Connect with us

ಗಾಂಧಿನಗರ ಗಾಸಿಪ್

ಛಾಯಾಗ್ರಾಹಕರನ್ನು ಬದಲಿಸೋ ಟ್ರೆಂಡು ಶುರುವಾಯ್ತಾ?

Published

on

ಕಲಾಕೃತಿಯಂಥಾ ಸಿನಿಮಾ ಸ್ಟಿಲ್ ಫೋಟೋಗ್ರಫಿಯಿಂದ ಖ್ಯಾತರಾಗಿದ್ದ ಭುವನ್ ಗೌಡ ಈಗ ಛಾಯಾಗ್ರಾಹಕರಾಗಿಯೂ ಪ್ರಸಿದ್ಧಿ ಪಡೆದುಕೊಂಡಿದ್ದಾರೆ. ಭುವನ್ ಭರ್ಜರಿ ಚೇತನ್ ನಿರ್ದೇಶನದ ಭರಾಟೆ ಚಿತ್ರಕ್ಕೂ ಛಾಯಾಗ್ರಾಹಕರಾಗಿ ಆಯ್ಕೆಯಾಗೋ ಮೂಲಕ ಶ್ರೀಮುರಳಿಗೆ ಮೂರನೇ ಚಿತ್ರದಲ್ಲಿಯೂ ಒಂದಾಗಿದ್ದರು. ಆದರೀಗ ಭರಾಟೆಯಿಂದ ಭುವನ್ ಗೌಡ ಹೊರ ಬಂದಿದ್ದಾರೆಂಬ ಸುದ್ದಿ ಬಂದಿದೆ!

ಭುವನ್ ಗೌಡ ಭರಾಟೆ ಚಿತ್ರದ ಛಾಯಾಗ್ರಹಣದಿಂದ ಏಕಾಏಕಿ ಹೊರ ಬಿದ್ದ ಸುದ್ದಿ ಕೇಳಿ ಬಹುತೇಕರು ಅಚ್ಚರಿಗೊಂಡಿದ್ದಾರೆ. ಈ ಮೂಲಕ ಚಿತ್ರರಂಗದಲ್ಲಿ ಇತ್ತೀಚೆಗೆ ಹುಟ್ಟಿಕೊಂಡಿರೋ ಛಾಯಾಗ್ರಾಹಕರನ್ನು ಬದಲಾಯಿಸೋ ಟ್ರೆಂಡ್ ಒಂದು ಮುಂದುವರೆದಂತಾಗಿದೆ. ತಿಂಗಳುಗಳ ಕಾಲ ಚಿತ್ರ ತಂಡದ ಜೊತೆಗಿದ್ದು, ಚರ್ಚೆ ನಡೆಸಿ, ಇಡೀ ಚಿತ್ರಕ್ಕೊಂದು ಸ್ಪಷ್ಟವಾದ ಫ್ರೇಮು ಹಾಕುವಲ್ಲಿ ಪ್ರಧಾನ ಪಾತ್ರ ವಹಿಸೋ ಛಾಯಾಗ್ರಾಹಕರನ್ನು ಇನ್ನೇನು ಚಿತ್ರೀಕರಣ ಚಾಲೂ ಆಗುತ್ತದೆಂಬಷ್ಟರಲ್ಲಿ ಹೊರ ಹಾಕೋ ವಿದ್ಯಮಾನಕ್ಕೆ ಭುವನ್ ಪ್ರಕರಣವೂ ಸೇರಿಕೊಂಡಿದೆ.

