Connect with us

ಸಿನಿಮಾ ವಿಮರ್ಶೆ

DEFT HANDLING – GHOST TO BOAST

Published

on

Rating (3/5)

Title – Uddishya, Banner – Chersonese Entertainment and Arch Films (USA), Executive Producers – Carlos Hagene and Gary Griffin, Director and Producer – HeMan, Music Director – Shadrach Solomon, Cinematographer – Chetan Raghuram, Original Story & Screenplay – Roberta Griffin, Cast – Hemanth, Archana Gaikwad, Akshata, Shreedhar Shastry, Iccha, Ashwatha Narayana, Anantha Velu, Anantha Padmanabha. S. A, Bharath. G. B.

 

‘Hollywood’ style for ‘Sandalwood’ has come in? This film by NRI ‘Uddishya’ has made such an attempt. It is based on Roberta Griffin Hollywood writer imaginary story that has been translated and modified to suit Global audience.

We have seen exorcist in the past. A bench mark film. We had in Kannada witchcraft in ‘Naa Ninna Bidalaare’.
Scores of films with horror have hit the stands. That is after super success of 6-5=2. Yet this Uddishya is different although it has passing reference to the recent 3000 Kannada cinema.

Hemanth as producer director and actor has worked on a tight screen play first. On many occasions he makes the audience to adjust to their seats with jerks. The exorcism subject he deals with knowledge but sadly the ghost of Christopher does not leave this COD cop.

What is this ‘Uddishya’ of Christopher. He wants to win death. He brings I three girls to his place makes them pregnant and the child born to them should be sacrificed on the day of birth is his calculation 16 years ago.

Out of three girls one dies after delivery of child, on this day remaining two pregnant women brutally attack because just born child is danger.

Christopher is in coma from last 16 years. Finally he is buried as doctors declare dead. The unsatisfied ghost attacks Divya second pregnant lady son. Divya is also killed later on. Now Anuradha a cop and her child Sara are left in doldrums. The cop seeks support on saving her skin from virtual collapse. What happened s when exorcism expert played by Anantha Velu arrives is climax of the film!

Hemanth in the cop on special Investigations has the right strength required for the role. Vijay kaundinya is deadly. Three girls have done competent job in respective roles.Archana Gaikwad as cop Anurdaha is quite OK. Akshata Sridhar has second release of the week emoted well. Delivery of dialogue by Anuradha character should have been very natural.

The background music, dialogues, locations, lighting for the film special effects of work are tremendous in this film.
The power of God and ghost are well showcased in this film.

This is worth watching for some of the stunning situations in the film.

 

Continue Reading
Advertisement
Click to comment

Leave a Reply

Your email address will not be published. Required fields are marked *

ಸಿನಿಮಾ ವಿಮರ್ಶೆ

ತಾಯಿಗೆ ತಕ್ಕ ಮಗ ಅನ್ಯಾಯದ ವಿರುದ್ಧ ಅಮ್ಮ ಮಗನ ಯುದ್ಧ!

Published

on


ಅನ್ಯಾಯದ ವಿರುದ್ಧ ತನ್ನ ವಕೀಲಿ ವೃತ್ತಿಯ ಕತ್ತಿ ಝಳಪಿಸುವ ಅಮ್ಮ ಮತ್ತು ತಾಯಿಯ ನೆರಳಲ್ಲಿ ದುಷ್ಟರನ್ನು ಸದೆ ಬಡಿಯಲು ನಿಂತ ಮಗ… ಆತನ ಸುತ್ತ ಹಬ್ಬಕೊಳ್ಳುವ ಪ್ರೀತಿ, ಅಲ್ಲಲ್ಲಿ ಮುದ ನೀಡೋ ಕಾಮಿಡಿ… ಒಂದು ಕಮರ್ಷಿಯಲ್ ಚಿತ್ರಕ್ಕೆ ಏನೇನು ಬೇಕೋ ಅದೆಲ್ಲವನ್ನೂ ಮೈದುಂಬಿಕೊಂಡಂತಿರೋ ತಾಯಿಗೆ ತಕ್ಕ ಮಗ ಚಿತ್ರ ಪ್ರೇಕ್ಷಕರ ನಿರೀಕ್ಷೆಗಳನ್ನು ತಣಿಸಿದೆ.

