Connect with us

ಪ್ರಚಲಿತ ವಿದ್ಯಮಾನ

ವಿಷ್ಣು ಸ್ಮಾರಕ ವಿವಾದ : ಅತ್ತೆ ಭಾರತಿಯ ಅವಿವೇಕಿ ಅಳಿಯ ಅನಿರುದ್ಧ!

Published

on

ರೆಬೆಲ್ ಸ್ಟಾರ್ ಅಂಬರೀಶ್ ಕಣ್ಮರೆಯಾಗುತ್ತಲೇ ಮತ್ತೆ ವಿಷ್ಣು ಸ್ಮಾರಕದ ವಿಚಾರ ಹೊಗೆಯಾಡಲಾರಂಭಿಸಿದೆ. ನಿಜ, ವಿಷ್ಣುರಂಥಾ ನಟರ ಸ್ಮಾರಕ ನಿರ್ಮಾಣ ಈ ಪಾಟಿ ಕಗ್ಗಂಟಾಗಿರೋದು ಒಳ್ಳೆ ಬೆಳವಣಿಗೆಯಲ್ಲ. ಆದರೆ ಅದಕ್ಕೆ ಕಾರಣ ಸರ್ಕಾರವಲ್ಲ ಎಂಬ ವಿಚಾರ ಈಗಾಗಲೇ ಜಾಹೀರಾಗಿದೆ. ಭಾರತೀ ಮೇಡಮ್ ಬೇರೇನೋ ಲೆಕ್ಕಾಚಾರ ಹಾಕಿಕೊಂಡು ಕೂತಿರೋದರಿಂದಲೇ ಈ ವಿಚಾರ ಇಷ್ಟು ಜಟಿಲ ರೂಪ ಪಡೆದಿದೆ ಎಂಬುದೂ ಜಾಹೀರಾಗಿದೆ. ಹಾಗಿದ್ದರೂ ಕೂಡಾ ಭಾರತೀ ಅಳಿಯ ಅನಿರುದ್ಧ ಥೇಟು ಅವಿವೇಕಿಯಂತೆ ಮಾತಾಡಿದ್ದಾನೆ. ಮುಖ್ಯಮಂತ್ರಿ ಕುಮಾರಸ್ವಾಮಿಯವರನ್ನೂ ಜರಿದಿದ್ದಾನೆ. ಇದಕ್ಕಾಗಿ ಸಿಎಂ ಕಡೆಯಿಂದಲೇ ಉಗಿಸಿಕೊಂಡಿದ್ದೂ ಆಗಿದೆ!

ವಿಷ್ಣು ಅಭಿಮಾನಿಗಳೆಲ್ಲ ಬೆಂಗಳೂರಿನಲ್ಲಿಯೇ ಸ್ಮಾರಕ ನಿರ್ಮಾಣವಾಗಬೇಕೆಂಬ ಆಸೆ ಹೊಂದಿದ್ದಾರೆ. ಆದರೆ ಭಾರತಿ ಮಾತ್ರ ಮೈಸೂರಲ್ಲಿಯೇ ನಡೆಯ ಬೇಕೆಂದು ಪಟ್ಟು ಹಿಡಿದು ಕೂತಿದ್ದಾರೆ. ಅಲ್ಲಿ ಇದಕ್ಕಾಗಿ ಈ ಹಿಂದೆಯೇ ಐದೆಕರೆ ಜಮೀನು ಕೂಡಾ ಸ್ಯಾಂಕ್ಷನ್ ಆಗಿತ್ತು. ಆದರೀಗ ಆ ಜಮೀನಿನ ರೈತರು ತಿರುಗಿ ಬಿದ್ದಿದ್ದಾರೆ. ಇದಕ್ಕೆ ಅನಿರುದ್ಧ ನೇರವಾಗಿ ಕುಮಾರಸ್ವಾಮಿಯವರನ್ನು ಟಾರ್ಗೆಟ್ ಮಾಡಿದ್ದಾನೆ. ಮಾನ ಮರ್ಯಾದೆಯಿದ್ದರೆ ಸ್ಮಾರಕ ನಿರ್ಮಾಣ ಮಾಡಿ ಅಂತೆಲ್ಲ ಅಬ್ಬರಿಸಿದ್ದಾನೆ. ಇಡೀ ಅಭಿಮಾನಿ ಸಂಕುಲವೇ ರಾಜ್‌ಕುಮಾರ್, ವಿಷ್ಣು ಹಾಗೂ ಅಂಬಿ ಸ್ಮಾರಕಗಳನ್ನು ಒಂದೆಡೆ ಧ್ಯಾನಿಸುತ್ತಿರುವಾಗ ಈ ಅತ್ತೆ ಅಳಿಯ ಯಾಕೆ ಭಿನ್ನ ರಾಗ ತೆಗೆಯುತ್ತಿದ್ದಾರೆಂಬುದಕ್ಕೆ ಬೆಚ್ಚಿಬೀಳಿಸೋ ಕಾರಣಗಳೂ ಇವೆ!

ವಿಷ್ಣು ಸ್ಮಾರಕ ವಿಚಾರವಾಗಿ ಆರಂಭದಿಂದಲೂ ಅದೇಕೋ ಭಾರತಿ ಮೇಡಮ್ಮು ಅಡ್ಡಬಾಯಿ, ಅಡ್ಡಗಾಲಾಗುತ್ತಾ ಸಾಗಿದ್ದಾರೆ. ಇದೀಗ ಅವರ ಕಡೆಯಿಂದ ಅಂಥಾದ್ದೇ ಒಂದು ಅಪಸ್ವರವೂ ಕೇಳಿ ಬಂದಿದೆ. ವೀರಕಪುತ್ರ ಶ್ರೀನಿವಾಸ್ ನೇತೃತ್ವದಲ್ಲಿ ನಡೆಯೋ ವಿಷ್ಣುವರ್ಧನ್ ರಾಷ್ಟ್ರೀಯ ಉತ್ಸವಕ್ಕೆ ತಯಾರಿ ಆರಂಭವಾಗಿದೆ. ಸಾಹಸಿಂಹ ವಿಷ್ಣುವರ್ಧನ್ ಅಭಿಮಾನಿಗಳನ್ನು ಒಗ್ಗೂಡಿಸಿ ವಿಷ್ಣು ಹೆಸರನ್ನು ಸಾರ್ಥಕವಾಗುವಂಥಾ ಕೆಲಸ ಕಾರ್ಯಗಳನ್ನು ವಿಷ್ಣು ಸೇನೆ ನಡೆಯುತ್ತಿದೆ. ಅತ್ಯಂತ ಪಾರದರ್ಶಕವಾಗಿ ಮುಂದಡಿ ಇಡುತ್ತಿರುವ ವಿಷ್ಣು ಸೇನೆ ಸಾಹಸಸಿಂಹನ ಸ್ಮಾರಕದ ವಿಚಾರದಲ್ಲಿಯೂ ನಿರ್ಣಾಯಕವಾಗಿ ಕಾರ್ಯ ನಿರ್ವಹಿಸಿದೆ. ಆದರೀಗ ಭಾರತೀ ವಿಷ್ಣುವರ್ಧನ್ ಪತ್ರಿಕಾಗೋಷ್ಟಿಯೊಂದನ್ನು ಕರೆದು ಅದರಲ್ಲಿ ವಿಷ್ಣು ಅಭಿಮಾನಿಗಳ ಮೇಲೆಯೇ ಗೂಬೆ ಕೂರಿಸುವ ಪ್ರಯತ್ನ ಮಾಡಿದ್ದರು.

