Connect with us

ಸೌತ್ ಬಜ್

ಟೆಲಿವಿಷನ್ ತಾರೆ ಟಾಲಿವುಡ್ ಅಂಗಳಕ್ಕೆ

Published

on

ಟೆಲಿವಿಷನ್ ನಲ್ಲಿ ಡಿಡಿ ಎಂದೇ ಫೇಮಸ್ ಆಗಿರುವ ದಿವ್ಯ ದರ್ಶಿನಿ ಕಾಫಿ ವಿತ್ ಡಿಡಿ ಇನ್ನಿತರ ಹಿಟ್ ಕಾರ್ಯಕ್ರಮಗಳಿಂದ ಚಿರಪರಿಚಿತ. ಅಲ್ಲದೇ ತಮಿಳಿನ ವಿಷಲ್, ನಳದಮಯಂತಿ ಸಿನಿಮಾಗಳಲ್ಲಿ ಪ್ರಮುಖ ಪಾತ್ರಗಳಲ್ಲಿಯೂ ನಟಿಸಿದ್ದಾರೆ. ಇತ್ತೀಚಿಗೆ ಸರ್ವಂ ತಲಾ ಮಯಮ್, ಪಾ ಪಾಂಡಿ ನಟಿಸಿದ್ದು, ಸದ್ಯ ಚಿಯಾನ್ ವಿಕ್ರಂ ಧ್ರುವ ನಾಟ್ಚತ್ತಿರಾಮ್ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.

ವಿಶೇಷ ಏನಪ್ಪಾ ಅಂದ್ರೆ ಟೆಲಿವಿಷನ್ ನಲ್ಲಿ ಇಪ್ಪತ್ತು ವರ್ಷವನ್ನು ಪೂರೈಸಿರುವ ಡಿಡಿ, ಟಾಲಿವುಡ್ ಗೆ ಪೂರ್ಣ ಪ್ರಮಾಣದ ನಾಯಕಿಯಾಗಿ ಪದಾರ್ಪಣೆ ಮಾಡುತ್ತಿದ್ದಾರೆ. ಪೊಕಿರಿ ಚಿತ್ರದ ನಿರ್ದೇಶಕ ಪೂರಿ ಜಗನ್ನಾಥ್ ರವರ ಹೊಸ ಸಿನಿಮಾ ರೊಮ್ಯಾಂಟಿಕ್ ನಲ್ಲಿ ಪ್ರಮುಖ ಪಾತ್ರದಲ್ಲಿ ಡಿಡಿ ನಟಿಸಲಿದ್ದಾರೆ. ಡಿಡಿಗೆ ಜತೆಯಾಗಿ ಪೂರಿ ಜಗನ್ನಾಥ್ ಅವರ ಮಗ ಆಕಾಶ್ ಪೂರಿ ನಟಿಸುತ್ತಿದ್ದಾರೆ. ಪ್ರಕಾಶ್ ರಾಜ್ ಅವರ ದೋನಿ ಚಿತ್ರದಲ್ಲಿ ನಟಿಸಿದ ಅನುಭವ ಆಕಾಶ್ ಪೂರಿಗಿದೆ. ಈ ಕುರಿತು ಡಿಡಿ ಟ್ವಿಟರ್ ನಲ್ಲಿ ಟ್ವೀಟ್ ಮಾಡುವ ಮೂಲಕ ಸಂತಸ ವ್ಯಕ್ತಪಡಿಸಿದ್ದಾರೆ.

Advertisement
Click to comment

Leave a Reply

Your email address will not be published. Required fields are marked *

ಸೌತ್ ಬಜ್

ಕುರುಕ್ಷೇತ್ರ ರಿಲೀಸ್ ಗೆ ಕಾಲ ಸನ್ನಿಹಿತ!

Published

on

ಮಂಡ್ಯ ಲೋಕಸಭಾ ಚುನಾವಣೆಯ ಬಿಸಿಯಲ್ಲಿದ್ದ ಚಾಲೆಂಜಿಂಗ್ ಸ್ಟಾರ್ ಪಕ್ಷೇತರ ಅಭ್ಯರ್ಥಿ ಸುಮಲತಾ ಅಂಬರೀಶ್ ಪರ ಪ್ರಚಾರದಲ್ಲಿ ಹೆಚ್ಚಾಗಿ ತೊಡಗಿಸಿಕೊಂಡದಲ್ಲದೇ, ಮಂಡ್ಯದಲ್ಲಿ ವಿರೋಧ ಪಕ್ಷಗಳ ವಿರುದ್ಧ ಟೊಂಕಕಟ್ಟಿ ನಿಂತಿಬಿಟ್ಟಿದ್ದರು. ಪರ ವಿರೋಧ ಚರ್ಚೆಗಳು, ಡೈಲಾಗ್ ಗಳು, ಏಟಿಗೆ ಎದುರೇಟು ಬಲು ಜೋರಾಗಿಯೇ ಇತ್ತು. ಲೋಕಸಭಾ ಎಲೆಕ್ಷನ್ ಮಂಡ್ಯದಲ್ಲಿ ಮಾತ್ರವೇ ನಡೆಯುತ್ತಿದೆ ಎಂಬಷ್ಟರ ಮಟ್ಟಿನ ಹೈಪ್ ಕ್ರಿಯೇಟ್ ಆಗಿದ್ದದ್ದು ನಿಜವೇ.

