್ಸು ನಡೆಸಿ ಕಡೆಗೂ ಕೀರ್ತಿ ಕಲಕೇರಿಯನ್ನು ನಾಯಕಿ ಪಾತ್ರಕ್ಕೆ ನಿಕ್ಕಿ ಮಾಡಲಾಗಿದೆ.

ಕೀರ್ತಿ ಕಲಕೇರಿ ಮಾಡೆಲಿಂಗ್ ಕ್ಷೇತ್ರದಲ್ಲಿ ಛಾಪು ಮೂಡಿಸಿರೋ ಹುಡುಗಿ. ಈಗಾಗಲೇ ಮಿಸ್ ಗೋವಾ ಕರೀಟವನ್ನೂ ಮುಡಿಗೇರಿಸಿಕೊಂಡಿರುವ ಈಕೆ ಪಕ್ಕಾ ಕನ್ನಡತಿ. ಹುಬ್ಬಳ್ಳಿಯ ಕೀರ್ತಿ ಈಗಿನ್ನೂ ಹದಿನೆಂಟರ ಹುಡುಗಿ. ಈ ಚಿತ್ರದ ನಾಯಕಿ ಪಾತ್ರಕ್ಕೆ ಮುಗ್ಧ ಮುಖ ಭಾವ ಹೊತ್ತ ತಾಜಾ ಮುಖವೊಂದು ಬೇಕಾಗಿತ್ತಂತೆ. ಅದಕ್ಕಾಗಿ ಆಡಿಷನ್ ನಡೆಸಿದ್ದ ಚಿತ್ರತಂಡ ಎಪ್ಪತ್ತಕ್ಕೂ ಅಧಿಕ ಹುಡುಗೀರಲ್ಲಿ ಕೀರ್ತಿಯನ್ನು ಆಯ್ಕೆ ಮಾಡಿಕೊಂಡಿದೆ.

ಪ್ರಾರಂಭವನ್ನು ಮನು ಕಲ್ಯಾಡಿ ನಿರ್ದೇಶನ ಮಾಡಲಿದ್ದಾರೆ. ಜಗದೀಶ್ ಕಲ್ಯಾಡಿ ಹಣ ನಿರ್ಮಾಣದ ಜವಾಬ್ದಾರಿ ಹೊತ್ತಿದ್ದಾರೆ. ಕೌಟುಂಬಿಕ ಕಥಾಹಂದರ ಹೊಂದಿರೋ ಈ ಚಿತ್ರಕ್ಕೆ ತಿಂಗಳೊಪ್ಪತ್ತಿನಲ್ಲಿಯೇ ಚಿತ್ರೀಕರಣ ಆರಂಭವಾಗಲಿದೆ.

Continue Reading
Advertisement
Chitralahari 400 x 600
DJ ENTERTAINMENTS 300 x 600

Trending

Copyright © 2018 Cinibuzz