Connect with us

ಕಲರ್ ಸ್ಟ್ರೀಟ್

ಗಿಣಿ ಹೇಳಿದ್ದು ಡ್ರೈವರ್ ಒಬ್ಬನ ಆತ್ಮಕಥೆ!

Published

on


ಫ್ರೆಶ್ ಆದೊಂದು ಶೀರ್ಷಿಕೆಯಿಂದಲೇ ಗಮನ ಸೆಳೆದಿದ್ದ ಚಿತ್ರ ಗಿಣಿ ಹೇಳಿದ ಕಥೆ. ದೇವ್ ರಂಗಭೂಮಿ ನಿರ್ಮಾಣ ಮಾಡಿ ನಾಯಕನಾಗಿಯೂ ನಟಿಸಿರುವ ಈ ಸಿನಿಮಾ ತೆರೆ ಕಂಡಿದೆ. ರಂಗಭೂಮಿ ಪ್ರತಿಭೆಗಳೇ ತಾರಾಗಣ ತುಂಬಿಕೊಂಡಿದ್ದಾರೆ ಅನ್ನೋದರಿಂದ ಮೊದಲ್ಗೊಂಡು ಗಿಣಿ ಹೇಳಿದ ಕಥೆಯ ಬಗ್ಗೆ ಪ್ರೇಕ್ಷಕರ ಕುತೂಹಲಕ್ಕೆ ನಾನಾ ಕಾರಣಗಳಿದ್ದವೂ. ಇದೀಗ ನೋಡಿದ ಪ್ರತಿಯೊಬ್ಬರಲ್ಲಿಯೂ ತಮ್ಮ ನಡುವೆಯೇ ಘಟಿಸಿದ ಚೆಂದದ ಕಥಾನಕವೊಂದನ್ನು ಕಣ್ತುಂಬಿಕೊಂಡಂಥಾ ಖುಷಿ ಕಾಣಿಸುತ್ತಿದೆ.

ಗಿಣಿ ಹೇಳಿದ ಕಥೆ ಸಿದ್ಧ ಸೂತ್ರಗಳನ್ನು ಮೀರಿದ ಚಿತ್ರ ಅಂತ ದೇವ್ ರಂಗಭೂಮಿ ಆರಂಭದಿಂದಲೂ ಹೇಳಿಕೊಂಡಿದ್ದರು. ಅದಕ್ಕೆ ತಕ್ಕುದಾಗಿಯೇ ಇಡೀ ಸಿನಿಮಾ ಮೂಡಿ ಬಂದಿದೆ ಅನ್ನೋದೇ ಸಮಾಧಾನ. ಇಲ್ಲಿ ಗಿಣಿ ಹೇಳೋ ಕಥೆ ಸರಾಗವಾಗಿ ನೋಡಿಸಿಕೊಂಡು, ಕೇಳಿಸಿಕೊಂಡು ಹೋಗುತ್ತೆ. ಕೆಲವೊಂದು ವಿಚಾರಗಳಲ್ಲಿನ ಸಣ್ಣಪುಟ್ಟ ಲೋಪ ದೋಷಗಳನ್ನು ಹೊರತಾಗಿಸಿದರೆ ಎಲ್ಲವೂ ಮುದ್ದಾಗಿದೆ. ಇಲ್ಲಿ ಗಿಣಿ ಹೇಳೋ ಕಥೆಯಲ್ಲಿ ಹೇಳಿಕೊಳ್ಳುವಂಥಾ ವಿಶೇಷತೆ ಇಲ್ಲದೇ ಹೋದರೂ ಅದನ್ನು ನಿರೂಪಣೆ ಮಾಡಿರೋ ಜಾಣ್ಮೆಯೇ ನಿಜವಾದ ಫ್ಲಸ್ ಪಾಯಿಂಟ್.