ಇದೀಗ ಎಲೆಕ್ಷನ್ ನಿಂದ ಕೊಂಚ ರಿಲ್ಯಾಕ್ಸ್ ಮೂಡ್ ನಲ್ಲಿರುವ ದಾಸ ತಮ್ಮ ಸಿನಿಮಾಗಳತ್ತ ಮುಖ ಮಾಡಿದ್ದಾರೆ. ಅಂದಹಾಗೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಟನೆಯ ಕುರುಕ್ಷೇತ್ರ ಸಿನಿಮಾ ಬಿಡುಗಡೆಗೆ ಸಿದ್ಧವಾಗಿದೆ. ಲೋಕಸಭಾ ಚುನಾವಣೆಯ ಪ್ರಯುಕ್ತ ಕುರುಕ್ಷೇತ್ರ ಸಿನಿಮಾದ ಯಾವುದೇ ಅಪ್ ಡೇಟ್ಸ್ ಅಭಿಮಾನಿಗಳಿಗೆ ಸಿಕ್ಕಿರಲಿಲ್ಲ. ಆದರೀಗ ಕುರುಕ್ಷೇತ್ರ ಸದ್ಯದಲ್ಲೇ ಥಿಯೇಟರ್ ದಾಳಿಯಿಡಬಹುದಾದ ಮುನ್ಸೂಚನೆ ನೀಡಿದೆ. ಹೌದು. ಈಗಾಗಲೇ ಕುರುಕ್ಷೇತ್ರ ಸಿನಿಮಾದ ಕನ್ನಡ, ತಮಿಳು, ತೆಲುಗು, ಹಾಗೂ ಮಲಯಾಳಂ ಭಾಷೆಗಳಲ್ಲಿ ಸಿನಿಮಾದ ಪೋಸ್ಟರ್ ಗಳು ರಿಲೀಸ್ ಆಗಿದ್ದು, ಅಭಿಮಾನಿಗಳಲ್ಲಿ ಕುತೂಹಲ ಕೆರಳಿಸುತ್ತಿದೆ. ಸದ್ಯಕ್ಕೆ ಚಿತ್ರೀಕರಣ ಪೂರ್ಣಗೊಳಿಸಿರುವ ಕುರುಕ್ಷೇತ್ರ ಚಿತ್ರತಂಡ, ಪೋಸ್ಟ್ ಪ್ರೊಡಕ್ಷನ್ ಕೆಲಸದಲ್ಲಿ ಬ್ಯುಸಿಯಾಗಿದೆ. ಈಗಾಗಲೇ ವಿಎಫ್​ಎಕ್ಸ್ ವರ್ಕ್​ ಬಹುತೇಕ ಕಂಪ್ಲೀಟ್ ಆಗಿದ್ದು, ಇಷ್ಟರಲ್ಲೇ ಚಿತ್ರತಂಡ ಆಡಿಯೋ ಬಿಡುಗಡೆ ಮಾಡಲಿದೆ. ಅಲ್ಲದೇ ರಿಲೀಸ್ ದಿನಾಂಕವನ್ನು ರಿವೀಲ್ ಮಾಡಲಿದೆ.

ಪೌರಾಣಿಕ ಸಿನಿಮಾ ಕುರುಕ್ಷೇತ್ರವನ್ನು ನಾಗಣ್ಣ ನಿರ್ದೇಶಿಸಿದ್ದಾರೆ. ಬಹುತಾರಾಗಣವುಳ್ಳ ಚಿತ್ರದಲ್ಲಿ ರೆಬೆಲ್ ಸ್ಟಾರ್ ಅಂಬರೀಶ್, ರವಿಚಂದ್ರನ್, ಅರ್ಜುನ್ ಸರ್ಜಾ, ಶಶಿಕುಮಾರ್, ನಿಖಿಲ್ ಕುಮಾರಸ್ವಾಮಿ, ಭಾರತಿ ವಿಷ್ಣುವರ್ಧನ್, ಮೇಘನಾ ರಾಜ್, ಹರಿಪ್ರಿಯಾ ಸೇರಿದಂತೆ ನೂರಾರು ಕಲಾವಿದರು ನಟಿಸಿದ್ದಾರೆ. ಕನ್ನಡ ಸಿನಿಪ್ರಿಯರು ಬಹುದಿನಗಳಿಂದ ಕಾಯ್ತಿದ್ದ ಕುರುಕ್ಷೇತ್ರ ಆದಷ್ಟು ಬೇಗ ಬೆಳ್ಳಿತೆರೆ ಮೇಲೆ ಮೂಡಿಬರಲಿದ್ದು, ಭಾರತದಾದ್ಯಂತ ಒಂದು ಮಟ್ಟಿನ ಸೆನ್ಸೇಷನ್ ಹುಟ್ಟಿಸಬಹುದೆಂಬ ನಿರೀಕ್ಷೆ ಡಿ. ಬಾಸ್ ಅಭಿಮಾನಿಗಳಲ್ಲಿದೆ.