`ವಿಷ್ಣುರ್ಧನ್ ಅವರಿಗೆ ರಾಷ್ಟ್ರೀಯ ಉತ್ಸವದಂಥವು ಇಷ್ಟವಿರಲಿಲ್ಲ. ಆದರೆ ಒಂದಷ್ಟು ಜನ ತಮ್ಮ ಸ್ವಾರ್ಥಕ್ಕೋಸ್ಕರ, ಹೊಟ್ಟೆ ತುಂಬಿಸಿಕೊಳ್ಳಲೋಸ್ಕರ ಅದನ್ನೆಲ್ಲ ಮಾಡುತ್ತಿದ್ದಾರೆ’ ಎಂಬರ್ಥದಲ್ಲಿ ಮಾತಾಡಿ ಎದ್ದು ಹೋಗಿದ್ದಾರೆ. ಇದು ವಿಷ್ಣುಸೇನೆಯ ನೆರಳಲ್ಲಿ ಒಂದುಗೂಡಿರೋ ಸಾಹಸಸಿಂಹನ ಅಭಿಮಾನಿಗಳ ವಿರುದ್ಧ ಆಡಿರೋ ಮಾತೆಂಬುದು ಗೊತ್ತಾಗುತ್ತಲೇ ಅಭಿಮಾನಿಗಳಲ್ಲಿ ಭಾರತಿ ವಿರುದ್ಧ ಅಸಹನೆ ಶುರುವಾಗಿದೆ.

ಯಾವುದು ಹೊಟ್ಟೆ ತುಂಬಿಸಿಕೊಳ್ಳೋ ಕೆಲಸ? ಡಾ ವಿಷ್ಣುವರ್ಧನ್ ಅವರ ಹೆಸರಲ್ಲಿ ಏಳು ಸರ್ಕಾರಿ ಶಾಲೆಗಳನ್ನು ದತ್ತು ತೆಗೆದುಕೊಂಡು ಅಕ್ಷರಾರ್ಜನೆಗೆ ಒತ್ತಾಸೆಯಾದ ಸಾರ್ಥಕ ಪ್ರಯತ್ನವಾ? ಸಾಹಿತ್ಯ ಪರಿಷತ್ತಿನಲ್ಲಿ ಎರಡು ಲಕ್ಷ ದತ್ತಿನಿಧಿ ಇಟ್ಟು ವಿಷ್ಣು ಹೆಸರಿನಲ್ಲಿ ಸಿನಿಮಾ ಸಾಧಕರಿಗೆ ಪ್ರಶಸ್ತಿ ಕೊಡುವಂಥಾ ಕಾರ್ಯಕ್ರಮವಾ? ಚಾಮರಾಜಪೇಟೆಯಲ್ಲಿ ವಿಷ್ಣುವರ್ಧನ್ ಅವರೇ ಓದಿದ್ದ ಮಾಡೆಲ್ ಸರ್ಕಾರಿ ಶಾಲೆ ಮುಚ್ಚುತ್ತದೆಂದಾಕ್ಷಣವೇ ಅದನ್ನು ತಡೆದು ನಿಜವಾದ ವಿಷ್ಣು ನೆನಪನ್ನು ಕಾಪಾಡಿಕೊಂಡ ಸೂಕ್ಷ್ಮವಂತಿಕೆಯಾ? ಇಂಥಾ ನಾನಾ ಪ್ರಶ್ನೆಗಳು ವಿಷ್ಟುವರ್ಧನ್ ಅವರ ಅಪ್ಪಟ ಅಭಿಮಾನಿಗಳಲ್ಲಿದೆ.

ರಾಜ್ಯಾದಂತ ಮೂವತೈದು ವಿಷ್ಣು ಪ್ರತಿಮೆಗಳನ್ನು ವೀರಕಪುತ್ರ ಶ್ರೀನಿವಾಸ್ ಅವರೇ ಮುಂದೆ ನಿಂತು ಸ್ಥಾಪನೆ ಮಾಡಿಸಿದ್ದಾರೆ. ಅಭಿಮಾನಿಗಳೆಲ್ಲ ಇದಕ್ಕೆ ಒತ್ತಾಸೆಯಾಗಿದ್ದಾರೆ. ಇನ್ನುಳಿದಂತೆ ಈಗ ಪ್ರಕೃತಿ ವಿಕೋಪದಿಂದ ತತ್ತರಿಸಿರೋ ಕೊಡಗಿನಲ್ಲೊಂದು ಮನೆ ಕಟ್ಟಿ ಕೊಡುವಂಥಾ ಕೆಲಸಕ್ಕೂ ವಿಷ್ಣು ಸೇನೆ ಮುಂದಾಗಿದೆ. ಇದಕ್ಕಾಗಿ ಅಭಿಮಾನಿಗಳೆಲ್ಲ ಸೇರಿ ಎಪ್ಪತೈದು ಸಾವಿರದಷ್ಟು ಹಣ ಸಂಗ್ರಹಿಸಿದ್ದಾರೆ. ಆದರೆ ಉದ್ದೇಶಿತ ಮನೆ ನಿರ್ಮಾಣಕ್ಕೆ ಆರು ಲಕ್ಷ ಬೇಕಾಗುತ್ತದೆ. ಈ ಹಣವನ್ನು ವೀರಕಪುತ್ರ ಶ್ರೀನಿವಾಸ್ ಅವರು ತಮ್ಮ ಸ್ವಂತ ಮೂಲದಿಂದಲೇ ಹೊಂಚಿದ್ದಾರೆ. ಯಾರದ್ದೋ ಸಂಕಟಕ್ಕೆ ವಿಷ್ಣು ಹೆಸರಲ್ಲಿ ಮಿಡಿಯುವ ಈ ಮಾನವೀಯ ಕಾರ್ಯದಲ್ಲಿ ಯಾವ ಹೊಟ್ಟೆ ಪಾಡಿದೆ? ಈ ಮನೆಗಳಿಗೆ ವಿಷ್ಣು ನಿಲಯ ಎಂದೇ ನಾಮಕರಣ ಮಾಡಲೂ ತೀರ್ಮಾನಿಸಲಾಗಿದೆ. ಇದು ಅಭಿಮಾನಿಗಳ ಸಾರ್ಥಕ ಕೆಲಸವಲ್ಲದೆ ಮತ್ತೇನು? ಇಂಥಾದ್ದರಲ್ಲೆಲ್ಲ ಭಾರತಿ ಮೇಡಂ ಯಾಕೆ ಸ್ವಾರ್ಥ ಹೆಕ್ಕುವ ಕೆಲಸ ಮಾಡುತ್ತಿದ್ದಾರೆ?