ವಕೀಲೆಯಾಗಿ ಸಮಾಜವಿರೋಧಿಗಳನ್ನು ಮಟ್ಟ ಹಾಕೋ ವಕೀಲೆಯಾಗಿ ಸುಮಲತಾ ಅಂಬರೀಶ್, ಮಗ ಮೋಹನ್‌ದಾಸನಾಗಿ ಅಜೇಯ್ ರಾವ್ ಮತ್ತು ಪ್ರೇಯಸಿ ಸರಸ್ವತಿಯಾಗಿ ಆಶಿಕಾ ರಂಗನಾಥ್ ನಟಿಸಿದ್ದಾರೆ. ಅಲ್ಲಲ್ಲಿ ಒಂದಷ್ಟು ಕೊರತೆಗಳು ಕಾಡೋದನ್ನು ಬಿಟ್ಟರೆ ಒಂದು ಸರಳವಾದ ಕಥೆಯನ್ನೇ ಪ್ರೇಕ್ಷಕರನ್ನು ಹಿಡಿದಿಡುವ ಧಾಟಿಯಲ್ಲಿ ನಿರ್ದೇಶಕ ಶಶಾಂಕ್ ಕಟ್ಟಿ ನಿಲ್ಲಿಸಿದ್ದಾರೆ.

ಅದು ನನಗೆ ನೀನು ನಿನಗೆ ನಾನು ಎಂಬಂಥಾ ಅಮ್ಮ ಮಗನ ಜೋಡಿ. ತಾಯಿ ವಕೀಲೆ. ಆಕೆ ಎಂಥಾ ಖದೀಮರೇ ಆದರೂ ಎದುರು ಹಾಕಿಕೊಂಡು ಕಾನೂನು ಮೂಲಕವೇ ನ್ಯಾಯ ಒದಗಿಸಿ ಕೊಡೋ ದಿಟ್ಟ ಹೆಣ್ಣ ಮಗಳು. ಮಗ ಮೋಹನ ದಾಸನ ಪಾಲಿಗೆ ಅಮ್ಮನ ರಕ್ಷಣೆಯೇ ಕಾಯಕ. ದುಷ್ಟರನ್ನು ಕಂಡರೆ ಕೆಂಡಾಮಂಡಲವಾಗಿ ಬಗ್ಗು ಬಡಿಯೋದು ಆತನ ವರಸೆ. ಅನ್ಯಾಯ ಕಂಡರೆ ಕೋಪಗೊಂಡು ಪ್ರತಾಪ ತೋರೋ ಮೋಹನದಾಸ್ ದುಷ್ಟರ ಪಾಲಿಗೆ ಸಿಂಹಸ್ವಪ್ನ.
ಇಂಥಾ ತಾಯಿ ಮತ್ತು ಮಗ ಅಧಿಕಾರದಾಸೆಗೆ ಏನು ಮಾಡಲೂ ಹೇಸದ ರಾಜಕಾರಣಿ ಮತ್ತು ತಂದೆಯ ನೆರಳಲ್ಲಿ ಎಂಥಾ ಕೆಲಸಕ್ಕೂ ರೆಡಿಯಾಗಿರೋ ಹುಂಬ ಮಗನ ವಿರುದ್ಧ ನಿಲ್ಲುತ್ತಾರೆ. ಅದರ ಸುತ್ತ ಥರ ಥರದ ವಿದ್ಯಮಾನಗಳು ನಡೆಯುತ್ತವೆ. ಇಂಥಾ ತಾಯಿ ಮಗನ ಬದುಕಿಗೆ ನಾಯಕಿ ಸರಸ್ವತಿಯ ಆಗಮನವೂ ಆಗುತ್ತೆ. ಈ ತಾಯಿ ಮಗ ದುಷ್ಟರ ವಿರುದ್ಧ ಗೆಲ್ಲುತ್ತಾರಾ? ಅನ್ಯಾಯದ ವಿರುದ್ಧ ಉಗ್ರ ಪ್ರತಾಪ ತೋರೋ ಮೋಹನ್‌ದಾಸನ ಪಾಲಿಗೆ ಪ್ರೀತಿಯೂ ದಕ್ಕುತ್ತಾ ಎಂಬೆಲ್ಲ ಕುತೂಹಲಗಳಿದ್ದರೆ, ಈ ಚಿತ್ರದಲ್ಲಿ ಥ್ರಿಲ್ಲಾಗುವಂಥಾ ಉತ್ತರವೂ ಇದೆ!

