Connect with us

ರಿಯಾಕ್ಷನ್

”ಒಬ್ಬರಲ್ಲ ನಾಲ್ಕು ಹುಡುಗೀರು ನನ್ನ ತೊಡೆ ಮೇಲೆ ಕೂತಿದ್ದರು!!”

Published

on

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಪಘಾತದಲ್ಲಿ ಕೈ ಮುರಿದುಕೊಂಡು ಆಸ್ಪತ್ರೆಗೆ ದಾಖಲಾದ ಕ್ಷಣದಿಂದಲೇ ಅಭಿಮಾನಿಗಳೆಲ್ಲ ಕಂಗಾಲಾಗಿದ್ದರು. ಅದೆಷ್ಟೋ ಜನ ದರ್ಶನ್ ಬೇಗ ಗುಣಮುಖರಾಗಲೆಂದು ಹರಕೆ ಹೊತ್ತರು. ಚಿತ್ರರಂಗದ ಮಂದಿಯೆಲ್ಲ ಅವರು ಬೇಗನೆ ಮೇಲೆದ್ದು ಬರಲೆಂದು ಹಾರೈಸಿದರು. ಅಭಿಮಾನಿಗಳಂತೂ ತಮ್ಮ ನೆಚ್ಚಿನ ನಟ ಕೊಲಂಬಿಯಾ ಏಷಿಯಾ ಆಸ್ಪತ್ರೆಯ ಬೆಡ್ಡಿಂದ ಬೇಗನೆ ಮೇಲೆದ್ದು ಬರಲಿ ಅಂತ ಆಶಿಸಿದ್ದರು…

ಅದೆಲ್ಲವೂ ಈಗ ಫಲ ನೀಡಿದೆ. ಯಾಕೆಂದರೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ!

ದರ್ಶನ್ ಅವರು ಬೆಂಗಳೂರಿಗೆ ತೆರಳುತ್ತಿದ್ದ ಕಾರು ಮೈಸೂರು ಸಮೀಪ ಅಪಘಾತಕ್ಕೀಡಾಗಿದ್ದು ಇದೇ ತಿಂಗಳ ೨೪ರಂದು. ಅದಾದ ನಂತರ ಮುರಿದ ಕೈಯನ್ನು ಆಪರೇಷನ್ ಮಾಡಲಾಗಿತ್ತು. ಮುರಿದ ಮೂಳೆಗೆ ಪ್ಲೇಟ್ ಜೋಡಿಸಿ ಚಿಕಿತ್ಸೆ ನೀಡಲಾಗಿತ್ತು. ಇದೆಲ್ಲದರಿಂದ ಐದು ದಿನಗಳ ಕಾಲ ಕೊಲಂಬಿಯಾ ಏಶಿಯಾ ಆಸ್ಪತ್ರೆಯಲ್ಲಿಯೇ ಇದ್ದ ದರ್ಶನ್ ಅವರನ್ನು ಇಂದು ಡಿಸ್ಚಾರ್ಜ್ ಮಾಡಲಾಗಿದೆ.

ಸತತವಾಗಿ ಐದು ದಿನಗಳ ಕಾಲ ಆಸ್ಪತ್ರೆಯಲ್ಲಿದ್ದುದರಿಂದ ದರ್ಶನ್ ಬಳಲಿದಂತೆ ಕಂಡರೂ ಅವರಲ್ಲಿ ಬಿಡುಗಡೆಯ ಖುಷಿ ಎದ್ದು ಕಾಣಿಸುತ್ತಿತ್ತು. ಆದರೆ ಆಸ್ಪತ್ರೆಯಿಂದ ಹೊರ ಬಂದ ಕೂಡಲೆ ಎದುರುಗೊಂಡ ದೃಷ್ಯ ಮಾಧ್ಯಮದವರನ್ನು ನೋಡಿದಾಕ್ಷಣವೇ ದರ್ಶನ್ ಏಕಾಏಕಿ ಸಿಟ್ಟಾಗಿದ್ದರು. ಅದಕ್ಕೆ ಕಾರಣ ಕೆಲ ವಾಹಿನಿಗಳು ‘ಅಪಘಾತವಾದ ಸಂದರ್ಭದಲ್ಲಿ ದರ್ಶನ್ ಅವರಿದ್ದ ಕಾರಿನಲ್ಲಿ ಹುಡುಗಿಯೊಬ್ಬಳಿದ್ದಳು’ ಎಂಬಂತೆ ಮಾಡಿದ್ದ ವರದಿ. ಇದಕ್ಕೆ ಪ್ರತಿಕ್ರಿಯೆ ನೀಡಿದ ದರ್ಶನ್ ‘ಎಲ್ಲವನ್ನೂ ನೀವೇ ನಿರ್ಧಾರ ಮಾಡಿದರೆ ಹೇಗೆ? ಯಾಕೆ ಊಹಾಪೋಹಗಳನ್ನು ಸುದ್ದಿ ಮಾಡ್ತೀರಿ. ಆವತ್ತು ನನ್ನ ಜೊತೆ ಹುಡುಗಿ ಇದ್ದಳು ಅಂತ ವರದಿ ಮಾಡಿದ್ದಿರಿ. ಒಬ್ಬಳಲ್ಲ ನಾಲ್ವರು ಹುಡುಗೀರು ನನ್ನ ತೊಡೆ ಮೇಲೆ ಕೂತಿದ್ದರು’ ಅಂತ ವ್ಯಂಗ್ಯವಾಗಿಯೇ ಎದಿರೇಟು ನೀಡಿದ್ದಾರೆ!