ಶ್ರೀಮುರಳಿ ಅಭಿನಯದ ಉಗ್ರಂ ಚಿತ್ರದ ಮೂಲಕ ಛಾಯಾಗ್ರಾಹಕರಾಗಿದ್ದ ಭುವನ್ ಗೌಡ ಆ ಬಳಿಕ ರಥಾವರ ಚಿತ್ರದಲ್ಲಿಯೂ ಶ್ರೀಮುರಳಿಗೆ ಸಾಥ್ ನೀಡಿದ್ದರು. ಭರಾಟೆ ಸಿನಿಮಾದ ಮೂಲಕ ಮೂರನೇ ಬಾರಿ ಈ ಜೋಡಿ ಒಟ್ಟುಗೂಡಿತ್ತು. ಚಿತ್ರೀಕರಣವೂ ಶುರುವಾಗಿ ಒಂದಷ್ಟು ವಾರ ಕಳೆಯುತ್ತಲೇ ಏಕಾಏಕಿ ಭುವನ್ ಗೌಡ ಹೊರ ಬಂದಿದ್ದಾರೆಂದರೆ ಇದಕ್ಕೆ ಕಾರಣವೇನು ಎಂಬ ಪ್ರಶ್ನೆ ಕಾಡೋದು ಸಹಜವೇ. ಈ ಬಗ್ಗೆ ಕೆದಕಿದರೆ ನಿರ್ದೇಶಕ ಚೇತನ್ ಮತ್ತು ಭುವನ್ ನಡುವಿನ ಭಿನ್ನಾಭಿಪ್ರಾಯವೇ ಈ ವಿದ್ಯಮಾನಕ್ಕೆ ಮೂಲ ಕಾರಣ ಎಂಬ ಅಂಶವೂ ಜಾಹೀರಾಗುತ್ತದೆ.

ಭುವನ್ ಗೌಡ ಬಗ್ಗೆ ಚಿತ್ರರಂಗದಲ್ಲಿ ಹರಿದಾಡುತ್ತಿರೋ ರಂಗು ರಂಗಾದ ಗಾಸಿಪ್ಪುಗಳೇನೇ ಇದ್ದರೂ ಆತ ಪ್ರತಿಭಾವಂತ ಎಂಬುದರಲ್ಲಿ ಎರಡು ಮಾತಿಲ್ಲ. ಪುಷ್ಪಕ ವಿಮಾನವೂ ಸೇರಿದಂತೆ ಯಶ್ ಅಭಿನಯದ ಬಹುನಿರೀಕ್ಷಿತ ಕೆಜಿಎಫ್ ಚಿತ್ರಕ್ಕೂ ಭುವನ್ ಛಾಯಾಗ್ರಾಹಕರಾಗಿ ಕೆಲಸ ಮಾಡಿದ್ದಾರೆ. ಛಾಯಾಗ್ರಹಣದ ವಿಚಾರದಲ್ಲಿ ಬೇರೆ ಭಾಷೆಗಳ ಚಿತ್ರರಂಗವೇ ಕನ್ನಡದತ್ತ ಅಚ್ಚರಿಯಿಂದ ನೋಡುವಂತೆ ಮಾಡಬಲ್ಲ ಛಾತಿಯೂ ಭುವನ್‌ಗೆ ಇರೋದು ಸುಳ್ಳಲ್ಲ. ಆದರೆ ಅದೇಕೆ ಭುವನ್ ಶ್ರೀಮುರಳಿಯ ಭರಾಟೆಯಿಂದ ಹೊರಬಿದ್ದರೋ? ಭುವನ್ ಬಿಟ್ಟುಬಂದ ಜಾಗಕ್ಕೆ ವಿಲನ್ ಚಿತ್ರದ ಛಾಯಾಗ್ರಾಹಕ ಗಿರಿ ಬಂದು ಕೂತಿದ್ದಾರೆ ಅನ್ನೋ ಮಾತು ಕೇಳಿಬರುತ್ತಿದೆ.

Continue Reading
Advertisement
Click to comment

Leave a Reply

Your email address will not be published. Required fields are marked *

ಗಾಂಧಿನಗರ ಗಾಸಿಪ್

ಶುರುವಾಯ್ತು ಬೇಡಿಕೆಯ ಭರಾಟೆ!