ಒಟ್ಟಾರೆಯಾಗಿ ಪಕ್ಕಾ ಕಮರ್ಷಿಯಲ್ ಶೈಲಿಯಲ್ಲಿ ಶಶಾಂಕ್ ಈ ಚಿತ್ರವನ್ನು ಕಟ್ಟಿ ಕೊಟ್ಟಿದ್ದಾರೆ. ಕಥೆ ಗಂಭೀರವಾಗುತ್ತಲೇ ವಸಾಧು ಕೋಕಿಲಾ ಬಂದು ಕಚಗುಳಿ ನೀಡುತ್ತಾರೆ. ಆಶಿಕಾ ರಂಗನಾಥ್ ಪಾತ್ರದ ಹೆಸರು ಸರಸ್ವತಿ. ಆದರೆ ಅವರನ್ನಿಲ್ಲಿ ಸಿಕ್ಕಾಪಟ್ಟೆ ಹಾಟ್ ಆಗಿ ತೋರಿಸಲಾಗಿದೆ. ಅದೂ ಕೂಡಾ ಚಿತ್ರದ ಒಟ್ಟಂದಕ್ಕೆ ಪೂರಕವಾಗಿದೆ. ಕೆಲವೆಡೆ ಅತೀ ಸಿನಿಮೀಯ ಎಂಬಂಥಾ ಸೀನುಗಳಿದ್ದರೂ ತಾಯಿ ಮಗನ ಖದರಿನ ನಡುವೆ ಅವು ಮರೆಯಾಗುತ್ತವೆ.

Continue Reading

ಸಿನಿಮಾ ವಿಮರ್ಶೆ

ಕೊಲೆಯ ಸುತ್ತ ತೆರೆದುಕೊಳ್ಳುವ ಕುತೂಹಲದ ಪುಟ!

Published

on

ಒಂದು ಕೋಣೆಯಲ್ಲಿ ಪಾತ್ರಗಳನ್ನು ಹಿಡಿದಿಡಬಹುದು. ಆದರೆ ಪ್ರೇಕ್ಷಕರ ಮನಸುಗಳನ್ನು ಅದರ ಸುತ್ತಲೇ ಕೇಂದ್ರೀಕರಿಸುವಂತೆ ಮಾಡೋದು ಸವಾಲಿನ ಸಂಗತಿ. ಆದರೆ ನಿರ್ದೇಶಕ ದಯಾಳ್ ಪದ್ಮನಾಭನ್ ಪಾಲಿಗದು ಕರತಲಾಮಲಕ ಎಂಬುದೀಗ ತೆರೆ ಕಂಡಿರೋ ಪುಟ ೧೦೯ ಚಿತ್ರದ ಮೂಲಕವೂ ಋಜುವಾತಾಗಿದೆ!


ಒಂಚೂರು ಲಯ ತಪ್ಪಿದರೂ ಪ್ರೇಕ್ಷಕರು ಉಸಿರುಗಟ್ಟಿ ಬಿಡುವಂಥಾ ಸೂಕ್ಷ್ಮವಾದ ಕಥೆಯನ್ನಿಲ್ಲಿ ದಯಾಳ್ ಜಾಣ್ಮೆಯಿಂದಲೇ ಹೇಳಿದ್ದಾರೆ. ಗಂಡ ಮತ್ತು ಹೆಂಡತಿ, ಒಂದು ಕೊಲೆ ಮತ್ತು ಅದರ ಸುತ್ತಾ ಸಾಗೋ ತನಿಖೆ… ಸಲೀಸಾಗಿ ಕಾಣೋ, ತೀರಾ ಸರಳ ಎನ್ನಿಸುವಂತೆ ಕಾಣುವ ಈ ಒನ್ ಲೈನ್ ಸ್ಟೋರಿಯನ್ನು ಪ್ರೇಕ್ಷಕರನ್ನು ತುದೀ ಸೀಟಿಗೆ ತಂದು ಕೂರಿಸುವಂತೆ, ಅದರ ಸುತ್ತ ಮನುಷ್ಯ ಸಂಬಂಧಗಳು, ವರ್ತನೆಗಳು ಮತ್ತು ನಾನಾ ಭಾವಗಳು ಗರಿ ಬಿಚ್ಚುವಂತೆ ರೋಚಕವಾಗಿ ಕಟ್ಟಿ ಕೊಡುವಲ್ಲಿಯೂ ಈ ಚಿತ್ರದ ಮೂಲಕ ದಯಾಳ್ ಗಮನಾರ್ಹ ಪ್ರಯತ್ನ ಮಾಡಿದ್ದಾರೆ.