ಇದೊಂಥರಾ ಬೆಂಗಳೂರಿನ ವಾತಾವರಣದಲ್ಲಿ ಬದುಕೋ ಸಾಮಾನ್ಯ ಡ್ರೈವರುಗಳ ಆತ್ಮಕಥೆಯಂಥಾ ಕಥಾ ಹಂದರ ಹೊಂದಿರೋ ಚಿತ್ರ. ಬೆಂಗಳೂರಿನಂಥಾ ನಗರಗಳಲ್ಲಿ ಚಾಲಕರು ಅದೇ ಕೈ ಸಾಲ, ಬಡ್ಡಿ, ಚೀಟಿ ವ್ಯವಹಾರ ಅಂತೆಲ್ಲ ಸಿಕ್ಕಿಕೊಂಡಿರುತ್ತಾರಲ್ಲಾ? ಅದೆಲ್ಲವನ್ನೂ ಕಣ್ಣಿಗೆ ಕಟ್ಟಿದಂತೆ ತೆರೆದಿಡೋ ಸೀನುಗಳಿಂದಲೇ ಗಿಣಿ ಹೇಳಿದ ಕಥೆ ಆರಂಭವಾಗುತ್ತೆ. ಇಲ್ಲಿ ನಾಯಕನೂ ಚಾಲಕ. ಪ್ಯಾಸೆಂಜರ್ ಕರೆದುಕೊಂಡು ಮಡಿಕೇರಿ ದಾರಿಯಲ್ಲಿ ಹೋಗುವಾಗ ಆತ ತನ್ನ ಕಥೆ ಹೇಳಿಕೊಳ್ಳುತ್ತಾ ಹೋಗುತ್ತಾನೆ. ಅದು ಆತನ ಪ್ರೀತಿಯ ಕಥಾನಕ. ಹೇಗೇಗೋ ಹಿಂದಿಂದೆ ಸುತ್ತಿ ಒಲಿಸಿಕೊಂಡಿದ್ದರಿಂದ ಹಿಡಿದು ಅಂತ್ಯದವರೆಗೂ ಎಲ್ಲವನ್ನೂ ಬಳಸಿಕೊಂಡು ಕಥೆ ಸಾಗುತ್ತೆ.

 

ಆದರೆ ಹಾಗೆ ಪ್ರೀತಿಸಿ ಜೊತೆಯಾದ ನಾಯಕಿ ಕಣ್ಮರೆಯಾದದ್ದರ ಹಿಂದೊಂದು ಭಯಾನಕ ಅಂಶವೂ ಇರುತ್ತೆ. ಅದೇನು. ಆ ಘಟನೆಗೂ ಈ ಡ್ರೈವರ್ ಕೊಡಗಿನತ್ತ ಕರೆದೊಯ್ಯುವ ಪ್ಯಾಸೆಂಜರುಗಳಿಗೂ ಏನು ಸಂಬಂಧ ಎಂಬುದನ್ನು ಥೇಟರಿನಲ್ಲಿಯೇ ನೋಡಿದರೆ ಚೆನ್ನ. ಒಟ್ಟಾರೆಯಾಗಿ ಇಡೀ ಚಿತ್ರ ಯಾವ ಅಡೆತಡೆಗಳೂ ಇಲ್ಲದೇ ನೋಡಿಸಿಕೊಂಡು ಹೋಗುತ್ತೆ. ದೇವ್ ರಂಗಭೂಮಿ ಇಲ್ಲಿನ ನಾಯಕನ ಪಾತ್ರಕ್ಕೆ ಸೂಕ್ತ ವ್ಯಕ್ತಿ ಅಂತ ಸಿನಿಮಾ ನೋಡಿದ ಯಾರಿಗಾದರೂ ಅನ್ನಿಸುತ್ತೆ. ಅವರು ರಂಗಭೂಮಿಯ ಕಸುವನ್ನೆಲ್ಲ ಬಸಿದು ಈ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ನಾಯಕಿ ಗೀತಾಂಜಲಿಗೆ ಕೂಡಾ ಇದು ಮೊದಲ ಚಿತ್ರ ಎಂಬ ಸುಳಿವೂ ಕೊಡದಂತೆ ನಟಿಸಿದ್ದಾರೆ. ರಂಗಭೂಮಿ ನಟ ನಟಿಯರೇ ಈ ಚಿತ್ರದ ಎಂಬತ್ನಾಲಕ್ಕು ಪಾತ್ರಗಳಿಗೆ ಜೀವ ತುಂಬಿದ್ದಾರೆ. ಆದ್ದರಿಂದಲೇ ಒಟ್ಟಾರೆ ಚಿತ್ರ ಹೊಸಾ ಅನುಭವ ನೀಡುವಂತೆ ಮೂಡಿ ಬಂದಿದೆ. ಇನ್ನು ರಾಜನೇಸರ ಅವರು ಬರೆದ ಹಾಡಿನ ಜೊತೆಗೆ ಮಿಕ್ಕೆಲ್ಲ ಹಾಡುಗಳೂ ಹೊಸಾ ಫೀಲ್ ಕೊಡುತ್ತದೆ. ನೋಡೋದಕ್ಕೂ ಚೆಂದ ಎನಿಸುತ್ತದೆ. ಬೆಂಗಳೂರಿನ ಗವೀಪುರ ಗುಟ್ಟಹಳ್ಳಿ, ಬಸವನಗುಡಿಗಳಲ್ಲೇ ಬಹುತೇಕ ಚಿತ್ರೀಕರಣ ನಡೆದಿರೋದು ಕಾಣಸಿಗುತ್ತದೆ ಮತ್ತದ ಇಡೀ ಸಿನಿಮಾದ ಒಂದು ಪಾತ್ರವಾಗಿ ಚಿತ್ರಿತಗೊಂಡಿದೆ.