ವಿಷ್ಣು ಸೇನೆಯ ಈ ವರೆಗಿನ ಎಲ್ಲ ಕೆಲಸ ಕಾರ್ಯಗಳ ಲೆಕ್ಕವನ್ನು ಅಭಿಮಾನಿಗಳು ಕೊಡಲು ರೆಡಿಯಿದ್ದಾರೆ. ರಾಜ್ಯದ ಅಷ್ಟೂ ಅಭಿಮಾನಿ ಸಂಘಗಳೂ ಇದಕ್ಕೆ ತಯಾರಿದ್ದಾವೆ. ಆದರೆ ಭಾರತಿ ಮೇಡಮ್ಮು ತಮ್ಮ ವಿಭಾ ಚಾರಿಟಬಲ್ ಟ್ರಸ್ಟ್‌ನ ಬ್ಯಾಂಕ್ ಸ್ಟೇಟ್‌ಮೆಂಟನ್ನು ಮಾಧ್ಯಮದ ಮುಂದಿಡಲು ತಯಾರಿದ್ದಾರಾ? ನಾಗರಹಾವು ಚಿತ್ರದ ರೀ ರಲೀಸ್ ವಿಚಾರವಾಗಿ ಪಡೆದುಕೊಂಡ ಐದು ಲಕ್ಷ ಸ್ವಾರ್ಥವಿಲ್ಲದ ಯಾವ ಘನ ಕಾರ್ಯಕ್ಕೆ ಖರ್ಚಾಗಿದೆ? ವಿಷ್ಣು ಅಳಿಯ ಭಾರೀ ಅಬ್ಬರದಲ್ಲಿ ಹೀರೋ ಆಗಿ ನಟಿಸಿ ತೋಪೆದ್ದಿದ್ದ ರಾಜಾಸಿಂಹ ಚಿತ್ರದಲ್ಲಿ ಬಾಕಿ ಹಣ ಕೊಡಲಿಲ್ಲವೆಂದು ಕಾರ್ಯಕ್ರಮಕ್ಕೆ ಹಾಜರಾಗದೆ ಬಾಕಿ ಹಣ ಪೀಕಿಸಿಕೊಂಡಿದ್ದು ಯಾರು? ಇದು ವಿಷ್ಣು ಹೆಸರುಳಿಸೋ ಕೆಲಸವೇ?

ಅಭಿಮಾನ್ ಸ್ಟುಡಿಯೋದ ಆವರಣದಲ್ಲಿನ ವಿಷ್ಣು ಸಮಾಧಿ ಸ್ಥಳವೇ ಸ್ಮಾರಕವಾಗಬೇಕೆಂಬುದು ಅಭಿಮಾನಿಗಳೆಲ್ಲರ ಒಡಲಾಸೆ. ಇದರ ಸಾಕಾರಕ್ಕಾಗಿ ಹಗಲಿರುಳೆನ್ನದೇ ಕಾರ್ಯ ನಿರ್ವಹಿಸಿದ್ದವರು, ಹೋರಾಟ ಕಟ್ಟಿದ್ದವರು ವೀರಕಪುತ್ರ ಶ್ರೀನಿವಾಸ್. ಅವರು ಅಭಿಮಾನಿಗಳನ್ನು ಒಗ್ಗೂಡಿಸಿ ಸರ್ಕಾರವೇ ಈ ಸ್ಥಳದತ್ತ ಬರುವಂತೆ ಮಾಡಿದ್ದರು. ಆ ಕ್ಷಣದಲ್ಲಿ ಭಾರತಿಯವರು ಅಭಿಮಾನಿಗಳ ಒತ್ತಾಸೆಗೆ ತಮ್ಮ ಸಹಮತ ಇದೆ ಅಂತ ಒಂದೇ ಒಂದು ಮಾತು ಹೇಳಿದ್ದರೂ ಯಾವತ್ತೋ ಸ್ಮಾರಕವಾಗುತ್ತಿತ್ತು. ಆದರೆ ಈ ಕ್ಷಣಕ್ಕೂ ಅದು ಸಾಧ್ಯವಾಗದ ಹಿಂದಿರೋದು ಯಾರ ಸ್ವಾರ್ಥ? ಯಾವ ಹೊಟ್ಟೆಪಾಡು?