ಒಂದು ಮನೆ. ಅದರೊಳಗೆ ಹೆಂಡತಿ ಮತ್ತು ಬರಹಗಾರನಾದ ಗಂಡ. ಈ ಎರಡು ಪಾತ್ರಗಳನ್ನು ವೈಷ್ಣವಿ ಮೆನನ್ ಮತ್ತು ನವೀನ್ ಕೃಷ್ಣ ನಿಭಾಯಿಸಿದ್ದಾರೆ. ಈ ಸಂಸಾರದಲ್ಲಿ ಹೆಂಡತಿ ಕೊಲೆ ಮೂಲಕವೇ ಗಂಡಾಂತರವೊಂದು ಬಂದೆರಗುತ್ತೆ. ಈ ಪ್ರಕರಣದ ತನಿಖೆಗಾಗಿ ಜೆಕೆ ಖಡಕ್ಕು ಪೊಲೀಸ್ ಅಧಿಕಾರಿಯಾಗಿ ಮನೆಯೊಳಗೆ ಎಂಟ್ರಿ ಕೊಡುತ್ತಾರೆ. ನಂತರ ಆ ಮನೆಯೊಳಗಿನ ನಾಲಕ್ಕು ಗೋಡೆಗಳ ನಡುವೆಯೇ ಕೊಲೆಯ ರಹಸ್ಯ ಪತ್ತೆಹಚ್ಚುವ ಕಾರ್ಯ ಶುರುವಾಗುತ್ತೆ. ಅದನ್ನೊಂದು ತನಿಖೆಯಾಗಿ ಮಾತ್ರ ಚಿತ್ರಿಸದೇ ಮನುಷ್ಯ ಸಂಬಂಧಗಳ ತಾಕಲಾಟವಾಗಿಯೂ, ನಂಟುಗಳ ಪೀಕಲಾಟವಾಗಿಯೂ, ಬದುಕಿನ ಸಂಕೀರ್ಣತೆಗಳ ಅನಾವರಣದಂತೆಯೂ ಕಟ್ಟಿ ಕೊಟ್ಟಿರೋದೇ ಈ ಚಿತ್ರದ ನಿಜವಾದ ಪ್ಲಸ್ ಪಾಯಿಂಟ್. ಈ ಪೊಲೀಸ್ ಅಧಿಕಾರಿ ಮತ್ತು ಬರಹಗಾರ ಗಂಡನ ಪಾತ್ರವನ್ನು ಜೆಕೆ ಮತ್ತು ನವೀನ್ ಕೃಷ್ಣ ಪೈಪೋಟಿಗೆ ಬಿದ್ದಂತೆ ನುಂಗಿಕೊಂಡು ನಟಿಸಿರೋದೂ ಕೂಡಾ ಪುಟ ೧೦೯ ರೋಚಕವೆನ್ನಿಸಲು ಪ್ರಧಾನ ಕಾರಣವಾಗಿ ದಾಖಲಾಗುತ್ತೆ.


ಹೀಗೆ ಮೊದಲಾರ್ಧ ನೋಡುಗರನ್ನು ಕುತೂಹಲದ ಕಾವಲಿಯಲ್ಲಿ ಕೂರಿಸಿ ಸಾಗುವ ಕಥೆ ದ್ವಿತೀಯಾರ್ಧದಲ್ಲಿ ಸಂಸಾರದ ಜಂಜಾಟಗಳನ್ನು ತೆರೆದಿಡುತ್ತಾ, ತನಿಖೆಯ ಟ್ರ್ಯಾಕಿಗೆ ಬರುತ್ತಾ ಮುದ ನೀಡುತ್ತದೆ. ಹಾಗಾದರೆ ಆ ಸಂಸಾರದಲ್ಲಿ ಇಂಥಾದ್ದೊಂದು ಗಂಡಾಂತರ ತಲೆದೋರಲು ಕಾರಣವೇನು. ಆ ಗೃಹಿಣಿಯ ಕೊಲೆಗೆ ಯತ್ನಿಸಿದವರ‍್ಯಾರು, ಅದನ್ನು ಖಡಕ್ ಅಧಿಕಾರಿ ಭೇದಿಸುತ್ತಾನಾ ಎಂಬುದೇ ನಿಜವಾದ ಕುತೂಹಲ. ಅದನ್ನು ದಯಾಳ್ ಸೃಷ್ಟಿಸಿದ ನೆರಳು ಬೆಳಕಿನ ಚಮಾತ್ಕಾರದ ನಡುವೆಯೇ ನೋಡೋದೊಳ್ಳೆಯದು!