#

Advertisement
Click to comment

Leave a Reply

Your email address will not be published. Required fields are marked *

ಕಲರ್ ಸ್ಟ್ರೀಟ್

ಪಡ್ಡೆಹುಲಿ ಹಿಟ್ ಹಾಡುಗಳ ಜ್ಯೂಕ್ ಬಾಕ್ಸ್ ಅನಾವರಣ!

Published

on


ಕೆ. ಮಂಜು ಅವರ ಪುತ್ರ ಶ್ರೇಯಸ್ ನಾಯಕನಾಗಿ ಎಂಟ್ರಿ ಕೊಡುತ್ತಿರುವ ಚಿತ್ರ ಪಡ್ಡೆಹುಲಿ. ಗುರುದೇಶಪಾಂಡೆ ನಿರ್ದೇಶನದ ಈ ಚಿತ್ರ ಈಗಾಗಲೇ ಹಾಡುಗಳ ಮೂಲಕ ಎಂಥವರೂ ಅಚ್ಚರಿಗೊಳ್ಳುವಂಥಾ ಕ್ರೇಜ್ ಸೃಷ್ಟಿಸಿದೆ. ಶ್ರೇಯಸ್ ಸಂಪೂರ್ಣ ತಯಾರಿಯೊಂದಿಗೇ ಅಡಿಯಿರಿಸಿರೋದರ ಬಗ್ಗೆ ಬೆರಗು, ಓರ್ವ ಎನರ್ಜಿಟಿಕ್ ಹೀರೋ ಕನ್ನಡಕ್ಕೆ ಪಾದಾರ್ಪಣೆ ಮಾಡಿದ ಸ್ಪಷ್ಟ ಸೂಚನೆಗಳೆಲ್ಲವೂ ಪಡ್ಡೆಹುಲಿಯ ಸುತ್ತ ಮಿರುತ್ತಿವೆ!