Published

on

ಶ್ರೀಮುರುಳಿ ಅಭಿನಯದ ಭರಾಟೆ ಚಿತ್ರದ ಚಿತ್ರೀಕರಣ ರಾಜಸ್ಥಾನದಲ್ಲಿ ಅವ್ಯಾಹತವಾಗಿ ನಡೆಯುತ್ತಿದೆ. ಯಾವಾಗ ಚಿತ್ರೀಕರಣ ಆರಂಭವಾಯ್ತೋ ಆ ಘಳಿಗೆಯಿಂದಲೇ ಸದಾ ಸುದ್ದಿಯಲ್ಲಿರುವ ಈ ಚಿತ್ರವೀಗ ಬೇರೆ ಬೇರೆ ಭಾಷೆಗಳ ಚಿತ್ರರಂಗವನ್ನೂ ತನ್ನತ್ತ ಸೆಳೆದಿದೆ. ಇನ್ನು, ದರ್ಶನ್ ಸೋದರಳಿಯ ಮನೋಜ್ ನಟಿಸುತ್ತಿರುವ ‘ಟಕ್ಕರ್’ಗೆ ನಾಲ್ಕೈದು ದಿನಗಳ ಚಿತ್ರೀಕರಣವಷ್ಟೇ ಬಾಕಿಯಿದೆ. ಈ ಎರಡೂ ಸಿನಿಮಾಗಳಿನ್ನೂ ಚಿತ್ರೀಕರಣದ ಹಂತದಲ್ಲಿರುವಾಗಲೇ ಡಬ್ಬಿಂಗ್ ರೈಟ್ಸ್‌ಗಾಗಿ ಪೈಪೋಟಿ ಆರಂಭವಾಗಿದೆ!

ವಿಶೇಷವೆಂದರೆ ಈ ಎರಡೂ ಸಿನಿಮಾಗಳ ಫಸ್ಟ್ ಲುಕ್ ಎಲ್ಲೆಡೆ ಮೆಚ್ಚುಗೆ ಪಡೆದುಕೊಂಡಿದೆ. ಅದು ಒಟ್ಟಾರೆ ಚಿತ್ರದ ಅದ್ದೂರಿತನಕ್ಕೂ ಕನ್ನಡಿ ಹಿಡಿದಂತಿದೆ. ಈ ಕಾರಣದಿಂದಾಗಿಯೇ ಡಬ್ಬಿಂಗ್ ಹಕ್ಕುಗಳಿಗೆ ಭಾರೀ ಬೇಡಿಕೆ ಬಂದಿದೆ. ಇದೀಗ ಹಿಂದಿ ಹಾಗೂ ಭೋಜ್‌ಪುರಿ ಭಾಷೆಗಳಿಗೆ ಭರಾಟೆ ಮತ್ತು ಟಕ್ಕರ್ ಸಿನಿಮಾಗಳನ್ನು ಡಬ್ ಮಾಡಲು ಪ್ರಸಿದ್ಧ ಸಂಸ್ಥೆಗಳೇ ಉತ್ಸುಕವಾಗಿವೆ.

ಬಾಲಿವುಡ್‌ನ ಪ್ರಸಿದ್ಧ ಕಂಪೆನಿಗಳೇ ಈ ಸಿನಿಮಾಗಳ ಡಬ್ಬಿಂಗ್ ಹಕ್ಕುಗಳನ್ನು ಪಡೆಯಲು ಹಣಾಹಣಿ ಶುರು ಮಾಡಿವೆ. ದೊಡ್ಡ ಮೊತ್ತ ಕೊಟ್ಟು ಡಬ್ಬಿಂಗ್ ಹಕ್ಕು ಖರೀದಿಗೂ ಮುಂದಾಗಿವೆ. ಭೋಜ್‌ಪುರಿಯಲ್ಲಂತೂ ಈ ಪೈಪೋಟಿ ಇನ್ನೂ ತೀವ್ರವಾಗಿದೆಯಂತೆ. ಆದರೆ ಈ ಬಗ್ಗೆ ಇನ್ನೂ ಮಾತುಕತೆ ಚಾಲ್ತಿಯಲ್ಲಿದೆ. ಶೀರ್ಘದಲ್ಲಿಯೇ ಈ ಬಗ್ಗೆ ನಿರ್ಮಾಪಕರು ನಿರ್ಧಾರ ಕೈಗೊಳ್ಳಲಿದ್ದಾರೆ.