Continue Reading

ಸೌತ್ ಬಜ್

ಗರ್ಭಿಣೀನಾ ಅಂದಿದಕ್ಕೆ ಡಿಪ್ಪಿ ಕೆಂಡಾಮಂಡಲ..!

Published

on

ನಮ್ಮ ಜನ ಹೆಂಗದ್ರೆ ಮದುವೆ ವಯಸ್ಸು ತುಂಬಿದ್ರೆ ಇನ್ನೂ ಮದುವೆಯಾಗಿಲ್ವಾ ಅಂತ ಕಿಂಡಲ್ ಮಾತುಗಳನ್ನಾಡುತ್ತಾರೆ. ಇನ್ನು ಮದುವೆಯಾದರಂತೂ ಮುಗಿಯಿತು. ಮದುವೆಯಾಗಿ 6 ತಿಂಗಳು ಕಳೆಯುವಷ್ಟರಲ್ಲಿ ಏನಾದ್ರೂ ಖುಷಿ ವಿಚಾರ ಅಂತ ಕೇಳೋದಕ್ಕೆ ಪ್ರಾರಂಭಿಸುತ್ತಾರೆ. ಇಲ್ಲ ಅಂತೇನಾದ್ರೂ ಹೇಳಿದ್ರೆ ಮುಗಿಯಿತು.. ಅರೇ.. ಇನ್ನೂ ಮಗುನೇ ಇಲ್ವಂತೆ ಅನ್ನೋ ವಿಚಾರವನ್ನೇ ಬಣ್ಣ ಕಟ್ಟಿ ಸಂಬಂಧಗಳೇ ಹಾಳಾಗಿ ಹೋಗುವಂತೆ ಮಾಡಿಬಿಡುತ್ತಾರೆ. ಹೇಳಿಕೊಳ್ಳುವುದಕ್ಕೆ ಮಾತ್ರ ನಮಗೆ ಸ್ವಾತಂತ್ರ್ಯ ಬಂದಿದೆ. ಮೂಲಭೂತ ಹಕ್ಕುಗಳಿವೆ. ಆದರೆ ಅವ್ಯಾವುದಕ್ಕೂ ತಕ್ಕುದಾದ ಮೌಲ್ಯಗಳೇ ಇಲ್ಲ ಎನ್ನುವಂತೆ ಮಾಡಿಬಿಡುತ್ತಾರೆ.

ದೀಪಿಕಾ ಪಡುಕೋಣೆ ವಿಚಾರದಲ್ಲಿಯೂ ಇದೆ ಆಗಿದ್ದು. ಯಾವುದೇ ಅಧಿಕೃತ ಮಾಹಿತಿಯನ್ನು ಪಡೆಯದೇ ದೀಪಿಕಾ ಶೀಘ್ರದಲ್ಲೇ ತಾಯಿಯಾಗಲಿದ್ದಾರೆ ಎಂಬ ಸುದ್ದಿ ಸೋಶಿಯಲ್ ಮೀಡಿಯಾದಲ್ಲಿ ಬಿತ್ತರವಾಗುತ್ತಿತ್ತು. ಜೊತೆಗೆ ದಿಪ್ಪಿ ಹೊಟ್ಟೆ ಉಬ್ಬಿರುವ ಫೋಟೋವೊಂದು ವೈರಲ್ ಆಗಿದೆ. ಆದ್ರೆ ಈ ಸುದ್ದಿಗೆ ಸಿಟ್ಟಾಗಿರುವ ದಿಪ್ಪಿ ಸಂದರ್ಶನವೊಂದರಲ್ಲಿ “ನಾನಿನ್ನೂ ಗರ್ಭಿಣಿಯಾಗಿಲ್ಲ. ಅದು ಯಾವಾಗ ಆಗಬೇಕೋ ಆಗ ಆಗುತ್ತದೆ. ಹಾಗಂತ ಮದುವೆಯಾದವರನ್ನು ಮಕ್ಕಳ ಬಗ್ಗೆ ಕೇಳಿ ಅವರಿಗೆ ಕಿರಿಕಿರಿ ಯಾಕೆ ನೀಡುತ್ತೀರ? ಇದು ದೊಡ್ಡ ತಪ್ಪು. ಅದು ಅವರವರ ವೈಯಕ್ತಿಕ ವಿಚಾರ. ಜೋಡಿಯೊಂದರ ಬಗ್ಗೆ ಆ ರೀತಿ ಒತ್ತಡ ತರುವುದು ತರವಲ್ಲ” ಎಂದಿದ್ದಾರೆ. ಕನ್ನಡದ ಕುವರಿ ದೀಪಿಕಾ ಪಡುಕೋಣೆ ಬಾಲಿವುಡ್ ನಟ ರಣವೀರ್ ಸಿಂಗ್ ಅವರನ್ನು ಕಳೆದ ವರ್ಷ ನವೆಂಬರ್ ತಿಂಗಳಿನಲ್ಲಿ ಮದುವೆಯಾಗಿದ್ದರು. ಸದ್ಯಕ್ಕೆ ದಿಪೀಕಾ ‘ಛಪಕ್’ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ.

