One N Only Exclusive Cine Portal

ತಮಿಳಿನಲ್ಲ್ಲಿಇನ್ನೆರಡು ವರ್ಷ `ಸೂರ್ಯತಾಪ ಇಳಿಯೋದಿಲ್ಲ!


ತಮಿಳು ಸ್ಟಾರ್ ಸೂರ್ಯ ಒಂದರ ಹಿಂದೊಂದರಂತೆ ಚಿತ್ರಗಳಲ್ಲಿ ಬ್ಯುಸಿಯಾಗಿ ವರ್ಷಗಳೇ ಕಳೆದು ಹೋಗಿವೆ. ಒಂದು ಚಿತ್ರ ಬಿಡುಗಡೆಯ ಹಂತಕ್ಕೆ ಬಂದು ಅದರ ಪ್ರಮೋಷನ್‌ನಲ್ಲಿ ತೊಡಗಿಸಿಕೊಳ್ಳೋ ಸೂರ್ಯ ಅದರ ಬೆನ್ನಿಗೇ ಮತ್ತೊಂದು ಚಿತ್ರದಲ್ಲಿ ನಟಿಸಲಾರಂಭಿಸುತ್ತಾರೆ. ಸದ್ಯ ಸಾಲುಗಟ್ಟಿ ನಿಂತಿರೋ ಪ್ರಾಜೆಕ್ಟುಗಳನ್ನು ನೋಡಿದರೆ ಇನ್ನೊಂದು ಎರಡು ವರ್ಷವಾದರೂ ಸೂರ್ಯನ ಸಿನಿಮಾ ಬಿಸಿ ಇಳಿಯೋ ಲಕ್ಷಣಗಳಿಲ್ಲ!


ಇದೀಗ ಸೂರ್ಯ ಬಹುನಿರೀಕ್ಷಿತ್ರ ಚಿತ್ರವಾದ `ತಾನ ಸೇರಂದ ಕೂಟಂ’ ಪ್ರಮೋಷನ್‌ನಲ್ಲಿ ತೊಡಗಿಸಿಕೊಂಡಿದ್ದಾರೆ. ವಿಘ್ನೇಶ್ ಶಿವ ನಿರ್ದೇಶನದ ಈ ಚಿತ್ರ ಇನ್ನೆರಡು ದಿನಗಳಲ್ಲಿ ಬಿಡುಗಡೆಯಾಗಲಿದೆ. ಅದಾಗಲೇ ಸೂರ್ಯ ತಮ್ಮ ಮುಂದಿನ ಚಿತ್ರದ ಬಗ್ಗೆ ಅಧಿಕೃತವಾಗಿಯೇ ಘೋಷಣೆ ಮಾಡಿದ್ದಾರೆ!


ಇದೀಗ ಸೂರ್ಯ ತಾನ ಸೇರ್ಂಧ ಕೂಟಂ ಚಿತ್ರದ ಗ್ಯಾಂಗ್ ಎಂಬ ತೆಲುಗು ಅವತರಣಿಕೆಯ ಪ್ರಮೋಷನ್‌ಗಾಗಿ ಹೈದ್ರಾಬಾದಿನಲ್ಲಿದ್ದಾರೆ. ಇದೇ ಸಂದರ್ಭದಲ್ಲಿ ಸೂರ್ಯ ತಮ್ಮ ಮುಂದಿನ ಚಿತ್ರದ ಹೆಸರನ್ನು ಮತ್ತು ತಾಂತ್ರಿಕ ಮಾಹಿತಿಯನ್ನು ಜಾಹೀರು ಮಾಡಿದ್ದಾರೆ. ಸೂರ್ಯ ಮುಂದಿನ ಚಿತ್ರವನ್ನು ಆಯನ್ ಮತ್ತು ಮುಟ್ರನ್‌ನಂಥಾ ಹಿಟ್ ಸಿನಿಮಾ ಕೊಟ್ಟಿರೋ ಕೆ ವಿ ಆನಂದ್ ನಿರ್ದೇಶನದಲ್ಲಿ ಮೂಡಿ ಬರಲಿದೆಯಂತೆ.


ಆ ಚಿತ್ರ ಅಂತಿಮ ಹಂತಕ್ಕೆ ಬರುವ ಹೊತ್ತಿಗೆಲ್ಲ ಸಾಲು ಸಾಲಾಗಿ ಬೇರೆ ಬೇರೆ ಚಿತ್ರಗಳು ಸೂರ್ಯ ಅವರಿಗಾಗಿ ಕಾದು ನಿಂತಿವೆ. ಈ ಎಲ್ಲಾ ಚಿತ್ರಗಳಿಗೂ ಸಂಬಂಧಿಸಿದ ಚಿತ್ರ ತಂಡಗಳು ಸಂಪೂರ್ಣ ತಯಾರಿ ಮಾಡಿಕೊಂಡು ತಮ್ಮ ಸರದಿಗಾಗಿ ಕಾದು ಕೂತಿವೆ. ಹೀಗೆ ಎಲ್ಲಾ ವ್ಯವಸ್ಥೆಗಳೂ ಆದ ನಂತರ ಒಪ್ಪಿಕೊಂಡ ಚಿತ್ರೀಕರಣವನ್ನು ಮುಗಿಸಿ ಮತ್ತೊಂದರತ್ತ ತೆರಳೋ ಸೂರ್ಯ ಏನಿಲ್ಲವೆಂದರೂ ಇನ್ನೆರಡು ವರ್ಷ ಇದೇ ಮಾದರಿಯಲ್ಲಿ ಮುಂದುವರೆಯಲಿದ್ದಾರೆ. ಈ ಬಗ್ಗೆ ಅವರ ಅಭಿಮಾನಿಗಳೂ ಸಂತಸಗೊಂಡಿದ್ದಾರೆ!

Leave a Reply

Your email address will not be published. Required fields are marked *


CAPTCHA Image
Reload Image