ಪಾರೂಲ್ ಯಾದವ್ ಸಹ ನಿರ್ಮಾಣ ಮಾಡಿ ಜೊತೆಗೆ ನಟನೆಯನ್ನೂ ಮಾಡಿರುವ, ರಮೇಶ್ ಅರವಿಂದ್ ನಿರ್ದೇಶನದ ಸಿನಿಮಾ ಬಟರ್ ಫ್ಲೈ. ಈ ಸಿನಿಮಾಗಾಗಿ ಬಿಗ್ ಬಿ ಹಾಡೊಂದನ್ನು ಹಾಡಿದ್ದಾರೆ.  ಮಾಸ್ಟರ್ ಹಿರಣ್ಣಯ್ಯ ಅವರ ದೇವದಾಸಿ ನಾಟಕದ ಒಂದು ಹಾಡನ್ನು ರ‍್ಯಾಪ್ ಶೈಲಿಯಲ್ಲಿ ಅಮಿತಾಬ್ ಹಾಡಿದ್ದಾರೆ. ಸಿನಿಮಾಗೇ ಕುಡಿತದ ಕುರಿತಾದ ಹಾಡೊಂದು ಬೇಕಾಗಿತ್ತು. ಹೀಗಾಗಿ ಮಾಸ್ಟರ್ ಹಿರಣ್ಣಯ್ಯ ಅವರ ನಾಟಕದ ಹಾಡನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಈ ಹಾಡನ್ನು ಈಗಾಗಲೇ ಅಮಿತಾಬ್ ಹಾಡಿದ್ದು, ಮುಂಬೈನ ಸ್ಟುಡಿಯೋವೊಂದರಲ್ಲಿ ರೆಕಾರ್ಡಿಂಗ್ ಸಹಾ ಮಾಡಲಾಗಿದೆ. ಅಮೃತಧಾರೆ ಸಿನಿಮಾದಲ್ಲಿ ಸಣ್ಣದೊಂದು ದೃಶ್ಯದಲ್ಲಿ ಅಮಿತಾಬ್ ಕಾಣಿಸಿಕೊಂಡಿದ್ದರು. ಈಗ ಈ ಹಾಡನ್ನು ಹಾಡುವ ಮೂಲಕ ಕನ್ನಡದ ಗಾಯಕರೂ ಆಗಿದ್ದಾರೆ. ಏಪ್ರಿಲ್ ತಿಂಗಳಲ್ಲಿ ಈ ಸಿನಿಮಾವನ್ನು ತೆರೆಗೆ ತರಲು ಸಂಪೂರ್ಣ ತಯಾರಿ ನಡೆಸಲಾಗುತ್ತಿದೆ.

ಈ ಸಿನಿಮಾಗೆ ಪಾರೂಲ್ ಚಿತ್ರಕತೆಯನ್ನೂ ರಚಿಸಿದ್ದಾರಂತೆ. ರಮೇಶ್ ಅರವಿಂದ್ ನಿರ್ದೇಶನ ಆರಂಭಿಸಿದ ಈ ಸಿನಿಮಾವನ್ನು ಪಾರೂಲ್ ಯಾದವ್ ಮುಂದುವರೆಸುತ್ತಿದ್ದಾರೆ ಎನ್ನುವ ಗಾಳಿಸುದ್ದಿ ಹಬ್ಬಿತ್ತು. ಇದರ ಬಗ್ಗೆ ಸ್ವತಃ ಪಾರೂಲ್ ಮಾತಾಡಿ, ಒಂದಿಷ್ಟು ಚಿತ್ರಕತೆಯನ್ನು ನಾನು ಬರೆದಿದ್ದೇನೆ ಹೊರತು ನಿರ್ದೇಶನದ ಜವಾಬ್ದಾರಿ ಏನಿದ್ದರೂ ರಮೇಶ್ ಅರವಿಂದ್ ಅವರದ್ದೇ ಎಂದು ‘ಸಿನಿಬಜ಼್’ಗೆ ತಿಳಿಸಿದ್ದಾರೆ. ಅಲ್ಲದೇ ನಾಲ್ಕು ಭಾಷೆಗಳಲ್ಲಿ ನಿರ್ಮಾಣವಾಗುತ್ತಿರುವ ಈ ಚಿತ್ರವನ್ನು ನೆಟ್‌ಫ್ಲಿಕ್ಸ್ ನವರು ಅತಿ ಹೆಚ್ಚು ಹಣ ನೀಡಿ ಖರೀದಿಸಿದ್ದಾರಂತೆ. ಡಿಜಿಟಲ್ ಮತ್ತು ಆಡಿಯೋ ಹಕ್ಕುಗಳಿಂದಲೇ ಸಿನಿಮಾದ ಐವತ್ತು ಪರ್ಸೆಂಟ್ ಬಂಡವಾಳ ವಾಪಾಸು ಬಂದಿದೆ ಅನ್ನೋದು ಪಾರೂಲ್ ಅಭಿಪ್ರಾಯ.

Arun Kumar

ಖಡಕ್ ಅಧಿಕಾರಿಗಳನ್ನೇ ಕಂಪಿಸುವಂತೆ ಮಾಡಿದ್ದ ಮಿಸ್ಸಿಂಗ್ ಬಾಯ್!

Previous article

ಉಪ್ಪಿ ಮಗಳು ಐಶ್ವರ್ಯ ನಟನೆಗೆ ಎಂಟ್ರಿಇದು ದೇವಕಿ ಮಹಿಮೆ!

Next article

You may also like

Comments

Leave a reply

Your email address will not be published. Required fields are marked *