ಭರಾಟೆಯನ್ನು ಭೋಜ್‌ಪುರಿ ಭಾಷೆಗೆ ಭರಾಟೆಯನ್ನು ಡಬ್ ಮಾಡುವ ಸಲುವಾಗಿ ನೂಕು ನುಗ್ಗಲು ಶುರುವಾಗಿರೋದಕ್ಕೆ ಕಾರಣವಿದೆ. ಭರಾಟೆ ಚಿತ್ರದ ಚಿತ್ರೀಕರಣ ಆರಂಭವಾಗಿದ್ದೇ ರಾಜಸ್ಥಾನದ ಮರುಭೂಮಿಯಲ್ಲಿ. ಇದರ ಬಹುಭಾಗದ ಚಿತ್ರೀಕರಣ ಅಲ್ಲಿಯೇ ನಡೆಯಲಿದೆ. ಶ್ರೀಮುರಳಿಯ ವೇಷಭೂಷಣಗಳೂ ಕೂಡಾ ಅಲ್ಲಿನ ಶೈಲಿಗನುಗುಣವಾಗಿಯೇ ಇದೆ. ಈ ಚಿತ್ರದಲ್ಲಿ ಅಲ್ಲಿನ ಸಂಸ್ಕೃತಿಯ ಘಮವೇ ಹೆಚ್ಚಾಗಿರೋದರಿಂದ ಭೋಜ್‌ಪುರಿಯಲ್ಲಿ ಈ ಚಿತ್ರ ಗೆಲ್ಲೋದು ಗ್ಯಾರೆಂಟಿ. ಆದ್ದರಿಂದಲೇ ಡಬ್ಬಿಂಗ್ ಹಕ್ಕುಗಳಿಗಾಗಿ ಕಸರತ್ತು ಶುರುವಾಗಿದೆ.

ಟಕ್ಕರ್ ಸಿನಿಮಾದ ಮೂಲಕ ಆರಡಿಯ ಹುಡುಗ ಮನೋಜ್ ಎಂಟ್ರಿ ಕೊಡುತ್ತಿರೋದು ಅಮೋಘ ಐದು ಫೈಟುಗಳನ್ನು ರೋಚಕವಾಗಿ ಚಿತ್ರೀಕರಿಸಿರೋದು, ದುಬಾರಿ ಬೆಲೆಯ ಪ್ಯಾಂಟಮ್ ಕ್ಯಾಮೆರಾದಲ್ಲಿ ಸೆರೆ ಹಿಡಿದಿರೋದು, ಸದ್ಯ ಕನ್ನಡದ ಕಿರುತೆರೆಯ ಸ್ಟಾರ್ ನಟಿ ರಂಜನಿ ರಾಘವನ್ ನಾಯಕಿಯಾಗಿ ಕಾಣಿಸಿಕೊಂಡಿರೋದು, ಭಜರಂಗಿ ಲೋಕಿ ಸ್ಟೈಲಿಷ್ ವಿಲನ್ ಆಗಿ ಆರ್ಭಟಿಸಿರೋದು… ಹೀಗೆ ಹಲವಾರು ಕಾರಣಗಳಿಗಾಗಿ ರಘು ಶಾಸ್ತ್ರಿ ನಿರ್ದೇಶನದ ಟಕ್ಕರ್ ಚಿತ್ರದ ಮಾರ್ಕೆಟ್ಟು ತೆರೆದುಕೊಂಡಿದೆ. ಅಂತಿಮ ಹಂತದ ಚಿತ್ರೀಕರಣದ ಸಂದರ್ಭದಲ್ಲೇ ನಾಗೇಶ್ ಕೋಗಿಲು ಅವರ ನಿರ್ಮಾಣದ ‘ಟಕ್ಕರ್’ಗೆ ಬೇಡಿಕೆ ಸೃಷ್ಟಿಯಾಗಿರೋದು ನಿಜಕ್ಕೂ ಒಳ್ಳೇ ಬೆಳವಣಿಗೆ.