ಇದೆಲ್ಲವೂ ಸಾಧ್ಯವಾಗಿದ್ದು ಒಂದರ ಹಿಂದೊಂದರಂತೆ ಅನಾವರಣಗೊಂಡಿದ್ದ ಚೆಂದದ ಹಾಡುಗಳಿಂದ. ಈಗಾಗಲೇ ಭರತ್ ಬಿಜೆ ಸಂಗೀತ ಸಂಯೋಜನೆಯಲ್ಲಿ ಮೂಡಿ ಬಂದಿರೋ ಎಲ್ಲ ಹಾಡುಗಳೂ ಹಿಟ್ ಆಗಿವೆ. ಇದೀಗ ಪಿಆರ‍್ಕೆ ಸಂಸ್ಥೆಯ ಮೂಲಕ ಈ ಎಲ್ಲ ಹಾಡುಗಳ ಜ್ಯೂಕ್ ಬಾಕ್ಸ್ ಅನ್ನು ಅನಾವರಣಗೊಳಿಸಲಾಗಿದೆ. ಈ ಮೂಲಕ ಪಡ್ಡೆಹುಲಿ ಚಿತ್ರದ ಅಷ್ಟೂ ಚೆಂದದ ಹಾಡುಗಳನ್ನು ಒಟ್ಟಾಗಿ ಕೇಳಿಸಿಕೊಳ್ಳುವ ಸದಾವಕಾಶ ಪ್ರೇಕ್ಷಕರಿಗೆ ಸಿಕ್ಕಿದೆ. ಒಂದು ಚಿತ್ರದಲ್ಲಿ ಐದಾರು ಹಾಡುಗಳಿರೋದು ಸಾಮಾನ್ಯ. ಕೆಲ ಬಾರಿ ಈ ಸಂಖ್ಯೆ ಇನ್ನೂ ಇಳಿಕೆಯಾಗೋದೂ ಇದೆ. ಆದರೆ, ಪಡ್ಡೆಹುಲಿ ಚಿತ್ರದಲ್ಲಿ ಮಾತ್ರ ಹತ್ತು ಹಾಡುಗಳಿವೆ. ಒಂದಕ್ಕಿಂತ ಒಂದು ಚೆಂದವೆಂಬಂತೆ ಮೂಡಿ ಬಂದಿರೋ ಈ ಹಾಡುಗಳೆಲ್ಲವೂ ಜನಮಾನಸ ಗೆದ್ದಿವೆ. ಇದೀಗ ಬಿಡುಗಡೆಯಾಗಿರೋ ಜ್ಯೂಕ್ ಬಾಕ್ಸ್ ಗೂ ಒಳ್ಳೆ ಅಭಿಪ್ರಾಯಗಳೇ ಕೇಳಿ ಬರುತ್ತಿವೆ.

ಎಮ್ ರಮೇಶ್ ರೆಡ್ಡಿ ನಿರ್ಮಾಣ ಮಾಡಿರೋ ಪಡ್ಡೆಹುಲಿ ಇನ್ನೇನು ಬಿಡುಗಡೆಯ ಹೊಸ್ತಿಲಲ್ಲಿದೆ. ಚಿತ್ರೀಕರಣದ ಹಂತದಲ್ಲಿಯೇ ನಾಯಕ ಶ್ರೇಯಸ್ ಭರವಸೆ ಹುಟ್ಟಿಸಿ ಬಿಟ್ಟಿದ್ದಾರೆ. ಹಾಡುಗಳಂತೂ ಅವರ ಪೂರ್ವ ತಯಾರಿ, ಶ್ರಮಗಳನ್ನು ಪ್ರತಿಫಲಿಸುವಂತಿವೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರೇ ಶ್ರೇಯಸ್ ಶ್ರಮವನ್ನು ಮೆಚ್ಚಿಕೊಂಡಿದ್ದಾರೆಂದ ಮೇಲೆ ಹೆಚ್ಚೇನು ಹೇಳೋ ಅಗತ್ಯವಿಲ್ಲ. ಇದೀಗ ಬಿಡುಗಡೆಯಾಗಿರೋ ಜ್ಯೂಕ್ ಬಾಕ್ಸ್ ಮೂಲಕ ಪಡ್ಡೆಹುಲಿಯ ಬಗೆಗಿನ ನಿರೀಕ್ಷೆ ನೂರ್ಮಡಿಸೋದಂತೂ ಖಂಡಿತ!