Continue Reading

ಸೌತ್ ಬಜ್

ತುಂಬು ಗರ್ಭಿಣಿ ಸ್ವಿಮ್ಮಿಂಗ್ ಮಾಡಿದ್ರು..!

Published

on

ಸೋಶಿಯಲ್ ಮೀಡಿಯಾದಲ್ಲಿ ಸದಾ ಆ್ಯಕ್ಟೀವ್ ಆಗಿರುವ ನಟಿ ಸಮೀರಾ ರೆಡ್ಡಿ ಹೊಸದೊಂದು ಸಾಹಸದಿಂದ ಅಭಿಮಾನಿಗಳ ಹುಬ್ಬೇರುವಂತೆ ಮಾಡಿದ್ದಾರೆ. ಅಷ್ಟಕ್ಕೂ ನಟಿ ಸಮೀರಾ ರೆಡ್ಡಿ ಮಾಡಿದ್ದಾದರೂ ಏನಪ್ಪಾ ಅಂದ್ರೆ ತುಂಬು ಗರ್ಭಿಣಿಯಾಗಿರುವ ಸಮೀರ ರೆಡ್ಡಿ ಇತ್ತೀಚಿಗಷ್ಟೇ ಕೆಲ ಫೋಟೋಗಳನ್ನು ತಮ್ಮ ಇನ್ ಸ್ಟಾ ಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದರು. ಇದೀಗ ಸ್ವಿಮ್ ಸೂಟ್ ನಲ್ಲಿರುವ ಫೋಟೋವನ್ನು ಇನ್ ಸ್ಟಾ ಗ್ರಾಂ ನಲ್ಲಿ ಅಪ್ ಲೋಡ್ ಮಾಡಿರುವುದಲ್ಲದೇ, ಬಿಕಿನಿ ತೊಟ್ಟು ಈಜಾಡುತ್ತಿರುವ ವಿಡಿಯೋಗಳನ್ನು ಶೇರ್ ಮಾಡಿದ್ದಾರೆ.

ಇದು ಬಹುತೇಕರಿಗೆ ಆಶ್ಚರ್ಯವನ್ನುಂಟು ಮಾಡಿದ್ರೆ ಇನ್ನೂ ಕೆಲವರಿಗೆ ಇಂತಹ ಪರಿಸ್ಥಿತಿಯಲ್ಲಿ ಇವೆಲ್ಲವೂ ಅಗತ್ಯವಿತ್ತೇ ಎನ್ನುವಂತಾಗಿದೆ. ಸಮೀರ ರೆಡ್ಡಿ ಕನ್ನಡದಲ್ಲಿ ಕಿಚ್ಚ ಸುದೀಪ್ ಅಭಿನಯದ ವರದನಾಯಕ ಸಿನಿಮಾದಲ್ಲಿ ನಟಿಸಿದ್ದರು. 2014ರಲ್ಲಿ ಅಕ್ಷಯ್ ಎಂಬುವವರನ್ನು ವಿವಾಹವಾಗಿದ್ದು ಗಂಡು ಮಗುವೊಂದರ ತಾಯಿಯೂ ಆಗಿದ್ದರು. ಇದೀಗ ಎರಡನೇ ಮಗುವಿನ ನಿರೀಕ್ಷೆಯಲ್ಲಿದ್ದು ಆರು ತಿಂಗಳ ಗರ್ಭಿಣಿಯಾಗಿದ್ದಾರೆ.

Continue Reading

Trending

Copyright © 2018 Cinibuzz