ಸದಾ ಸವಾಲಿನ ಪಾತ್ರಗಳನ್ನೇ ಚ್ಯೂಸ್ ಮಾಡಿಕೊಳ್ಳುವ ಕಾಲಿವುಡ್ ನಟ ವಿಜಯ್ ಸೇತುಪತಿ. ಪ್ರತಿ ಸಿನಿಮಾದಲ್ಲಿಯೂ ಪ್ರಯೋಗಾತ್ಮಕವಾಗಿಯೇ ತನ್ನನ್ನು ಒಡ್ಡಿಕೊಳ್ಳುವ ಈ ನಟ ಸದ್ಯ ಮತ್ತದೇ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಕೆಲ ದಿನಗಳಿಂದ ಸೋಶಿಯಲ್ ಮೀಡಿಯಾದಲ್ಲಿ ವಿಭಿನ್ನ ಗೆಟಪ್ ನ ವಿಜಯ್ ಸೇತುಪತಿ ಫೋಟೋ ಹರಿದಾಡುತ್ತಿತ್ತು. ಈ ಫೋಟೋವನ್ನು ನೋಡಿ ಅಭಿಮಾನಿಗಳು ಕಣ್ಣಗಲಿಸಿ ನೋಡುತ್ತಿದ್ದರು. ಯೆಸ್.. ವಿಜಯ್ ಸೇತುಪತಿ ಕಡೈಸಿ ವ್ಯಾವಸಾಯಿ ಚಿತ್ರಕ್ಕಾಗಿ ಈ ರೀತಿಯ ಗೆಟಪ್ ನಲ್ಲಿ ಕಾಣಿಸಿಕೊಂಡಿದ್ದರು ಎಂದು ಸದ್ಯ ರಿವೀಲ್ ಆಗಿದ್ದು, ಅಭಿಮಾನಿಗಳಲ್ಲಿ ಸಂತಸ ತಂದಿದೆ.
ಪಂಚೆ, ಅಂಗಿ, ಅದರ ಮೇಲೊಂದು ಅಂಗಿ, ಐದಾರು ಉಂಗುರ, ವಾಚ್ ಗಳು, ಸರಗಳು, ರುದ್ರಾಕ್ಷಿ, ವಿಭೂತಿಯಲ್ಲಿ ಮಿಂಚಿರುವ ವಿಜಯ್ ಸೇತುಪತಿ ರಗಡ್ ಆಗಿ ಕಾಣುತ್ತಿದ್ದಾರೆ. ಈ ಚಿತ್ರವನ್ನು ಮಣಿಕಂದನ್ ನಿರ್ದೇಶನ ಮಾಡುತ್ತಿದ್ದು, ಚಿತ್ರದಲ್ಲಿ ಸೇತುಪತಿ 85 ವರ್ಷದ ನಳಂದಿ ಎಂದು ರೈತನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಮಣಿಕಂದನ್ ಈ ಸಿನಿಮಾದ ನಿರ್ದೇಶನ ಮಾಡುತ್ತಿದ್ದಾರೆ. ಗ್ರಾಮೀಣ ಪ್ರದೇಶಗಳಲ್ಲಿ ಸಾಂಪ್ರದಾಯಿಕ ಹಳೆ ಪದ್ದತಿಗಳು ಮರೆಯಾಗುತ್ತಿದೆ ಎಂಬ ಸಂದೇಶವನ್ನು ಕಡೈಸಿ ವ್ಯಾವಸಾಯಿ ಸಿನಿಮಾದ ಮೂಲಕ ಹೇಳಲಾಗುತ್ತಿದೆಯಂತೆ. ಯೋಗಿಬಾಬು ಮತ್ತು ವಿಜಯ್ ಸೇತುಪತಿ ಕಾಂಬಿನೇಷನ್ನಿನಲ್ಲಿ ಈ ಸಿನಿಮಾ ಮೂಡಿ ಬರಲಿದ್ದು, ಇಳಯರಾಜ ಸಂಗೀತ ಸಂಯೋಜನೆ ಮಾಡಲಿದ್ದಾರೆ.
No Comment! Be the first one.