ಕನ್ನಡ ಚಿತ್ರಗಳು ಚಿತ್ರೀಕರಣದ ಹಂತದಲ್ಲಿಯೇ ಬೇರೆ ಭಾಷೆಗಳಿಂದ ಇಂಥಾ ಬೇಡಿಕೆ ಪಡೆದಿರೋದು ಸಕಾರಾತ್ಮಕ ಬೆಳವಣಿಗೆ. ಈ ಮೂಲಕ ಭರಾಟೆ ಮತ್ತು ಟಕ್ಕರ್ ಬಗ್ಗೆ ಕನ್ನಡ ಪ್ರೇಕ್ಷಕರಲ್ಲಿಯೂ ಕುತೂಹಲ ಇಮ್ಮಡಿಸಲಿದೆ.

Continue Reading

ಗಾಂಧಿನಗರ ಗಾಸಿಪ್

ಮುಂದಿನ ಚಿತ್ರಕ್ಕೆ ಫಿಕ್ಸಾಯ್ತು ಪವರ್‌ಫುಲ್ ಟೈಟಲ್!

Published

on

ರಾಜಕುಮಾರ ಚಿತ್ರದ ನಂತರ ಮತ್ತೊಂದು ಚಿತ್ರದಲ್ಲಿ ಸಂತೋಷ್ ಆನಂದರಾಮ್ ಮತ್ತು ಪುನೀತ್ ರಾಜ್ ಕುಮಾರ್ ಜೊತೆಯಾಗುತ್ತಿದ್ದಾರೆ. ರಾಜಕುಮಾರ ಕನ್ನಡ ಚಿತ್ರರಂಗದಲ್ಲಿಯೇ ಸಾರ್ವಕಾಲಿಕ ದಾಕಲೆ ಬರೆದ ಚಿತ್ರ. ಇದೇ ಜೋಡಿಯ ಮುಂದಿನ ಚಿತ್ರದ ಬಗ್ಗೆ ಎಲ್ಲೆಡೆ ನಾನಾ ದಿಕ್ಕಿನಲ್ಲಿ ಕುತೂಹಲ, ಚರ್ಚೆ ಆರಂಭವಾಗಿದೆ. ಆದರೀಗ ಈ ಚಿತ್ರದ ಶೀರ್ಷಿಕೆ ಏನೆಂಬುದರ ಬಗ್ಗೆ ಸುಳಿವೊಂದು ಸಿಕ್ಕಿದೆ.

ಸಂತೋಷ್ ಆನಂದರಾಮ್ ಈ ಚಿತ್ರದ ಕಥೆ ಸೇರಿದಂತೆ ಎಲ್ಲ ಕೆಲಸ ಕಾರ್ಯಗಳನ್ನೂ ಈಗಾಗಲೇ ಮುಗಿಸಿಕೊಂಡಿದ್ದಾರೆ. ಆದರೆ ಇದಕ್ಕೆ ಟೈಟಲ್ ಏನಿಡಬಹುದೆಂಬುದೇ ಅವರನ್ನು ಬಹು ದೊಡ್ಡ ಬಾಧೆಯಾಗಿ ಕಾಡಿತ್ತಂತೆ. ಕಡೆಗೂ ಒಂದಷ್ಟು ಟೈಟಲ್ಲುಗಳನ್ನು ಅಳೆದೂತೂಗಿ ಈ ಚಿತ್ರದ ಕಥೆಗೆ ಅನುಗುಣವಾಗಿ ಜ್ವಾಲಾಮುಖಿ ಅಂತ ಹೆಸರಿಡಲಾಗಿದೆ.

ಜ್ವಾಲಾಮುಖಿ ೧೯೮೫ರಲ್ಲಿ ತೆರೆ ಕಂಡಿದ್ದ ಡಾ.ರಾಜ್ ಕುಮಾರ್ ನಟನೆಯ ಚಿತ್ರದ ಟೈಟಲ್. ಆ ಚಿತ್ರ ದೊಡ್ಡ ಮಟ್ಟದಲ್ಲಿಯೇ ಗೆದ್ದಿತ್ತು. ಅದು ಇಂದಿಗೂ ರಾಜ್ ಅಭಿನಯದ ಟಾಪ್ ಚಿತ್ರಗಳ ಸಾಲಿನಲ್ಲಿ ಖಾಯಂ ಸ್ಥಾನ ಪಡೆದುಕೊಂಡಿದೆ. ಇದೀಗ ಪುನೀತ್ ಚಿತ್ರಕ್ಕೆ ಅದೇ ಹೆಸರು ನಿಕ್ಕಿಯಾಗಿದೆ.