ಒಟ್ಟಾರೆಯಾಗಿ ಪಾತ್ರ ವರ್ಗ, ನಟನೆ, ಕ್ಯಾಮೆರಾ, ಸಂಕಲನ, ಹಿನ್ನೆಲೆ ಸಂಗೀತ ಸೇರಿದಂತೆ ಎಲ್ಲವನ್ನೂ ಜತನದಿಂದ ಸಂಭಾಳಿಸುವಲ್ಲಿ ನಿರ್ದೇಶನದ ಕಸರತ್ತು ಗಮನ ಸೆಳೆಯುತ್ತೆ. ಒಂದೇ ಕೋಣೆಯೊಳಗೆ ಫೋಕಸ್ ಆಗಿದ್ದರೂ ಪಿಕೆಎಚ್ ದಾಸ್ ಅವರ ಕ್ಯಾಮೆರಾ ಕೈಚಳಕ ಇಡೀ ಚಿತ್ರವನ್ನು ಏಕತಾನತೆಯಿಂದ ಪಾರು ಮಾಡಿದೆ. ಇಂಥ ಪ್ರಯೋಗಾತ್ಮಕ ಸಿನಿಮಾವನ್ನು ಸಂಕಲನ ಮಾಡುವಾಗಿನ ಛಾಲೆಂಜು ಬಹುಶಃ ಎಡಿಟ್ ಮಾಡಿದ ಶ್ರೀ ಅವರಿಗೇ ತಿಳಿದಿರಬೇಕು. ಆದರೆ, ಅದೆಲ್ಲ ನೋಡೋ ಪ್ರೇಕ್ಷಕರಿಗೆ ಗೊತ್ತಾಗದಂತೆ ಸಂಕಲಿಸಿ ಕೊಟ್ಟಿರೋದು ಎಡಿಟರ್ ಕ್ರೇಜ಼ಿಮೈಂಡ್ಸ್ ಶ್ರೀ ಅವರ ಗೆಲುವು. ಕೊಲೆ, ತನಿಖೆ, ಅನುಮಾನಗಳ ಸುತ್ತ ಹೊಸೆದುಕೊಂಡಿರೋ ಈ ಸಿನಿಮಾ ಈ ಜಾನರಿನ ಚಿತ್ರಗಳಲ್ಲಿಯೇ ಭಿನ್ನವಾಗಿ ಕಾಣಿಸುತ್ತದೆ. ಅದು ಪುಟ ೧೦೯ರ ನಿಜವಾದ ಗಮ್ಮತ್ತು!

Continue Reading

ಸಿನಿಮಾ ವಿಮರ್ಶೆ

ಜಗತ್ ಕಿಲಾಡಿ : ಎಲ್ಲ ಮೋಸಗಳಿಗೂ ಇವನೇ ಬಾಸು!