ಅಭಿಮಾನಿಗಳೆಲ್ಲ ಬೆಂಗಳೂರಿನ ಅಭಿಮಾನ್ ಸ್ಟುಡಿಯೋ ಆವರಣದಲ್ಲಿರೋ ಜಾಗದಲ್ಲಿಯೇ ವಿಷ್ಣು ಸ್ಮಾರಕ ನಿರ್ಮಾಣವಾಗಬೇಕೆಂಬ ಆಸೆ ಹೊಂದಿದ್ದರೆ ಭಾರತಿ ಮಾತ್ರ ಮೈಸೂರಿನಲ್ಲಾಗಬೇಕೆಂಬ ಭಿನ್ನ ರಾಗ ತೆಗೆದಿದ್ದರು. ಆದರೆ ಭಾರತಿ ಸಿದ್ಧಪಡಿಸಿರೋ ಇದರ ನೀಲನಕ್ಷೆಯೇ ಎಲ್ಲವನ್ನೂ ಹೇಳುವಂತಿದೆ. ಯಾಕೆಂದರೆ ಭಾರತಿ ವಿಷ್ಣು ಸ್ಮಾರಕವನ್ನು ವಿಷ್ಣುವರ್ಧನ್ ಸ್ಮಾರಕ ಭವನ ಟ್ರಸ್ಟ್ ಅಂತ ಮಾಡಿಸಿದ್ದಾರೆ. ಈಗಾಗಲೇ ರಾಜ್‌ಕುಮಾರ್ ಸೇರಿದಂತೆ ಅನೇಕ ಗಣ್ಯರ ಸಮಾಧಿ ಸ್ಮಾರಕವಾಗಿದೆಯಷ್ಟೆ. ಸ್ಮಾರಕ ಭವನ ಅಂದರೆ ಅಲ್ಲಿ ಖಂಡಿತಾ ಕಮರ್ಶಿಯಲ್ ವಾಸನೆ ಬಡಿಯುತ್ತದೆ. ಈ ಸ್ಮಾರಕ ಭವನದಲ್ಲಿ ಅಭಿನಯ ತರಬೇತಿ, ನೃತ್ಯ ತರಬೇತಿ, ಯೋಗ ಧ್ಯಾನ ಮತ್ತು ಧನ್ವಂತರಿ ಆಸ್ಪತ್ರೆಯೊಂದನ್ನು ತೆರೆಯೋ ಯೋಚನೆ ಭಾರತಿಯವರಿಗಿರೋದು ನಿಜವಾ? ಅಸಲಿಗೆ ಇದರ ನೀಲನಕ್ಷೆ ಸ್ಮಾರಕದಂತಿಲ್ಲ, ಕಮರ್ಷಿಯಲ್ ಕಾಂಪ್ಲೆಕ್ಸ್‌ನಂತಿದೆ ಎಂಬ ರೂಮರ್ ಹಬ್ಬಿರೋದರ ಹಿಂದೆ ಸತ್ಯವಿಲ್ಲವೇ? ಇಂಥಾ ಕಮರ್ಶಿಯಲ್ ಕೊಂಪೆಯ ಮಧ್ಯೆ ವಿಷ್ಣು ಬಳೆಯಿಟ್ಟು ಅದರ ಜೊತೆಗೆ ಆರಡಿ ಪುತ್ಥಳಿ ನಿರ್ಮಿಸೋ ನೀಲನಕ್ಷೆಯ ಹಿಂದೆ ಇರೋದು ಯಾರ ಹೊಟ್ಟೆಪಾಡು? ಇದು ವಿಷ್ಣುವರ್ಧನ್ ನೆನಪುಗಳನ್ನೂ ವಾಣಿಜ್ಯೀಕರಣಗೊಳಿಸುವ ದುಷ್ಟತನವಲ್ಲದೆ ಮತ್ತಿನ್ನೇನು?

ಇಂಥಾ ಹತ್ತಾರು ಪ್ರಶ್ನೆಗಳು ವಿಷ್ಣು ಅಭಿಮಾನಿಗಳಲ್ಲಿದೆ. ತಾವು ಇದುವರೆಗೆ ನಡೆಸಿರೋ ಕಾರ್ಯಕ್ರಮಗಳಿಗೆ, ಕೆಲಸ ಕಾರ್ಯಗಳಿಗೆ ಕಾಸೆತ್ತಿದ್ದು ಸಾಬೀತಾದರೆ ಆ ಕ್ಷಣದಿಂದ ಮತ್ತೆಂದೂ ತಮ್ಮ ಬಾಯಲ್ಲಿ ವಿಷ್ಣು ಹೆಸರು ಬರೋದಿಲ್ಲ ಎಂಬಂಥಾ ಬದ್ಧತೆ ವೀರಕಪುತ್ರ ಶ್ರೀನಿವಾಸ್ ಅವರದ್ದು. ಶ್ರೀನಿವಾಸ್ ಸೇರಿದಂತೆ ರಾಜ್ಯದ ಸಮಸ್ತ ಅಭಿಮಾನಿ ಪಡೆಗಳೂ ತಮ್ಮ ಬ್ಯಾಂಕ್ ಸ್ಟೇಟ್ ಮೆಂಟನ್ನು ಮಾಧ್ಯಮದ ಮುಂದೆ ಅನಾವರಣಗೊಳಿಸಲು ತಯಾರಿದ್ದಾರೆ. ತಮ್ಮ ವಿಭಾ ಚಾರಿಟಬಲ್ ಟ್ರಸ್ಟಿನ ಬ್ಯಾಂಕ್ ಸ್ಟೇಟ್‌ಮೆಂಟನ್ನು ಮಾಧ್ಯಮಗಳ ಮುಂದೆ ಅನಾವರಣಗೊಳಿಸಲು ಭಾರತೀ ಮೇಡಂಗೆ ಸಾಧ್ಯವಾಗಬಹುದೇ? ಯಾವುದು ಸ್ವಾರ್ಥ, ಯಾವುದು ಅಭಿಮಾನ ಎಂಬ ವಿಚಾರ ಸಾಬೀತು ಮಾಡಲಿಕ್ಕಾದರೂ ಭಾರತೀ ವಿಷ್ಣುವರ್ಧನ್ ತಮ್ಮ ವಿಭಾ ಚಾರಿಟಬಲ್ ಟ್ರಸ್ಟಿನ ಬ್ಯಾಂಕ್ ಸ್ಟೇಟ್‌ಮೆಂಟನ್ನು ಜಾಹೀರು ಮಾಡಿಯಾರೇ?

#

Advertisement
Click to comment

Leave a Reply

Your email address will not be published. Required fields are marked *

ಪ್ರಚಲಿತ ವಿದ್ಯಮಾನ

ಸಿನಿಬಜ್ ವರದಿಯ ಫಲಶ್ರುತಿ : ಹಳೆಯ ಗೆಳೆಯ ಅನಿಲ್ ಸಮಸ್ಯೆಗೆ ಸ್ಪಂದಿಸಿದರು ದರ್ಶನ್

Published

on

ನೆನ್ನೆ ನಟ ಅನಿಲ್ ನೀನಾಸಂ ಅವರ್ ಅನಾರೋಗ್ಯ, ಆರ್ಥಿಕ ಸಮಸ್ಯೆಯ ಕುರಿತು ಸಿನಿಬಜ಼್ ನೆನ್ನೆ ವರದಿ ಮಾಡಿತ್ತು. ವರದಿ ಪ್ರಕಟಗೊಂಡ ಕೆಲವೇ ಹೊತ್ತಿನಲ್ಲಿ ದರ್ಶನ್ ಅನಿಲ್ ಕುಟುಂಬಕ್ಕೆ ಕರೆ ಮಾಡಿ ತಾನು ಆದಷ್ಟು ಬೇಗ ಬಂದು ಭೇಟಿ ಮಾಡುತ್ತೇನೆ. ಆತಂಕ ಪಡಬೇಡಿ ಅಂತಾ ಸಾಂತ್ವನ ಹೇಳಿದ್ದಾರೆ. ಮಂಡ್ಯ ಚುನಾವಣಾ ಪ್ರಚಾರದಲ್ಲಿದ್ದ ದರ್ಶನ್ ಅದರ ಒತ್ತಡದ ಮಧ್ಯೆಯೂ ಅನಿಲ್ ಅವರನ್ನು ಸಂಪರ್ಕಿಸಿದ್ದಕ್ಕೆ ಸಿನಿಬಜ್ ಧನ್ಯವಾದ ಅರ್ಪಿಸುತ್ತದೆ…