Continue Reading

ಕಲರ್ ಸ್ಟ್ರೀಟ್

ಪುಣ್ಯಾತ್ಗಿತ್ತೀರ ಹಾಡು ಬಂತು!

Published

on

ಸತ್ಯನಾರಾಯಣ ಮನ್ನೆ ನಿರ್ಮಾಣದ ಪುಣ್ಯಾತ್ ಗಿತ್ತೀರು ಚಿತ್ರದ ಹಾಡುಗಳು ಹೊರ ಬಂದಿವೆ. ರಾಮಾನುಜಂ ಸಂಗೀತ ಸಂಯೋಜನೆ ಮಾಡಿರುವ ಈ ಹಾಡುಗಳೆಲ್ಲವೂ ಈಗಾಗಲೇ ಪುಣ್ಯಾತ್ಗಿತ್ತೀರು ಸೃಷ್ಟಿಸಿರೋ ಸಂಚಲನಕ್ಕೆ ಮತ್ತಷ್ಟು ರಂಗು ತುಂಬುವಂತೆ ಮೂಡಿ ಬಂದಿವೆ. ಕವಿರತ್ನ ವಿ ನಾಗೇಂದ್ರ ಪ್ರಸಾದ್ ಇದರ ಟೈಟಲ್ ಸಾಂಗ್ ಬರೆದಿದ್ದಾರೆ. ಹೆಣ್ಣಿನ ಮಹತ್ವ ಸಾರುವ ಹಾಡೊಂದನ್ನು ನಿರ್ದೇಶಕ ರಾಜು ಅವರೇ ಬರೆದಿದ್ದಾರೆ. ಕಾಶಿ ಮೋಹನ್, ಸ್ವರಾಜ್ ಮುಂತಾದವರೂ ಹಾಡುಗಳನ್ನ ಬರೆದಿದ್ದಾರೆ. ಈ ಎಲ್ಲ ಹಾಡುಗಳೂ ಸಿನಿಮಾ ಕಥೆಗೆ ಪೂರಕವಾಗಿ, ಹೊಸತನದೊಂದಿಗೆ ಪ್ರೇಕ್ಷಕರನ್ನು ಸೆಳೆದುಕೊಳ್ಳುವತ್ತ ಮುನ್ನುಗ್ಗುತ್ತಿವೆ.

ಈ ಆಡಿಯೋ ಲಾಂಚ್ ಕಾರ್ಯಕ್ರಮವನ್ನು ಭಿನ್ನವಾಗಿಯೇ ನಡೆಸಲು ನಿರ್ಮಾಪಕರು, ನಿರ್ದೇಶಕರು ಯೋಜನೆ ಹಾಕಿಕೊಂಡಿದ್ದರು. ಈ ಚಿತ್ರದಲ್ಲಿ ನಾಲ್ವರು ನಾಯಕಿಯರೂ ಅನಾಥರೇ. ಆದ್ದರಿಂದ ಅನಾಥ ಹೆಣ್ಣುಮಗುವೊಂದರಿಂದ ಆಡಿಯೋ ಲಾಂಚ್ ನಡೆಸಲು ತೀರ್ಮಾನಿಸಲಾಗಿತ್ತು. ಅನಾಥಾಶ್ರಮದಲ್ಲಿ ಒಂದು ಹೆಣ್ಣುಮಗುವನ್ನು ದತ್ತು ಪಡೆದುಕೊಂಡು ಅದರ ಶಿಕ್ಷಣದ ಜವಾಬ್ದಾರಿಯನ್ನೂ ಚಿತ್ರತಂಡವೇ ಹೊತ್ತುಕೊಂಡಿತ್ತಂತೆ. ಆದರೆ ಆ ಮಗು ಅನಾರೋಗ್ಯಗೊಂಡಿದ್ದರಿಂದ ಎಣಿಕೆಯಂತೆ ಕಾರ್ಯಕ್ರಮ ನಡೆಸಲು ಸಾಧ್ಯವಾಗಿಲ್ಲ. ಆದ್ದರಿಂದ ನಾಲ್ವರು ನಾಯಕಿಯರೇ ಆಡಿಯೋ ಬಿಡುಗಡೆ ಮಾಡಿದ್ದಾರೆ.

