ತಾರಕ್ ಡೈರೆಕ್ಟರ್ ಜೊತೆ ದರ್ಶನ್ ನೆಕ್ಸ್ಟ್ ಪ್ರಾಜೆಕ್ಟ್?

• ಸಂತೋಷ್‌ ಸಕ್ರೆಬೈಲು

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಈಗ ರಾಬರ್ಟ್ ಸಿನಿಮಾದ ಮೂಲಕ ಸಿಲ್ವರ್ ಸ್ಕ್ರೀನ್​ಗೆ ಗ್ರ್ಯಾಂಡ್ ಎಂಟ್ರಿ ಕೊಡೋಕೆ ಸಿದ್ಧರಾಗಿದ್ದಾರೆ. ರಾಬರ್ಟ್ ಸಿನಿಮಾದ ರಿಲೀಸ್​ಗೆ ಇನ್ನು ಆರು ದಿನಗಳು ಮಾತ್ರ ಬಾಕಿ. ಸಿನಿಮಾ ರಿಲೀಸ್ ಆಗ್ತಿದ್ರೂ ದರ್ಶನ್ ತಮ್ಮ ಮುಂದಿನ ಸಿನಿಮಾದ ಬಗ್ಗೆ ಸ್ಪಷ್ಟ ಮಾಹಿತಿ ಬಿಟ್ಕೊಡ್ತಿಲ್ಲ. ಆದ್ರೆ ಈ ವರ್ಷ ಮತ್ತೊಂದು ಸಿನಿಮಾ ಅಂತೂ ಪಕ್ಕಾ ಅಂತಾ ಒನ್ ಹಂಡ್ರೆಡ್ ಆ್ಯಂಡ್ ಒನ್ ಪರ್ಸೆಂಟ್  ಹೇಳಿದ್ದಾರೆ.  ಡಿ ಸೈನ್ಯಕ್ಕೆ ರಾಬರ್ಟ್ ಸೆಲೆಬ್ರೇಷನ್ ಜೊತೆಗೆ ನಮ್ ಬಾಸ್ ನೆಕ್ಸ್ಟ್​ ಸಿನಿಮಾ ಯಾವುದು ಅನ್ನೋ ಪ್ರಶ್ನೇ ದಿನೇ ದಿನೇ ಹೆಚ್ಚಾಗ್ತಿದೆ. ಮೂಲಗಳ ಪ್ರಕಾರ ದರ್ಶನ್ ಈಗಾಗಲೇ ಮುಂದಿನ ಸಿನಿಮಾದ ಬಗ್ಗೆ ಎಲ್ಲಾ ಪ್ರೀ ಪ್ಲಾನ್ ಮಾಡಿಕೊಂಡಿದ್ದಾರಂತೆ!

ಹೌದು, ಈ ವರ್ಷದ ಕೊನೆಯಲ್ಲಿ ಬರೋದು ದರ್ಶನ್ ಹಾಗೂ ಮಿಲನ ಪ್ರಕಾಶ್ ಕಾಂಬಿನೇಷನ್​ನ ಸಿನಿಮಾ ಅಂತಿವೆ ಸ್ಯಾಂಡಲ್​ವುಡ್ ಸಿನಿ ಗಾಸಿಪ್ಸ್​. ಈಗಾಗಲೇ ತಾರಕ್ ಸಿನಿಮಾದ ಮೂಲಕ ಹಿಟ್ ಕೊಟ್ಟಿರೋ ಈ ಜೋಡಿ ಮತ್ತೆ ಒಂದಾಗ್ತಿದೆ. ದರ್ಶನ್ ಹಲವು ಸಂದರ್ಶನಗಳಲ್ಲಿ ಹೇಳಿದ ಪ್ರಕಾರ ಮಿಲನ ಪ್ರಕಾಶ್​ರ ಜೊತೆ ನೆಕ್ಸ್ಟ್​ ಸಿನಿಮಾ ಅನ್ನೋದೆ ಹೆಚ್ಚು. ಈಗಾಗಲೇ ಸಿನಿಮಾದ ಸ್ಕ್ರಿಪ್ಟ್​​ ಕೆಲಸಗಳಲ್ಲಿ ಮಿಲನ ಪ್ರಕಾಶ್ ತಲ್ಲೀನರಾಗಿದ್ದು, ರಾಬರ್ಟ್ ರಿಲೀಸ್ ಆಗ್ತಿದ್ದಂತೆಯೇ ಈ ಸಿನಿಮಾದ ಶೂಟಿಂಗ್​ ಸೆಟ್​ಗೆ ದರ್ಶನ್ ಕಾಲಿಡಲಿದ್ದಾರಂತೆ. ‌

ಇದೊಂದು ಪಕ್ಕಾ  ಲವ್​ ಸ್ಟೋರಿ ಕಮ್ ಫ್ಯಾಮಿಲಿ ಎಂಟರ್ಟೈನ್​ ಸಿನಿಮಾ ಅಂತಾ ಹೇಳಲಾಗ್ತಿದ್ದು, ಮಾಸ್ ಸ್ಟೈಲಲ್ಲಿ ಮಚ್ಚು ಬಿಟ್ಟು ರೋಜ಼್ ಹಿಡ್ಕೊಂಡು ಪ್ರಪೋಸ್ ಮಾಡಲಿದ್ದಾರೆ ಚಾಲೆಂಜಿಂಗ್ ಸ್ಟಾರ್. ದರ್ಶನ್​ ಅವರೇ ಹೇಳೋ ಹಾಗೆ ಈಗಾಗಲೇ ಅವರ ಸಾಲಿನಲ್ಲಿ ಮೂಲ್ನಾಲ್ಕು ಸಿನಿಮಾಗಳು ಕ್ಯೂನಲ್ಲಿದ್ದು,  ಶೈಲಜಾ ನಾಗರಾಜ್, ರಾಕ್​ಲೈನ್ ವೆಂಕಟೇಶ್, ಸಂದೇಶ್ ನಾಗರಾಜ್, ತೆಲುಗು ನಿರ್ಮಾಪಕರೊಬ್ಬರು ಸೇರಿದಂತೆ ಹಲವರು ಕ್ಯೂನಲ್ಲಿದ್ದಾರೆ. ಒಟ್ಟಾರೆಯಾಗಿ ಡಿ ಬಾಸ್ ಇನ್ನೂ ನಾಲ್ಕೈದು ವರ್ಷ ಫುಲ್ ಬ್ಯುಜಿಯಾಗಿರಲಿದ್ದು, ಈ ವರ್ಷದಲ್ಲೇ ಮತ್ತೊಮ್ಮೆ ಬಿಗ್ ಸ್ಕ್ರೀನ್​ನಲ್ಲಿ ದರ್ಶನ ಕೊಡಲಿದ್ದಾರೆ.