ಕಡೆಗೂ ಆಸ್ಪತ್ರೆಯಿಂದ ಬಿಡುಗಡೆಯಾಗಿರೋ ದರ್ಶನ್ ಇನ್ನೊಂದು ವಾರಗಳ ಕಾಲ ಮೈಸೂರಿನಲ್ಲಿಯೇ ಇರಲಿದ್ದಾರೆ. ಇದೇ ಮಂಗಳವಾರ ಮತ್ತೆ ಚೆಕಪ್‌ಗೆ ಹೋಗಬೇಕಿರೋದರಿಂದಾಗಿ ಮೈಸೂರಲ್ಲಿಯೇ ಉಳಿಯುವ ತೀರ್ಮಾನ ಮಾಡಿದ್ದಾರೆ. ಅಂತೂ ದರ್ಶನ್ ಚೇತರಿಸಿಕೊಂಡು ಆಸ್ಪತ್ರೆಯಿಂದ ಹೊರ ಬಿದ್ದ ಸುದ್ದಿ ಕೇಳಿ ಅಭಿಮಾನಿಗಳೆಲ್ಲ ಸಂಭ್ರಮಿಸುತ್ತಿದ್ದಾರೆ.

ರಿಯಾಕ್ಷನ್

ಎಂಥೋಳನ್ನು ಹಿಡ್ಕೊಂಡ್ಬಂದ್ರಿ ಭೈರೇಗೌಡ್ರೇ!

Published

on

ನಿರ್ದೇಶಕ ಪ್ರೇಮ್ ವಿಲನ್ ಚಿತ್ರಕ್ಕೆ ನಾಯಕಿಯಾಗಿ ಪರದೇಸಿ ನಟಿ ಆಮಿ ಜಾಕ್ಸನ್‌ಳನ್ನು ಕರೆತಂದಿದ್ದು, ಈ ಚಿತ್ರದ ನಾಯಕಿ ಲಂಡನ್ ಮೂಲದೋಳೆಂದು ಬೇಕಾದಷ್ಟು ಪ್ರಚಾರ ಗಿಟ್ಟಿಸಿಕೊಂಡಿದ್ದೆಲ್ಲ ಹಳೇ ವಿಚಾರ. ಆದರೆ ವಿಲನ್‌ನಂಥಾ ದೊಡ್ಡ ಚಿತ್ರದಲ್ಲಿ ನಟಿಸಿ, ಅದು ಬಿಡುಯಗಡೆಯಾದರೂ ಕೂಡಾ ಆಮಿ ಜಾಕ್ಸನ್ ಎಂಬ ಅವಿವೇಕಿಗೆ ತಾನು ಯಾವ ಭಾಷೆಯ ಚಿತ್ರದಲ್ಲಿ ನಟಿಸಿದ್ದೆಂಬುದೇ ಗೊತ್ತಿಲ್ಲ!