ನಾಲ್ವರು ಬಿಂದಾಸ್ ಹುಡುಗೀರೇ ಮುಖ್ಯಭೂಮಿಕೆಯಲ್ಲಿರುವ ‘ಪುಣ್ಯಾತ್ಗಿತ್ತೀರು ಚಿತ್ರದ ಟೀಸರ್ ಭಾರೀ ಫೇಮಸ್ ಆಗಿದೆ. ಸತ್ಯನಾರಾಯಣ ಮನ್ನೆ ನಿರ್ಮಾಣದ ಈ ಚಿತ್ರದ ಟೀಸರ್ ಬಿಡುಗಡೆಯಾಗಿ ದಿನಗೊಪ್ಪತ್ತಿನಲ್ಲಿಯೇ ಯೂಟ್ಯೂಬ್‌ನಲ್ಲಿ ಐವತ್ತು ಸಾವಿರಕ್ಕೂ ಹೆಚ್ಚಿನ ವೀಕ್ಷಣೆ ಪಡೆಯುವ ಮೂಲಕ ಟಾಕ್ ಕ್ರಿಯೇಟ್ ಮಾಡಿತ್ತು. ಇದೀಗ ಹಾಡುಗಳೂ ಕೂಡಾ ಅಂಥಾದ್ದೇ ಆವೆಗದಲ್ಲಿ ಮೂಡಿ ಬಂದಿವೆ.

ರಾಜ್ ಕತೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡಿರೋ ಈ ಚಿತ್ರದಲ್ಲಿ ಮಮತಾ ರಾವುತ್, ವಿದ್ಯಾ ಮೂಡಿಗೆರೆ ಮತ್ತು ವಿದ್ಯಾಶ್ರೀ ಬೋಲ್ಡ್ ಹುಡುಗಿಯರಾಗಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಕುರಿ ರಂಗ ಮುಂತಾದವರು ಪುಣ್ಯಾತ್‌ಗಿತ್ತೀರಿಗೆ ಸಾಥ್ ನೀಡಿದ್ದಾರೆ. ಇನ್ನುಳಿದಂತೆ ಎ.ರಾಮಾನುಜಂ ಸಂಗೀತ, ಶರತ್ ಕುಮಾರ್ ಜಿ ಛಾಯಾಗ್ರಹಣ, ಶಿವಶಂಕರ್ ಸಂಕಲನ, ಸಂದೀಪ್ ಕನಕಪುರ ಸಂಭಾಷಣೆ, ತ್ರಿಭುವನ್ ನೃತ್ಯ ನಿರ್ದೇಶನವಿದೆ.

Continue Reading

ಕಲರ್ ಸ್ಟ್ರೀಟ್

ಉದ್ಘರ್ಷ: ಸಸ್ಪೆನ್ಸ್ ಥ್ರಿಲ್ಲರ್ ಪ್ರೇಮಿಗಳಿಗೆ ಹಬ್ಬ!