Published

on

ಹೇಗಾದರೂ ಸರಿ ಏಕಾಏಕಿ ದುಡ್ಡು ಮಾಡಿ ಬಿಡಬೇಕು… ಇಂಥಾ ಧಾವಂತದಿಂದ ಥರ ಥರದ ವೇಷ ತೊಟ್ಟ, ಹೆಜ್ಜೆ ಹೆಜ್ಜೆಗೂ ಮಾರಾಮೋಸ ಮಾಡಿದ ಸಜೀವ ಉದಾಹರಣೆಗಳು ಸಾಕಷ್ಟಿವೆ. ಈಗ ಪ್ರೇಕ್ಷಕರ ಮುಂದೆ ಬಂದಿರೋ ಜಗತ್ ಕಿಲಾಡಿ ಅಂಥಾ ಹತ್ತಾರು ಮೋಸಗಾರರ, ನಾನಾ ವೇಷಗಳ ಒಟ್ಟು ಮೊತ್ತದಂತಿರುವವನು. ಹಣ ಮಾಡುವ ಉದ್ದೇಶದಿಂದ ಎಂತೆಂಥಾ ಪ್ರಳಯಾಂತಕ ಕೆಲಸ ಮಾಡ ಬಹುದೆಂಬುದನ್ನು ಹೇಳುತ್ತಲೇ ಆ ಹಾದಿಯಲ್ಲಿ ಮುಂದುವರೆದರೆ ಕಡೆಗೂ ಸಿಕ್ಕೋದೇನೆಂಬ ಸಂದೇಶವನ್ನೂ ಸಾರುತ್ತಾ ಸಖತ್ ಎಂಟರ್‌ಟೈನಿಂಗ್ ಚಿತ್ರವಾಗಿ ಜಗತ್ ಕಿಲಾಡಿ ಪ್ರೇಕ್ಷಕರ ಮನಗೆದ್ದಿದ್ದಾನೆ!
ಆರವ್ ಧೀರೇಂದ್ರ ನಿರ್ದೇಶನದ ಈ ಚಿತ್ರ ಅಂತಿಮ ಹಂತದಲ್ಲಿ ಭಾರೀ ಸದ್ದು ಮಾಡಿತ್ತು. ನಿರಂಜನ್ ಶೆಟ್ಟಿ ಬರೋಬ್ಬರಿ ಹದಿನೈದು ಅವತಾರಗಳಲ್ಲಿ ಕಾಣಿಸಿಕೊಳ್ಳುವ ಮೂಲಕ ಪ್ರೇಕ್ಷಕರ ಅಚ್ಚರಿಗೆ ಕಾರಣವಾಗಿದ್ದರು. ಇದೀಗ ಬಿಡುಗಡೆಯಾಗಿರೋ ಈ ಚಿತ್ರ ಆರಂಭದಿಂದ ಕೊನೆಯವರೆಗೂ ಅದನ್ನು ಕಾಯ್ದುಕೊಳ್ಳುವಲ್ಲಿ ಸಫಲವಾಗಿದೆ.

ನಿರಂಜನ್ ಶೆಟ್ಟಿ ಈ ಚಿತ್ರದಲ್ಲಿ ಸತ್ಯಮೂರ್ತಿ ಎಂಬ ಪಾತ್ರದ ಮೂಲಕ ವಿರಾಟ್ ರೂಪವನ್ನೇ ಪ್ರದರ್ಶಿಸಿದ್ದಾರೆ. ಹೆಸರಲ್ಲಿಯೇ ಸತ್ಯ ಇದ್ದರೂ ಆತ ಸುಳ್ಳು, ಮೋಸ, ವಂಚನೆಗಳ ಸಾಕಾರ ಮೂರ್ತಿ. ಎಂಥಾ ಸಂದರ್ಭವನ್ನಾದರೂ ಮೋಸದಿಂದಲೇ ಕಾಸು ಕಬಳಿಸಲು ಬಳಸಿಕೊಳ್ಳೋದರಲ್ಲಿ ಆತ ಚಾಣಾಕ್ಷ. ರೈಸ್‌ಫುಲ್ಲಿಂಗ್ ದಂಧೆಯಿಂದ ಹಿಡಿದು, ಕುಡಿಯೋ ನೀರಿನ ಮಾಫಿಯಾದ ವರೆಗೂ ಸಕಲ ಅಡ್ಡ ಕಸುಬುಗಳಲ್ಲಿಯೂ ಈತನದ್ದೇ ಮೇಲುಗೈ. ಹಣವೇ ಸಕಲ ಸುಖಕ್ಕೂ ಮೂಲ ಎಂಬುದಾತನ ಬದುಕಿನ ಸೂತ್ರ. ಎಂಥಾ ಚಾಣಾಕ್ಷನೇ ಆಗಿದ್ದರೂ ಖಾಕಿ ಕಣ್ಣಿಂದ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ ಎಂಬಂತೆ ಈ ಜಗತ್ ಖಿಲಾಡಿಯೂ ಪೊಲೀಸರ ಅತಿಥಿಯಾಗುತ್ತಾನೆ.