ವಿಲನ್ ಚಿತ್ರ ತೆರೆಕಾಣುತ್ತಿರೋ ವಿಷಯವೊಮದನ್ನು ಅರ್ಥ ಮಾಡಿಕೊಂಡಿರುವ ಲಂಡನ್ ರಾಣಿ ಆಮಿ ಟ್ವಟರ್ ಮೂಲಕ ಕಾಟಾಚಾರಕ್ಕೊಂದು ವಿಶ್ ಮಾಡಿದ್ದಾಳೆ. ತಾನೇ ನಟಿಸಿದ ಚಿತ್ರದ ಬಿಡುಗಡೆಯ ಸಂದರ್ಭದಲ್ಲಿ ಹಾಜರಿರೋ ಸೌಜನ್ಯವೂ ಇಲ್ಲದ ಈಕೆ ಲಂಡನ್‌ನಲ್ಲಿ ಕೂತೇ ವಿಶ್ ಮಾಡಿ ಅದರಲ್ಲಿಯೂ ಮಹಾ ಯಡವಟ್ಟೊಂದನನು ಮಾಡಿಕೊಂಡಿದ್ದಾಳೆ. ತನಗೆ ಕಾಲಿವುಡ್ ಚಿತ್ರದಲ್ಲಿ ನಟಿಸಲು ಅವಕಾಶ ಮಾಡಿಕೊಟ್ಟ ನಿರ್ದೇಶಕ ಪ್ರೇಮ್‌ಗೆ ಆಮಿ ಧನ್ಯವಾದ ಸಮರ್ಪಿಸಿದ್ದಾಳೆ!

`ಈವತ್ತು ವಿಲನ್ ದಿನ. ಇಡೀ ತಂಡ ಪ್ರೀತಿಯಿಂದ ನಿರ್ಮಿಸಿರೋ ದಿ ವಿಲನ್ ಚಿತ್ರ ಇಂದು ತೆರೆ ಕಾಣುತ್ತಿದೆ. ಈ ಚಿತ್ರದ ಮೂಲಕ ಕಾಲಿವುಡ್ಡಲ್ಲಿ ನಟಿಸೋ ಅವಕಾಶ ಮಾಡಿಕೊಟ್ಟ ನಿರ್ದೇಶಕ ಪ್ರೇಮ್‌ಜೀಗೆ ಧನ್ಯವಾದ!’ ಅಂತ ಆಮಿ ಬರೆದುಕೊಂಡಿದ್ದಾಳೆ. ಈಕೆಗೆ ತಾನು ನಟಿಸಿದ್ದು ಸ್ಯಾಂಡಲ್‌ವುಡ್ ಚಿತ್ರದಲ್ಲಿ, ಕಾಲಿವುಡ್ ಚಿತ್ರದಲ್ಲಲ್ಲ ಎಂಬ ಕನಿಷ್ಠ ಜ್ಞಾನವೂ ಇಲ್ಲ ಎಂದರೆ ಅದಕ್ಕೇನನ್ನಬೇಕೆಂಬುದನ್ನು ಗಿಮಿಕ್ ಪ್ರೇಮ್ ಅವರೇ ಹೇಳಬೇಕು.

ಅಷ್ಟಕ್ಕೂ ವಿಲನ್ ಚಿತ್ರದ ಈ ಪಾತ್ರಕ್ಕೆ ಲಂಡನ್ ನಟಿ ಆಮಿ ಜಾಕ್ಷನ್‌ಳನ್ನು ಕರೆತರುವ ಯಾವ ದರ್ದೂ ಇರಲಿಲ್ಲ. ತಾನು ಲಂಡನ್ ನಟಿಯನ್ನು ಹೀರೋಯಿನ್ ಮಾಡಿದ್ದೇನೆ ಅಂತ ಅಲ್ಲೊಂದಷ್ಟು ಪ್ರಚಾರ ಗಿಟ್ಟಿಸೋ ದರ್ದು ಪ್ರೇಮ್‌ಗಿತ್ತು. ಆದರೆ ಅದ್ಯಾವುದೂ ವರ್ಕೌಟ್ ಆಗಿಲ್ಲ. ಆಮಿ ನಟನೆಯೂ ಅಷ್ಟಕ್ಕಷ್ಟೇ ಎಂಬಂತಿದೆ. ಇಂಥಾ ನಟಿಯರನ್ನು ಕರೆತಂದು ಹೀಗೆಲ್ಲ ಅವಮಾನ ಅನುಭವಿಸುವ ದುರ್ಗತಿ ಕನ್ನಡದ ಕೆಲ ನಿರ್ದೇಶಕರಿಗೆ ಅದ್ಯಾಕೆ ಬಂದಿದೆಯೋ…

cinibuzzಅನ್ನು ಇನಸ್ ಸ್ಟಾಗ್ರಾಮ್‌ನಲ್ಲಿ ಫಾಲೋ ಮಾಡಿ

https://www.instagram.com/cinibuzzsandalwood

Continue Reading

ರಿಯಾಕ್ಷನ್

ತುಪ್ಪದ ಹುಡುಗಿಗೂ ತಪ್ಪಲಿಲ್ಲವೇ ಕಿರುಕುಳದ ಕಂಟಕ?