ರಂಗಭೂಮಿಯಲ್ಲಿಯೇ ಕ್ರಿಯಾಶೀಲವಾಗಿ ತೊಡಗಿಸಿಕೊಂಡಿದ್ದ ಅನಿಲ್ ಹಲವಾರು ವರ್ಷಗಳ ಕಾಲ ಅಲ್ಲಿಯೇ ತೊಡಗಿಸಿಕೊಂಡಿದ್ದವರು. ವ್ಯವಹಾರದಾಚೆಗೆ ಕಲೆಯನ್ನು ಪ್ರೀತಿಸೋ ಮನಸ್ಥಿತಿಯ ಅನಿಲ್ ಆರಂಭ ಕಾಲದಿಂದಲೂ ಹಣಕಾಸಿನ ಬಗ್ಗೆ ಹೆಚ್ಚಾಗಿ ತಲೆ ಕೆಡಿಸಿಕೊಂಡವರಲ್ಲ. ಇದ್ದುದರಲ್ಲಿಯೇ ಅಚ್ಚುಕಟ್ಟಾಗಿ ಬದುಕೋ ಜಾಯಮಾನದ ಅವರಿಗೆ ಈಗ ಬಂದೊದಗಿರುವ ಅನಾರೋಗ್ಯ ಅನಿರೀಕ್ಷಿತ ಆಘಾತ.

ಇತ್ತೀಚೆಗವರು ಕಿರುತೆರೆ ಧಾರಾವಾಹಿಗಳಲ್ಲಿಯೂ ಹೆಚ್ಚಾಗಿ ನಟಿಸುತ್ತಿದ್ದರು. ಬಿಡುವಿರದೆ ಚಿತ್ರೀಕರಣದಲ್ಲಿ ತೊಡಗಿಸಿಕೊಳ್ಳುತ್ತಿದ್ದ ಅವರು ಆರೋಗ್ಯದ ಬಗ್ಗೆಯೂ ಅಷ್ಟಾಗಿ ಗಮನ ಹರಿಸಿರಲಿಲ್ಲ. ಇದೀಗ ಅವರು ಹಾಸಿಗೆ ಹಿಡಿದಿದ್ದಾರೆ. ಸಿನಿಬಜ಼್ ವರದಿ ಪ್ರಕಟಿಸಿದ ಮೇಲೆ ಒಂದಷ್ಟು ಕಡೆಯಿಂದ ಸಹಾಯಹಸ್ತ ಚಾಚಿಕೊಳ್ಳುತ್ತಿದೆ. ಈಗ ದರ್ಶನ್ ಅವರೂ ಈ ಬಗ್ಗೆ ಗಮನ ಹರಿಸಿರೋದರಿಂದ ಅನಿಲ್ ಅನಾರೋಗ್ಯ ನೀಗಿಕೊಂಡು ಬರುವ ಭರವಸೆ ಚಿಗುರಿಕೊಂಡಿದೆ. ಅವರು ಆದಷ್ಟು ಬೇಗನೆ ಚೇತರಿಸಿಕೊಂಡು ಮತ್ತೆ ಮೊದಲಿನಂತಾಗಲೆಂಬುದು ನಮ್ಮ ಹಾರೈಕೆ.

Continue Reading

ಕಲರ್ ಸ್ಟ್ರೀಟ್

ಮೆಣಸಿನಕಾಯಿಯ ಮಗ್ಗುಲಲ್ಲಿ ಸಿಕ್ಕಿಬಿದ್ದಳು ಮಳೆಹುಡುಗಿ!

Published

on


ಮುಂಗಾರು ಮಳೆ ಚಿತ್ರದ ಮೂಲಕವೇ ಚಿಗುರಿಕೊಂಡವಳು ನಟಿ ಪೂಜಾಗಾಂಧಿ. ಆ ನಂತರದಲ್ಲಿ ಈಕೆ ಸಿನಿಮಾಗಳ ಮೂಲಕ ಸದ್ದು ಮಾಡಿದ್ದಕ್ಕಿಂತಲೂ ಹೆಚ್ಚಾಗಿ ದೋಖಾ ಬಾಜಿಗಳ ಮೂಲಕ ವಿವಾದವೆಬ್ಬಿಸಿದ್ದೇ ಹೆಚ್ಚು. ಇಂಥಾ ಪೂಜಾ ಕಂಡೋರಿಗೆಲ್ಲ ಮುಂಡಾಯಿಸಿ ಮುಖ ಮುಚ್ಚಿಕೊಂಡು ಓಡಾಡುವ ಸ್ಥಿತಿ ಬಂದಿತ್ತು. ಈಕೆ ತನ್ನ ತವರಾದ ಉತ್ತರ ಭಾರತದ ಕಡೆ ವಲಸೆ ಹೋಗಿದ್ದಾಳೆಂದೂ ರೂಮರುಗಳು ಹಬ್ಬಿದ್ದವು. ಈಗೊಂದು ವರ್ಷದಿಂದ ಸಂಪೂರ್ಣ ಕಣ್ಮರೆಯಾಗಿ ಬಿಟ್ಟಿದ್ದ ಪೂಜಾ ಇದೀಗ ಮತ್ತೊಂದು ರಂಖಲಿನೊಂದಿಗೆ ಮತ್ತೆ ಸುದ್ದಿಯಾಗಿದ್ದಾಳೆ. ಈ ಮೂಲಕ ನಾಯಿಯ ಬಾಲ ಮುಂಗಾರು ಮಳೆಯಲ್ಲಿ ನೆನೆಬಿದ್ದರೂ ನೆಟ್ಟಗಾಗೋದಿಲ್ಲ ಅನ್ನೋದೂ ಸಾಬೀತಾಗಿದೆ!