ಈ ಟೈಟಲ್ ಅನ್ನು ಪುನೀತ್ ರಾಜ್ ಕುಮಾರ್ ಅವರ ಅಭಿಮಾನಿ ಬಿಡುಗಡೆಗೊಳಿಸಲಿದ್ದಾರಂತೆ. ಅದಾದ ನಂತರ ಈ ಚಿತ್ರದ ಉಳಿದ ರೂಪುರೇಷೆಗಳ ಬಗ್ಗೆ ವಿವರ ಸಿಗಲಿದೆ. ಸದ್ಯಕ್ಕೆ ತಾರಾಗಣದ ಆಯ್ಕೆ ಕಾರ್ಯ ಬಿರುಸಿಂದ ನಡೆಯುತ್ತಿದೆ. ಅಂತೂ ಸಂತೋಷ್ ಆನಂದರಾಮ್ ಅವರು ಪುನೀತ್ ಅಭಿಮಾನಿಗಳಿಗೆ ಇಷ್ಟವಾಗುವಂಥಾ ಟೈಟಲ್ ಅನ್ನೇ ಆಯ್ಕೆ ಮಾಡಿಕೊಂಡಿದ್ದಾರೆ.

Continue Reading

ಗಾಂಧಿನಗರ ಗಾಸಿಪ್

ನೀಲಿತಾರೆಯ ಜೊತೆ ಕಿರಿಕ್ ರಾಣಿ!

Published

on

ಕಳೆದ ಸೀಜನ್ನಿನ ಬಿಗ್‌ಬಾಸ್ ಶೋನಲ್ಲಿ ಸಮೀರ್ ಆಚಾರ್ಯನ ಕಪಾಳಕ್ಕೆ ಬಾರಿಸಿ ಹೋದ ಸಂಯುಕ್ತಾ ಹೆಗಡೆ ಈಗೆಲ್ಲಿದ್ದಾಳೆ? ಹೀಗೊಂದು ಪ್ರಶ್ನೆ ಯಾರನ್ನು ಕಾಡಿದೆಯೋ ಬಿಟ್ಟಿದೆಯೋ ಗೊತ್ತಿಲ್ಲ. ಆದರೆ ಈ ಸಂಯುಕ್ತಾ ಅಖಂಡ ಒಂದು ವರ್ಷಗಳ ಕಾಲ ಕಣ್ಮರೆಯಾಗಿದ್ದದ್ದಂತೂ ನಿಜ. ಆ ನಂತರದಲ್ಲಿ ತುಂಡು ಬಟ್ಟೆ ತೊಟ್ಟು ಪೋಸು ಕೊಟ್ಟರೂ, ರೈಲ್ವೇ ಹಳಿ ಮೇಲೆ ಕಾಲೆತ್ತಿಕೊಂಡು ಬಿದ್ದರೂ ಸಂಯುಕ್ತಾಗೆ ಛೀಮಾರಿ ಸಿಕ್ಕಿತೇ ಹೊರತು ಬೇರೇನೂ ಗಿಟ್ಟಿರಲಿಲ್ಲ!