Published

on

ಇದೀಗ ಬಾಲಿವುಡ್‌ನಲ್ಲಿ ಹುಟ್ಟಿಕೊಂಡ ಮೀ ಟೂ ಅಭಿಯಾನ ಸ್ಯಾಂಡಲ್‌ವುಡ್‌ನತ್ತಲೂ ಬಂದಿದೆ. ನಟಿಯರನೇಕರು ತಮಗಾದ ಇಂಥಾ ಕಿರುಕುಳಗಳ ಬಗ್ಗೆ ಹೇಳಿಕೊಂಡಿದ್ದಾರೆ. ಮತ್ತೆ ಕೆಲವರು ಈ ಅಭಿಯಾನಕ್ಕೆ ಬೆಂಬಲ ಸೂಚಿಸಿ ನೊಂದವರ ಬೆನ್ನಿಗೆ ನಿಂತಿದ್ದಾರೆ. ಈಗ ತುಪ್ಪದ ಬೆಡಗಿ ರಾಗಿಣಿ ದ್ವಿವೇದಿ ಕೂಡಾ ಇದರ ಬಗ್ಗೆ ಬಿಡುಬೀಸಾಗಿ ಮಾತಾಡಿದ್ದಾರೆ.

ರಾಗಿಣಿ ದ್ವಿವೇದಿ ಮೀಟೂ ಅಭಿಯಾನದ ಬಗ್ಗೆ ಮಾತಾಡಿರೋದು ಹುಬ್ಬಳ್ಳಿಯಲ್ಲಿ. ಮಾಧ್ಯಮದವರು ಈ ಬಗ್ಗೆ ಕೇಳಿದ ಪ್ರಶ್ನೆಗೆ ರಾಗಿಣಿ ನೇರವಾಗಿಯೇ ಉತ್ತರಿಸಿದ್ದಾರೆ. ಈ ಅಭಿಯಾನ ಹುಟ್ಟಿದ ಬಗೆ, ಅದರ ಉದ್ದೇಶಗಳ ಬಗ್ಗೆ ಗಂಭೀರವಾಗಿಯೇ ಅರಿತುಕೊಂಡಿರೋ ರಾಗಿಣಿ ಕೆಲವರು ಇದನ್ನು ಪ್ರಚಾರಕ್ಕಾಗಿ, ಸ್ವಾರ್ಥಕ್ಕಾಗಿ ಬಳಸಿಕೊಳ್ಳುತ್ತಿದ್ದಾರೆಂಬ ಸಂಶಯವನ್ನೂ ವ್ಯಕ್ತಪಡಿಸಿದ್ದಾರೆ.

ಮೀಟೂ ಎಂಬುದು ಕಿರುಕುಳಕ್ಕೊಳಗಾದವರು ಅದಕ್ಕೆ ಕಾರಣರಾದವರ ವಿರುದ್ಧ ಸಮರ ಸಾರಲು ಹುಟ್ಟಿಕೊಂಡ ಅಭಿಯಾನ. ಇಂಥಾದ್ದೊಂದು ಧೈರ್ಯ ಮಾಡಿರುವುದು ನಿಜಕ್ಕೂ ಸ್ವಾಗತಾರ್ಹ. ಈ ಮೂಲಕ ಈ ಸಮಾಜದಲ್ಲಿ ಒಂದು ಬದಲಾವಣೆಯ ಗಾಳಿ ಬೀಸುವಂತಾಗಬೇಕು. ಆದರೆ ಕೆಲ ಮಂದಿ ಇದನ್ನೇ ಸ್ವಾರ್ಥಕ್ಕೆ ಮತ್ತು ಪ್ರಚಾರಕ್ಕೆ ಬಳಸಿಕೊಳ್ಳುತ್ತಿದ್ದಾರೆ ಅನ್ನಿಸುತ್ತಿದೆ. ಆದರೆ ಇಂಥಾ ಕೆಲಸದ ಮೂಲಕ ಈ ಅಭಿಯಾನವನ್ನು ದಿಕ್ಕು ತಪ್ಪಿಸಬಾರದೆಂದು ರಾಗಿಣಿ ಹೇಳಿದ್ದಾರೆ.