ಒಂದು ವರ್ಷದಿಂದ ಈ ಪೂಜಾ ಅದೆಲ್ಲಿ ಹೋಗಿದ್ದಳು ಅನ್ನೋ ಪ್ರಶ್ನೆಗೆ ಈ ವಿವಾದದ ಮೂಲಕ ಉತ್ತರ ಸಿಕ್ಕಿದೆ. ಅದ್ಯಾರೋ ಅನಿಲ್ ಮೆಣಸಿನಕಾಯಿ ಎಂಬ ಬಿಜೆಪಿ ಮುಖಂಡನ ಜೊತೆ ಲಲಿತ್ ಅಶೋಕ್ ಹೊಟೆಲ್ಲಿನಲ್ಲಿ ಒಂದು ವರ್ಷದಿಂದ ಪೂಜಾ ಸುದೀರ್ಘವಾಗಿ ಮೀಟಿಂಗು ನಡೆಸುತ್ತಿದ್ದ ಸೋಜಿಗವೂ ಅನಾವರಣಗೊಂಡಿದೆ. ರಾಜಕಾರಣ ಮತ್ತು ಜನರ ಬಗ್ಗೆ ಅಪಾರ ಕಾಳಜಿ ಹೊಂದಿರೋ ಪೂಜಾ ವರ್ಷದಿಂದೀಚೆಗೆ ಲೋಕಸಭಾ ಚುನಾವಣೆಗೆ ತಯಾರಿ ನಡೆಸುತ್ತಿದ್ದ ಸಮಾಜಮುಖಿ ವಿಚಾರವೂ ಈಗ ಜಾಹೀರಾಗಿದೆ. ಬಹುಶಃ ಈ ಜೋಡಿ ಲೋಕೋದ್ಧಾರದ ಚರ್ಚೆಯಲ್ಲಿ ಹೊಟೆಲ್ ಬಿಲ್ಲು ಕೊಡೋದನ್ನೇ ಮರೆಯದಿದ್ದರೆ, ಹೈಗ್ರೌಂಡ್ಸ್ ಪೊಲೀಸ್ ಠಾಣೆಯ ಇನ್ಸ್ ಪೆಕ್ಷರ್ ಸಾಧಿಕ್ ಪಾಷಾ ವರೆಗೂ ಈ ಸುದ್ದಿ ಹೋಗದಿದ್ದರೆ ಅನ್ಯಾಯವಾಗಿ ಪೂಜಾ ಗಾಂಧಿಯ ಸಮಾಜಸೇವೆ ಮರೆಯಾಗಿ ಬಿಡುತ್ತಿತ್ತು!

ಈ ಪ್ರಕರಣದ ಒಟ್ಟಾರೆ ಡೀಟೇಲುಗಳೇ ಪೂಜಾಗಾಂಧಿಯ ಅಸಲೀ ಕಸುಬಿಗೆ ಕನ್ನಡಿ ಹಿಡಿಯುವಂತಿದೆ. ಹೋಟೆಲ್ ಲಲಿತ್ ಅಶೋಕ್ ಆಡಳಿತವರ್ಗ ನೀಡಿರೋ ದೂರು ಮತ್ತು ಪೊಲೀಸ್ ಫೈಲುಗಳು ಅದನ್ನು ಖುಲ್ಲಂಖುಲ್ಲ ಬಿಚ್ಚಿಡುತ್ತವೆ. ಈ ಪ್ರಕಾರವಾಗಿ ನೋಡ ಹೋದರೆ ಬಿಜೆಪಿ ಮುಖಂಡ ಅನ್ನಿಸಿಕೊಂಡಿರೋ ಅನಿಲ್ ಮೆಣಸಿನಕಾಯಿ ಮತ್ತು ಪೂಜಾ ಗಾಂಧಿ ಈಗೊಂದು ವರ್ಷದ ಹಿಂದೆಯೇ ಅಶೋಕ್ ಹೋಟೆಲಿನಲ್ಲಿ ರೂಂ ಬುಕ್ ಮಾಡಿದ್ದರು. ಬರೋಬ್ಬರಿ ಒಂದು ವರ್ಷಗಳ ಕಾಲ ಇವರಿಬ್ಬರೂ ಅದೇನು ಮಾಡುತ್ತಿದ್ದರೋ ಭಗವಂತನೇ ಬಲ್ಲ. ಆದರೆ ಹೊಟೇಲಿನ ಸಕಲ ಸೌಕರ್ಯಗಳನ್ನೂ ಪಡೆದುಕೊಂಡಿದ್ದರು.

ಆದರೆ ಈ ಸುದೀರ್ಘಾವಧಿ ಪವಡಿಸಿದ ಒಟ್ಟು ರೂಂ ಬಿಲ್ 26.22ಲಕ್ಷ ಆಗಿ ಹೋಗಿತ್ತು. ಹೇಳಿಕೇಳಿ ಅನಿಲ್ ಮೆಣಸಿನಕಾಯಿ ಬಿಜೆಪಿ ಮುಖಂಡ. ಈ ಮುಲಾಜಿಗೆ ಬಿದ್ದು ಸುಮ್ಮನಿದ್ದ ಹೊಟೆಲ್ ಆಡಳಿತ ವರ್ಗ ಕಡೆಗೂ ಎಚ್ಚರಿಕೆ ನೀಡಿದಾಗ ಅನಿಲ್ 22.80 ಲಕ್ಷ ಪಾವತಿಸಿದ್ದ. ಅಲ್ಲಿಗೆ 3.50 ಲಕ್ಷ ಬಾಕಿ ಉಳಿದುಕೊಂಡಿತ್ತಲ್ಲಾ? ಸಿಬ್ಬಂದಿ ಒತ್ತಾಯ ಮಾಡಿದಾಗ ಅದರಲ್ಲಿ ೨.೨೫ ಲಕ್ಷವನ್ನು ಮತ್ತೆ ಕೊಸರಾಡಿ ಕಟ್ಟಿದ್ದ. ಆದರೂ 1.25ಲಕ್ಷ ಬಾಕಿ ಉಳಿದುಕೊಂಡು ಬಿಟ್ಟಿತ್ತು. ಇದೀಗ ಇನ್ಸ್ ಪೆಕ್ಟರ್ ಸಾದಿಕ್ ಪಾಷಾ ಅವಾಜು ಹಾಕುತ್ತಲೇ ಉಳಿಕೆ ಮೊತ್ತ ಪಾವತಿಸಿ ಬಚಾವಾಗಿದ್ದಾನೆ.

