ವಯಸ್ಸು ಐವತ್ತು ದಾಟಿದ್ದರೂ ಸಹ ನವ ಯುವಕರಿಗೂ ಸೆಡ್ಡು ಹೊಡೆಯಬಲ್ಲಂತಹ ನಟ ಸಲ್ಮಾನ್ ಖಾನ್. ತಮ್ಮ ಬಿಯಿಂಗ್ ಹ್ಯೂಮನ್ ಫೌಂಡೇಷನ್ ಮೂಲಕ 2007ರಿಂದಲೂ ಸಾಕಷ್ಟು ಸಾಮಾಜಿಕ ಕೈಂಕರ್ಯಗಳನ್ನು ಮಾಡುತ್ತಲೇ ಬರುತ್ತಿರುವ ಅವರು ಬಿಯಿಂಗ್ ಸ್ಟ್ರಾಂಗ್ ಎನ್ನುವ ಹೊಸ ಅಭಿಯಾನವನ್ನು ಆರಂಭಿಸುತ್ತಿದ್ದಾರೆ. ಅದಕ್ಕಾಗಿ ಸಾಕಷ್ಟು ದಿನಗಳಿಂದ ತಮ್ಮ ವರ್ಕ್ ಔಟ್ ವಿಡಿಯೋಗಳು, ಫೋಟೋಗಳನ್ನು ಹಂಚಿಕೊಳ್ಳುತ್ತಿದ್ದಾರೆ ಕೂಡ. ವಿಶೇಷವೆಂದರೆ ಸಲ್ಮಾನ್ ಖಾನ್ ದೇಶಾದ್ಯಂತ ಅಂದಾಜು 300 ಜಿಮ್ ಗಳನ್ನು ಆರಂಭಿಸಲು ಪ್ಲ್ಯಾನ್ ಕೂಡ ಮಾಡಿದ್ದಾರಂತೆ.
2019ರ ಆರಂಭದಲ್ಲಿ ಬೀಯಿಂಗ್ ಸ್ಟ್ರಾಂಗ್ ಎನ್ನುವ ಬ್ರ್ಯಾಂಡಿನ ಫಿಟ್ ನೆಸ್ ಉಪಕರಣಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದ್ದ ಸಲ್ಮಾನ್ ಖಾನ್ ಅದೇ ಬ್ರಾಂಡಿನ ಇಕ್ವಿಪ್ ಮೆಂಟ್ ಗಳನ್ನು ದೇಶದಾದ್ಯಂತ ಜಿಮ್ ಗಳಿಗೆ ಪೂರೈಸುವ ಕೆಲಸವನ್ನು ಮಾಡಿದ್ದರು. ಅಲ್ಲದೇ ಅಂದಾಜು 175 ಜಿಮ್ ಗಳಲ್ಲಿ ಆ ಬ್ರಾಂಡಿನ ಉಪಕರಣಗಳು ಅಳವಡಿಕೆಯೂ ಆಗಿತ್ತು. ಈ ಉಪಕರಣಗಳಿಗೆ ಬೇಡಿಕೆ ಸೃಷ್ಟಿಯಾದ ಹಿನ್ನೆಲೆ ಸಲ್ಮಾನ್ ಎಸ್ ಕೆ-27 ಪ್ರಾಂಚೈಸಿ ಆರಂಭಿಸಿದ್ದಾರೆ. ಆ ಮೂಲಕ 2020ರ ವೇಳೆಗೆ ದೇಶಾದ್ಯಂತ 300ಕ್ಕೂ ಹೆಚ್ಚು ಜಿಮ್ಗಳನ್ನು ತೆರೆಯುವ ಆಲೋಚನೆಯಲ್ಲಿದ್ದಾರೆ. ಮುಂಬೈ, ದೆಹಲಿ, ಬೆಂಗಳೂರು, ಚೆನ್ನೈ, ಅಹಮದಾಬಾದ್, ಕೋಲ್ಕೊತ್ತಾ ಹೀಗೆ ದೇಶದ ಎಲ್ಲಾ ಮಹಾನಗರಗಳಲ್ಲೂ ಸಲ್ಮಾನ್ ಖಾನ್ ಒಡೆತನದ ಜಿಮ್ಗಳು ಆರಂಭವಾಗಲಿವೆ. ಅದರಲ್ಲೂ ಬೆಂಗಳೂರು ಹಾಗೂ ಮುಂಬೈನಂತಹ ಫಿಟ್ನೆಸ್ ಕ್ರೇಜ್ ಇರುವ ಮಹಾನಗರಗಳಲ್ಲಿ ಮಿನಿಮಮ್ ಹತ್ತು ಜಿಮ್ಗಳು ಆರಂಭವಾಗಲಿವೆ ಎನ್ನಲಾಗುತ್ತಿದೆ.
No Comment! Be the first one.