Published

on

ಠಾಕೂರ್ ಅನೂಪ್ ಸಿಂಗ್ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ ಚಿತ್ರ ಉದ್ಘರ್ಷ. ಸುನೀಲ್ ಕುಮಾರ್ ದೇಸಾಯಿ ನಿರ್ದೇಶನ ಮಾಡಿರುವ ಈ ಚಿತ್ರ ಈ ವಾರ ಬಿಡುಗಡೆಯಾಗಲಿದೆ. ಕನ್ನಡ ಮಾತ್ರವಲ್ಲದೇ ತಮಿಳು, ತೆಲುಗು, ಮಲೆಯಾಳಂ ಮತ್ತು ಹಿಂದಿ ಭಾಷೆಗಳಲ್ಲಿಯೂ ಉದ್ಘರ್ಷ ಚಿತ್ರ ತೆರೆಕಾಣಲಿದೆ.ಸಸ್ಪೆನ್ಸ್ ಥ್ರಿಲ್ಲರ್ ಚಿತ್ರಗಳ ಮಾಸ್ಟರ್ ಡೈರೆಕ್ಟರ್ ಎಂದೇ ಹೆಸರಾಗಿರುವವರು ಸುನೀಲ್ ಕುಮಾರ್ ದೇಸಾಯಿ. ಅವರು ಬಹಳಷ್ಟು ವರ್ಷಗಳ ಗ್ಯಾಪಿನ ನಂತರದಲ್ಲಿ ಉದ್ಘರ್ಷ ಚಿತ್ರದ ಮೂಲಕ ಮತ್ತೆ ಮರಳಿದ್ದಾರೆ. ಹಾಗೆಂದ ಮೇಲೆ ಪ್ರೇಕ್ಷಕರಲ್ಲೊಂದು ಕ್ಯೂರಿಯಾಸಿಟಿ ಹುಟ್ಟೋದು ಸಹಜವೇ. ಅದನ್ನು ಮತ್ತಷ್ಟು ಉದ್ದೀಪನಗೊಳಿಸುವಂಥಾ ಮಾತುಗಳನ್ನು ಸುನೀಲ್ ಕುಮಾರ್ ದೇಸಾಯಿ ಅವರಾಡಿದ್ದಾರೆ.

‘ಸಸ್ಪೆನ್ಸ್ ಥ್ರಿಲ್ಲರ್ ಕಥೆಗಾಗಿ ಹಂಬಲಿಸೋ ದೊಡ್ಡ ಸಂಖ್ಯೆಯ ಪ್ರೇಕ್ಷಕ ವರ್ಗ ಕನ್ನಡದಲ್ಲಿದೆ. ಕೇವಲ ಆ ವರ್ಗ ಮಾತ್ರವಲ್ಲದೇ ಎಲ್ಲ ಬಗೆಯ ಪ್ರೇಕ್ಷಕರಿಗೂ ಹಬ್ಬದಂಥಾ ಸಂತೋಷ ಕೊಡೋ ಚಿತ್ರ ಉದ್ಘರ್ಷ ಎಂಬಂಥಾ ಭರವಸೆಯ ಮಾತುಗಳನ್ನು ದೇಸಾಯಿಯವರು ಆಡಿದ್ದಾರೆ.ಇನ್ನು ಕಥೆಯ ವಿಚಾರದಲ್ಲಿಯೂ ಕೂಡಾ ಅನೇಕ ವಿಶೇಷತೆಗಳಿದ್ದಾವೆ. ಇಲ್ಲಿ ಸ್ಟಾರ್ ನಟರಿಲ್ಲ. ಅದಕ್ಕೆ ಪೂರಕವಾದ ಖತೆ ಇದೆ. ಇಲ್ಲಿನ ಪ್ರತೀ ಪಾತ್ರಗಳೂ ಕೂಡಾ ಕುತೂಹಲದೊಂದಿಗೇ ಪ್ರೇಕ್ಷಕರನ್ನ ಕೈ ಹಿಡಿದು ಕರೆದೊಯ್ಯುತ್ತವೆ. ಕಥೆಯೇ ಹೋರೋ ಸ್ಥಾನದಲ್ಲಿರೋದರಿಂದ ಪ್ರತೀ ಕಲಾವಿದರೂ ಪಾತ್ರವಾಗಿ ಪ್ರೇಕ್ಷಕರನ್ನ ಕಾಡುತ್ತಾರಂತೆ. ಒಟ್ಟಾರೆಯಾಗಿ ಇದು ಸಸ್ಪೆನ್ಸ್ ಥ್ರಿಲ್ಲರ್ ಚಿತ್ರ ಪ್ರೇಮಿಗಳಿಗೆ ಹಬ್ಬದಂಥಾ ಸಿನಿಮಾ ಅನ್ನೋದರಲ್ಲಿ ಎರಡು ಮಾತಿಲ್ಲ!

Continue Reading

Trending