ಆದರೆ ಹೊಟೇಲು ಬಿಲ್ಲ ಪಾವತಿಸಿಯಾದ ಮೇಲೂ ಅನಿಲ್ ಮೆಣಸಿನಕಾಯಿ ಬೆತ್ತಲಾಗಿದ್ದಾನೆ. ಪೂಜಾ ಗಾಂಧಿ ಕೂಡಾ ಪೇಚಿಗೆ ಬಿದ್ದಿದ್ದಾಳೆ. ಆರಂಭದಲ್ಲಿ ಈ ಅನಿಲ್ ಮಾಧ್ಯಮಗಳ ಮುಂದೆ ಕೊಸರಾಡುತ್ತಾ ಏನೇನೋ ಕಥೆ ಹೇಳಿ ತಾನು ಸಾಚಾ ಅಂತ ಬಿಂಬಿಸಿಕೊಳ್ಳಲು ಪ್ರಯತ್ನಿಸಿದ್ದ. ನನಗೂ ಪೂಜಾಗೂ ಯಾವ ವ್ಯಾವಹಾರಿಕ ಸಂಬಧವೂ ಇರಲಿಲ್ಲ. ನಾನು ಹೋಟೆಲ್ ಲಲಿತ್ ಅಶೋಕದಲ್ಲಿ ಯಾವ ರೂಮನ್ನೂ ಮಾಡಿಲ್ಲ. ಆದರೂ ನನ್ನ ಹೆಸರು ಇಲ್ಯಾಕೆ ಸೇರಿಕೊಂಡಿತೋ… ಅಂತ ಮಳ್ಳನಂತಾಡಿ ಆಕಾಶ ನೋಡಿದ್ದ. ಆದರೆ ಇದರ ಹಿಂದಿರೋ ಅಸಲೀ ವಿಚಾರ ಏನನ್ನೋದು ಜನಸಾಮಾನ್ಯರಿಗೂ ಅರ್ಥವಾಗಿದೆ. ಯಾವ ಸಂಬಂಧವೂ ಇಲ್ಲದೇ ಪೂಜಾ ಗಾಂಧಿ ಮತ್ತು ಅನಿಲ್ ಮೆಣಸಿನ ಕಾಯಿ ಒಂದು ವರ್ಷಗಳ ಕಾಲ ಭಜನೆ ಮಾಡುತ್ತಿದ್ದರೆಂದು ನಂಬುವಷು ಇಲ್ಯಾರೂ ಮುಠ್ಠಾಳರಿಲ್ಲ. ಇಂಥಾ ಕಥೆ ಹೇಳಿದರೆ ಪೂಜಾ ಗಾಂಧಿಯ ಹಿಸ್ಟರಿ ಗೊತ್ತಿರೋ ಯಾರೇ ಯಾದರೂ ಎದೆಗೆ ಬಂದೂಕು ತಿವಿದರೂ ನಂಬುವುದಿಲ್ಲ!

ಈ ಪೂಜಾಗಾಂಧಿ ಎಂಬ ಸವಕಲು ನಟಿಯ ಜಾಯಮಾನವೇ ಇಂಥಾದ್ದು. ರಾಜಕೀಯ ಪುಢಾರಿಗಳು, ಹಣವಂತರನ್ನು ಹುಡುಕಿ ಬಲೆಗೆ ಕೆಡವಿಕೊಳ್ಳೋದರಲ್ಲಿ ಈಕೆ ಮಾಸ್ಟರ್ ಪೀಸು. ನಂತರ ಹೀಗೆ ರೂಮುಗಳಲ್ಲಿ ಸುದೀರ್ಘವಾಗಿ ಮೀಟಿಂಗು ನಡೆಸಿ, ಆ ಅವಧಿಯಲ್ಲಿ ಮಿಕಗಳನ್ನು ಪಳಗಿಸಿಕೊಂಡು ಕಾಸು ಗುಂಜಿಕೊಳ್ಳೋದು ಇವಳ ಜಾಯಮಾನ. ರೀಸೆಂಟಾಗಿ ಹೀಗೆಯೇ ಇವಳಿಂದ ವಂಚನೆಗೀಡಾಗಿದ್ದ ಬಿಲ್ಡರ್ ಒಬ್ಬ ತಾನೇ ಕೊಟ್ಟಿದ್ದ ಫಾರ್ಚುನರ್ ಗಾಡಿ ಕಸಿದುಕೊಂಡು ಪೂಜಾಳ ಮುಖಕ್ಕುಗಿದು ಕಳಿಸಿದ್ದನಂತೆ. ಹಾಗೆ ಖಾಲಿ ಕೈಲಿ ನಿಂತಿದ್ದ ಪೂಜಾ ಇವನ್ಯಾರೋ ಉತ್ತರಕರ್ನಾಟಕದ ಮೆಣಸಿನಕಾಯಿಯ ಮೈ ನೀವಿ ಪಳಗಿಸಿಕೊಂಡಿದ್ದಾಳೆ. ಎಲ್ಲ ಕಾಲದಲ್ಲಿಯೂ ಟೈಂ ಸರಿಯಾಗೇ ಇರೋದಿಲ್ಲವಲ್ಲಾ? ಈ ಬಾರಿ ಪೂಜಾ ಗಾಂಧಿಯ ನಸೀಬು ಕೆಟ್ಟಿದೆ. ಆದ್ದರಿಂದಲೇ ಮಗ್ಗುಲಲ್ಲಿದ್ದ ಮೆಣಸಿನಕಾಯಿಯ ಸಮೇತ ಸಿಕ್ಕಿಬಿದ್ದಿದ್ದಾಳೆ!

Continue Reading

ಕಲರ್ ಸ್ಟ್ರೀಟ್

ಇದು ಕಿರುತೆರೆ ನಟ ಅನಿಲ್ ಕುಮಾರ್ ಆಕ್ರಂದನ!

Published

on


ಅದೆಷ್ಟೋ ಧಾರಾವಾಹಿಗಳ ಥರ ಥರದ ಪಾತ್ರಗಳ ಮೂಲಕ ಕಿರುತೆರೆ ಪ್ರೇಕ್ಷಕರ ಮನೆ ಮಾತಾಗಿರುವವರು ಅನಿಲ್ ಕುಮಾರ್. ಇತ್ತೀಚಿನವರೆಗೂ ಅದೇ ಲವಲವಿಕೆಯಿಂದ ಬಣ್ಣ ಹಚ್ಚುತ್ತಿದ್ದ ಅನಿಲ್ ಇದೀಗ ಅನಾರೋಗ್ಯದಿಂದ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ತೀರಾ ಮಾತೂ ಆಡಲಾಗದ ಸ್ಥಿತಿಯಲ್ಲಿರುವ ಅವರೀಗ ಚಿಕೆತ್ಸೆಯ ವೆಚ್ಚ ಸೇರಿದಂತೆ ಯಾವುದನ್ನು ಭರಿಸಲಾಗದ ಶೋಚನೀಯ ಸ್ಥಿತಿ ತಲುಪಿದ್ದಾರೆ.ಮುಖ್ಯವಾದ ವಿಚಾರವೆಂದರೆ ಈ ಅನಿಲ್ ಕುಮಾರ್ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಸಹಪಾಠಿ. ರಂಗಭೂಮಿಯ ನಟನೆಯನ್ನೇ ಕಸುವಾಗಿಸಿಕೊಂಡು, ಕಿರುತೆರೆಯಲ್ಲಿ ಬ್ಯುಸಿಯಾಗಿದ್ದಾಗಲೂ ರಂಗದ ನಂಟು ಮರೆಯದ ರಂಗಪ್ರೇಮಿ ಅನಿಲ್. ಇಂಥಾ ಅನಿಲ್ ಇದೀಗ ಏಕಾಏಕಿ ಅನಾರೋಗ್ಯಕ್ಕೀಡಾಗಿ ಆಸ್ಪತ್ರೆ ಸೇರಿಕೊಂಡಿದ್ದಾರೆ. ಯಾವುದಕ್ಕೂ ಸ್ಪಂದಿಸದಂಥಾ ಸ್ಥಿತಿ ತಲುಪಿಕೊಂಡಿದ್ದಾರೆ.

