One N Only Exclusive Cine Portal

ಬಾಲಯ್ಯನ ಜಯಸಿಂಹ ಮತ್ತು ರಜನೀಕಾಂತ್ ಮುತ್ತು!

ತೆಲುಗು ಭಾಷೆಯಲ್ಲಿ ಒಂದು ಕಾಲಕ್ಕೆ ಒಂದಷ್ಟು ಹೆಸರು ಮಾಡಿದ್ದ ಬಾಲಯ್ಯ ಇತ್ತೀಚೆಗೆ ಸದ್ದು ಮಾಡುತ್ತಿರೋದು ಅವರಿವರ ಕಪಾಳಕ್ಕೆ ಹೊಡೆಯೋ ಪೆಡಸು ವರ್ತನೆಗಳಿಂದ ಮಾತ್ರ. ಸಾಮಾನ್ಯವಾಗಿ ತೆಲುಗು ಹೀರೋಗಳ ಬಗ್ಗೆ ಬೇರೆ ಬೇರೆ ಭಾಷೆಗಳಲ್ಲಿಯೂ ಭಾರೀ ಕ್ರೇಜ್ ಇರುತ್ತೆ. ಆದರೆ ಈ ಬಾಲಯ್ಯನ ಹೆಸರೇನಿದ್ದರೂ ಟಾಲಿವುಡ್ಡಿಗೇ ಸೀಮಿತ.

ಇಂಥಾ ಬಾಲಯ್ಯನದ್ದೊಂದು ಚಿತ್ರ ಬರುತ್ತಿದೆ ಅಂದರೆ ಹೇಳಿಕೊಳ್ಳುವಂಥಾ ಸಂಚಲನವೇನೂ ಸೃಷ್ಟಿಯಾಗೋದಿಲ್ಲ. ಇದೀಗ ಚಿತ್ರೀಕರಣ ಮುಗಿಸಿಕೊಂಡಿರೋ ಜಯಸಿಂಹ ಎಂಬ ಚಿತ್ರವೂ ಅಂಥಾದ್ದೇನೂ ಸದ್ದು ಮಾಡುತ್ತಿಲ್ಲ. ಆದರೆ ಅದು ಒಂದಷ್ಟಾದರೂ ಚರ್ಚೆಗೆ ಗ್ರಾಸವಾಗಿರೋದು ಸೂಪರ್ ಸ್ಟಾರ್ ರಜನೀಕಾಂತ್ ವಿಚಾರದಿಂದ!

ರಜನೀಕಾಂತ್‌ಗೂ ಬಾಲಯ್ಯನಿಗೂ ಯಾವ ಕನೆಕ್ಷನ್ನು ಅನ್ನಿಸೋದು ಸಹಜವೇ. ಬಾಲಯ್ಯನ ಮೂವಿ ಜಯಸಿಂಹದ ಕಥೆ ರಜನೀಕಾಂತ್ ಅವರ ಸೂಪರ್ ಹಿಟ್ ಚಿತ್ರ ಮುತ್ತು ವಿನ ಕಥೆಯಿಂದ ಸ್ಫೂರ್ತಿ ಪಡೆದ ಕಥಾ ಎಳೆ ಹೊಂದಿದೆಯಂತೆ. ಈ ಬಗ್ಗೆ ಚಿತ್ರ ತಂಡವೇ ಸ್ಪಷ್ಟೀಕರಣ ನೀಡಿದೆ.

1995ರಲ್ಲಿ ಮುತ್ತು ಚಿತ್ರವನ್ನು ಕೆಎಸ್ ರವಿಕುಮಾರ್ ಅವರೇ ನಿರ್ದೇಶನ ಮಾಡಿದ್ದರು. ಇದೀಗ ಅದೇ ಚಿತ್ರದಿಂದ ಸ್ಫೂರ್ತಿ ಪಡೆದ ಸ್ಟೋರಿ ಅಂತ ಹೇಳಲಾಗುತ್ತಿರೋ ಬಾಲಯ್ಯನ ಜಯಸಿಂಹ ಚಿತ್ರವನ್ನೂ ಕೂಡಾ ಅದೇ ರವಿಕುಮಾರ್ ನಿರ್ದೇಶನ ಮಾಡುತ್ತಿರೋದು ವಿಶೇಷ.

ರಜನೀಕಾಂತ್ ಅಭಿನಯದ ಸೆಂಟಿಮೆಂಟ್ ಸೇರಿದಂತೆ ನಾನಾ ಕಾರಣಗಳಿಂದ ಅದ್ದೂರಿ ಗೆಲುವು ದಾಖಲಿಸಿತ್ತು. ಇದೀಗ ಜಯಸಿಂಹ ಚಿತ್ರವನ್ನೂ ಕೂಡಾ ಅಂಥಾದ್ದೇ ಗಟ್ಟಿತನದಿಂದ ಕಟ್ಟಿ ಕೊಟ್ಟಿರೋದರಿಂದ ಇದೂ ಭಾರೀ ಗೆಲುವಿನ ರೂವಾರಿಯಾಗುತ್ತದೆ ಎಂಬ ನಿರೀಕ್ಷೆ ಬಾಲಯ್ಯನದ್ದು. ಅಂದಹಾಗೆ ಈ ಚಿತ್ರದಲ್ಲಿ ನಯನತಾರಾ, ನತಾಶಾ ಮತ್ತು ಹರಿಪ್ರಿಯಾ ನಾಯಕಿಯರಾಗಿ ನಟಿಸಿದ್ದಾರೆ.

Leave a Reply

Your email address will not be published. Required fields are marked *


CAPTCHA Image
Reload Image