ಇದೆಲ್ಲ ಇರಲಿ, ರಾಗಿಣಿಯವರೇನಾದರೂ ಇಂಥಾ ಕಿರುಕುಳಕ್ಕೆ ಈಡಾಗಿದ್ದಿದೆಯಾ? ಎಂಬ ಪ್ರಶ್ನೆಗೂ ಕೂಡಾ ರಾಗಿಣಿ ಅಷ್ಟೇ ನೇರವಾದ ಉತ್ತರವನ್ನೇ ಕೊಟ್ಟಿದ್ದಾರೆ. ತಾನು ಚಿತ್ರರಂಗಕ್ಕೆ ಬಂದು ಹತ್ತು ವರ್ಷವಾಗಿದೆ. ಈ ವರೆಗೆ ಸಾಕಷ್ಟು ಚಿತ್ರಗಳಲ್ಲಿ ನಟಿಸಿದ್ದೂ ಆಗಿದೆ. ಆದರೆ ತನಗ್ಯಾರೂ ಅಂಥಾ ಕಿರುಕುಳ ಕೊಟ್ಟಿಲ್ಲ ಎಂದೂ ರಾಗಿಣಿ ಹೇಳಿದ್ದಾರೆ!

Continue Reading

ರಿಯಾಕ್ಷನ್

ಅಂಬಿಯನ್ನು ನೋಡಿದ ಅಪ್ಪು ಏನಂದ್ರು ಗೊತ್ತಾ?

Published

on

ಅಂಬಿ ನಿಂಗೆ ವಯಸಾಯ್ತೋ ಚಿತ್ರದ ಯಶಸ್ಸಿನ ಓಟ ಅಡೆತಡೆಯಿಲ್ಲದೆ ಮುಂದುವರೆದಿದೆ. ಅತ್ತ ರಾಜ್ಯಾದ್ಯಂತ ಪ್ರದರ್ಶನ ಕಾಣುತ್ತಿರೋ ಈ ಚಿತ್ರವನ್ನು ಸ್ಯಾಂಡಲ್‌ವುಡ್ ತಾರೆಯರೆಲ್ಲ ಸರದಿಯೋಪಾದಿಯಲ್ಲಿ ನೋಡುತ್ತಿದ್ದಾರೆ. ಇದೀಗ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅವರೂ ಕೂಡಾ ಈ ಸಿನಿಮಾವನ್ನು ವೀಕ್ಷಿಸಿದ್ದಾರೆ.


ವಾರದ ಹಿಂದೆಯೇ ಅಂಬಿ ನಿಂಗೆ ವಯಸ್ಸಾಯ್ತೋ ಚಿತ್ರ ನೋಡಲು ಕಾತರರಾಗಿರೋದಾಗಿ ಪುನೀತ್ ಹೇಳಿಕೊಂಡಿದ್ದರು. ಇದೀಗ ಕಡೆಗೂ ಈ ಚಿತ್ರವನ್ನು ನೋಡಿರುವ ಪವರ್‌ಸ್ಟಾರ್ ಖುಷಿಗೊಂಡಿದ್ದಾರೆ. ಅವರು ಅಪಾರವಾಗಿ ಗೌರವಿಸೋ ಅಂಬರೀಶ್ ಅವರ ನಟನೆಯನ್ನು ಕೊಂಡಾಡಿದ್ದಾರೆ. ನಿರ್ದೇಶಕ ಗುರುದತ್ತ ಗಾಣಿಗ ಕಾರ್ಯವೈಖರಿಯನ್ನು ಮೆಚ್ಚಿಕೊಳ್ಳುತ್ತಲೇ ಇಂಥಾ ಚೆಂದದ ಚಿತ್ರವೊಂದನ್ನು ನಿರ್ಮಾಣ ಮಾಡಿರುವ ಜಾಕ್ ಮಂಜು ಅವರಿಗೂ ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ.
ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಕೂಡಾ ಇತ್ತೀಚೆಗೆ ಈ ಚಿತ್ರವನ್ನು ನೋಡಿ ಪ್ರೀತಿಯ ಮಾತುಗಳನ್ನಾಡಿದ್ದರು. ಈಗಾಗಲೇ ಹಲವು ತಾರೆಯರು ಈ ಚಿತ್ರವನ್ನು ನೋಡಿ ಮೆಚ್ಚಿಕೊಂಡಿದ್ದಾರೆ. ಇನ್ನೂ ಕೆಲವರು ಈ ಚಿತ್ರವನ್ನು ನೋಡುವ ಹಾದಿಯಲ್ಲಿದ್ದಾರೆ.

Continue Reading

Trending

Copyright © 2018 Cinibuzz