ನಟರಾಜ್ ಹೊನ್ನವಳ್ಳಿ ಸೇರಿದಂತೆ ಅನೇಕ ರಂಗತಜ್ಞರ ನಾಟಕಗಳಲ್ಲಿ ಅಭಿನಯಿಸಿದ್ದ ಅನಿಲ್ ಪೃಥ್ವಿ, ಕರಿಯ ಕಣ್ ಬಿಟ್ಟ, ಪಲ್ಲಟ ಸೇರಿದಂತೆ ಹತ್ತಾರು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಮೂಡಲಮನೆ ಧಾರಾವಾಹಿಯಿಂದ ಆರಂಭಿಸಿ ಭ್ರಹ್ಮಗಂಟು ತನಕ ಸಾಕಷ್ಟು ಧಾರಾವಾಹಿಗಳ ಲೀಡ್ ಪಾತ್ರಗಳಲ್ಲಿ ಅನಿಲ್ ಮನೋಜ್ಞವಾಗಿ ಅಭಿನಯಿಸುತ್ತಾ ಬಂದಿದ್ದಾರೆ. ಇಂಥಾ ಅನಿಲ್ ಮೊನ್ನೆ ದಿನ ಹಾಸನಕ್ಕೆ ತೆರಳಿದ್ದಾಗ ಅಲ್ಲಿ ಅನಾರೋಗ್ಯಕ್ಕೀಡಾಗಿ ಅಸ್ವಸ್ಥರಾಗಿದ್ದರು. ಈಗವರನ್ನು ಬೆಂಗಳೂರಿನ ಬ್ಯಾಪ್ಟಿಸ್ಟ್ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಐಸಿಯೂನಲ್ಲಿರುವ ಅನಿಲ್ ಅವರ ಚಿಕಿತ್ಸೆಗಾಗಿ ದಿನಕ್ಕೆ ನಲವತ್ತೈದು ಸಾವಿರಕ್ಕೂ ಅಧಿಕ ಹಣ ವ್ಯಯವಾಗುತ್ತಿದೆ. ಆದರೆ ಅವರ ಕುಟುಂಬದವರಿಗೆ ಮಾತ್ರ ಇಷ್ಟು ದೊಡ್ಡ ಮೊತ್ತವನ್ನು ಖರ್ಚು ಮಾಡುವ ಶಕ್ತಿ ಇಲ್ಲದಂತಾಗಿದೆ.

ಹಳೇಯ ದಿನಗಳನ್ನು, ಆ ಕಾಲದ ಗೆಳೆಯರನ್ನು ಸದಾ ಸ್ಮರಿಸುವ ದರ್ಶನ್ ಅವರಿಗೆ ಖಂಡಿತಾ ಅನಿಲ್ ಕುಮಾರ್ ಅವರ ಗುರುತು ಇದ್ದೇ ಇರುತ್ತದೆ. ಯಾಕೆಂದರೆ 1995ರ ಸಮಯದಲ್ಲಿ ದರ್ಶನ್ ನೀನಾಸಂಗೆ ನಟನೆ ಕಲಿಯಲು ಹೋದಾಗ ಅವರ ಸಹಪಾಠಿಯಾಗಿದ್ದವರು ಅನಿಲ್ ಕುಮಾರ್. ಆದರೆ ಅವರೀಗ ಅನಾರೋಗ್ಯಕ್ಕೀಡಾಗಿದ್ದಾರೆಂಬ ಸುದ್ದಿ ಅವರಿಗೆ ತಲುಪಬೇಕಿದೆ. ಅನಿಲ್ ಅಂದರೆ ಕಿರುತೆರೆ ಪ್ರೇಕ್ಷಕರ ಪಾಲಿನ ಫೇವರಿಟ್ ನಟ. ಕೆಲ ವಾಹಿನಿಗಳ ಬಹುತೇಕ ಧಾರಾವಾಹಿಗಳಲ್ಲಿ ಇವರದ್ದೊಂದು ಪಾತ್ರ ಇದ್ದೇ ಇರುತ್ತದೆ.

0425101039839
Canara Bank
Hebbala branch
Bengaluru-560024
IFS Code-CNRB 0000425
W/0
Anilkumar B.R

ರಂಗಭೂಮಿಯ ನಂಟಿನೊಂದಿಗೇ ಕಿರುತೆರೆಯಲ್ಲಿಯೂ ಸಕ್ರಿಯರಾಗಿದ್ದ ಅನಿಲ್ ಸ್ವಾಭಿಮಾನಿ. ಎಲ್ಲರ ಪ್ರೀತಿಪಾತ್ರರಾಗಿದ್ದ ಈ ಸ್ನೇಹಜೀವಿಗೀಗ ಒಂದು ಕಾಲದ ಸಹಪಾಠಿ ದರ್ಶನ್ ಅವರ ಸಹಾಯದ ಅಗತ್ಯವಿದೆ. ಇದೀಗ ಸುಮಲತಾ ಅಂಬರೀಶ್ ಅವರ ಪರವಾಗಿ ಮಂಡ್ಯದಲ್ಲಿ ಪ್ರಚಾರ ಕಾರ್ಯದಲ್ಲಿ ತೊಡಗಿಸಿಕೊಂಡಿರೋ ದರ್ಶನ್ ಆದಷ್ಟು ಬೇಗನೆ ಸಹಪಾಠಿ ಗೆಳೆಯನ ನೋವಿಗೆ ಕಿವಿಗೊಡಬಹುದೇ?

Continue Reading
Advertisement
Advertisement

Trending