 

ಹೀಗೆ ತಗುಲಿಕೊಂಡಾಗಲೂ ಮತ್ತೊಂದು ಮೋಸದ ಬಲೆ ಹೆಣೆದು ಬಚಾವಾಗೋದರಲ್ಲಿ ಸತ್ಯ ಮೂರ್ತಿಯನ್ನು ಮೀರಿಸೋ ಮತ್ತೊಬ್ಬರಿಲ್ಲ. ಸಾಮಾನ್ಯವಾಗಿ ಪ್ರೀತಿ ಎಂಥವರನ್ನೂ ಬದಲಿಸುತ್ತೇ ಅನ್ನೋದಿದೆ. ಆದರೆ ಹಣದ ಹಿಂದೆ ಬಿದ್ದ ಈತನಿಗೆ ತನ್ನ ಹಿಂದೆ ಬಿದ್ದ ಹುಡುಗಿಯೊಬ್ಬಳ ಅಂತರಾಳ ಮುಖ್ಯ ಅನ್ನಿಸೋದಿಲ್ಲ. ಆದರೂ ಮೋಸದ ಜಾಲದಲ್ಲಿ ಬಂಧಿಯಾಗಿ ಖೈದಿಯಾದ ಸಂದರ್ಭದಲ್ಲಿ ಪೊಲೀಸರು ಹೇಳಿದ ಮಾತು ಆತನನ್ನು ಕಾಡುತ್ತೆ. ಸತ್ಯಮೂರ್ತಿ ಬದಲಾಗುವ ಪಥದತ್ತ ಹೊರಳಿಕೊಳ್ಳುತ್ತಾನೆ. ಅದು ಸಾಧ್ಯವಾಗುತ್ತಾ? ಹಣದ ಹಿಂದೆ ಬಿದ್ದ ಅಸಡ್ಡೆ ಮಾಡಿದ್ದ ಪ್ರೀತಿ ಆತನಿಗೆ ದಕ್ಕುತ್ತಾ ಎಂಬುದು ಅಸಲೀ ಕ್ಯೂರಿಯಾಸಿಟಿ.

ಆರಂಭದಿಂದ ಕಡೆಯವರೆಗೂ ಕ್ಷಣ ಕ್ಷಣವೂ ಕಾಡುವಂತೆ, ಹೊತ್ತಿನ ಪರಿವೆಯೂ ನೆನಪಾಗದಂತೆ ಚಿತ್ರವನ್ನು ಕಟ್ಟಿ ಕೊಡುವಲ್ಲಿ ನಿರ್ದೇಶಕರು ಗೆದ್ದಿದ್ದಾರೆ. ನಾಯಕನಾಗಿ ನಿರಂಜನ್ ಶೆಟ್ಟಿ ಎಲ್ಲ ಶೇಡುಗಳ ಪಾತ್ರವನ್ನೂ, ಅವತಾರಗಳನ್ನೂ ಆವಾಹಿಸಿಕೊಂಡಂತೆ ನಟಿಸಿದ್ದಾರೆ. ನಾಯಕಿ ಅಮಿತಾ ಕುಲಾಲ್ ಕೂಡಾ ಇದಕ್ಕೆ ತಕ್ಕುದಾಗಿಯೇ ನಟಿಸಿದ್ದಾರೆ. ಪ್ರತೀ ಪಾತ್ರ, ಸನ್ನಿವೇಶಗಳೂ ಕೂಡಾ ಪ್ರೇಕ್ಷಕರನ್ನು ಕುತೂಹಲಕ್ಕೆ ತಳ್ಳುವ ಮೂಲಕ ಇಡೀ ಚಿತ್ರ ನೋಡಿಸಿಕೊಂಡು ಹೋಗುತ್ತೆ. ಇಡೀ ಚಿತ್ರದಲ್ಲಿನ ವೇಗ, ಅಚ್ಚುಕಟ್ಟಾದ ಚಿತ್ರಕಥೆ, ಬಿಗಿ ಕಳೆದುಕೊಳ್ಳದ ಕಥೆ ಮತ್ತು ಅದಕ್ಕೆ ತಕ್ಕುದಾದ ಪಾತ್ರ ಪೋಷಣೆಯ ಮೂಲಕ ಈ ಚಿತ್ರ ಪ್ರೇಕ್ಷಕರನ್ನು ಸೆಳೆದುಕೊಂಡಿದೆ.

ಸಿನಿಮಾ ರೇಟಿಂಗ್ : ***/******

Continue Reading
Advertisement
Chitralahari 400 x 600
DJ ENTERTAINMENTS 300 x 600

Trending

Copyright © 2018 Cinibuzz