ಹೀಗೆ ಮರೆಯಾದಂತಿದ್ದ ಸಂಯುಕ್ತಾ ಇದೀಗ ಸನ್ನಿ ಲಿಯೋನ್ ನಡೆಸಿ ಕೊಡುವ ಸ್ಪಿಡ್ಜ್ ವಿಲ್ಲಾ ಎಂಬ ರಿಯಾಲಿಟಿ ಶೋ ಸ್ಪರ್ಧಿಯ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾಳೆ. ಸನ್ನಿ ಲಿಯೋನ್‌ಗೂ ಕೂಡಾ ಮತ್ತಷ್ಟು ಪಾಪ್ಯುಲಾರಿಟಿ ತಂದು ಕೊಟ್ಟಿರೋ ಈ ಶೋ ಡೇಟಿಂಗ್‌ಗೆ ಸಂಬಂಧಿಸಿದ್ದು. ಒಂದಷ್ಟು ವಿವಾದಗಳ ಜೊತೆಯಲ್ಲಿಯೇ ಜರುಗೋ ಈ ರಿಯಾಲಿಟಿ ಶೋ ಸಂಯುಕ್ತಾಳ ಮನಸ್ಥಿತಿಗೆ ಹೇಳಿ ಮಾಡಿಸಿದಂತಿದೆ!

ಕಳೆದೊಂದು ವರ್ಷದಿಂದ ಖಾಲಿ ಕೂತಿದ್ದ ಸಂಯುಕ್ತಾ ಇತ್ತೀಚೆಗೆ ನಡೆದಿದ್ದ ಅವಾರ್ಡ್ ಪ್ರೋಗ್ರಾಂ ಒಂದರಲ್ಲಿ ನಿರೂಪಕಿಯಾಗಿ ಕಾಣಿಸಿಕೊಂಡಿದ್ದಳು. ಅದಕ್ಕೂ ಮುನ್ನ ತಾನು ತಮಿಳಿನಲ್ಲಿ ಸಾಲು ಸಾಲು ಚಿತ್ರಗಳಲ್ಲಿ ನಟಿಸುತ್ತಿರೋದಾಗಿ ಸುದ್ದಿ ಹರಡಿಸಿದ್ದಳು. ಅದೂ ಕೂಡಾ ಅರ್ಧ ಸತ್ಯ. ಒಂದು ವೇಳೆ ತಮಿಳಿನಲ್ಲಿ ಈಕೆ ಅಂಥಾ ಅವಕಾಶ ಹೊಂದಿದ್ದರೆ ಯಾಕೆ ಈ ರಿಯಾಲಿಟಿ ಶೋಗೆ ಬರುತ್ತಿದ್ದಳು ಎಂಬರ್ಥದಲ್ಲಿ ಜನ ಆಡಿಕೊಳ್ಳುತ್ತಿದ್ದಾರೆ.

ಅಂತೂ ಇದೀಗ ಸಂಯುಕ್ತಾ ಪ್ರಖ್ಯಾತ ರಿಯಾಲಿಟಿ ಶೋ ಒಂದರ ಸ್ಪರ್ಧಿಯಾಗಿದ್ದಾಳೆ. ಬಿಗ್ ಬಾಸ್ ಶೋನಲ್ಲಿ ಈಕೆ ಸಹ ಸ್ಪರ್ಧಿಯಾಗಿದ್ದ ಸಮೀರ್ ಆಚಾರ್ಯನ ಕಪಾಳಕ್ಕೆ ಹೊಡೆಯೋ ಮೂಲಕ ವಿವಾದವೆಬ್ಬಿಸಿದ್ದಳು. ಅದಕ್ಕೂ ಮುನ್ನ ಜನಪ್ರಿಯ ರಿಯಾಲಿಟಿ ಶೋ ರೋಡೀಸ್‌ನಲ್ಲಿ ಸ್ಪರ್ಧಿಯಾಗಿದ್ದ ಸಂಯುಕ್ತಾ ಅಲ್ಲಿಯೂ ನಾನಾ ತಗಾದೆ ತೆಗೆದು ಜಗಳ ಮಾಡಿಕೊಂಡೇ ಬಂದಿದ್ದಳು. ಇದೀಗ ಕಿರಿಕ್ ರಾಣಿ ಸನ್ನಿ ಲಿಯೋನ್ ಮನೆ ಸೇರಿಕೊಂಡಿದ್ದಾಳೆ. ಇನ್ನು ಅದೇನೇನು ಅನಾಹುತಗಳ ಸುದ್ದಿ ಬರಲಿದೆಯೋ…

Continue Reading

Trending

Copyright © 2018 Cinibuzz