ಮತ್ತೊಮ್ಮೆ ಕಾಮಿಡಿ ಹಾರರ್ ನಲ್ಲಿ ತಮನ್ನಾ!

ಈ ಹಿಂದೆ ಪ್ರಭುದೇವ್ ಮತ್ತು ತಮನ್ನಾ ಭಾಟಿಯಾ ಅಭಿನಯದ ಕಾಮಿಡಿ ಹಾರರ್ ಸಿನಿಮಾ ದೇವಿ ಕಾಲಿವುಡ್ ನಲ್ಲಿ ಯಶಸ್ಸು ಗಳಿಸಿತ್ತು. ರೂಪದರ್ಶಿ ರೂಬಿ ಪಾತ್ರ ಹಾಗೂ ಸಾಂಪ್ರದಾಯಿಕ ಚೆಲುವೆ ಹೀಗೆ ಎರಡಲ್ಲೂ ತಮನ್ನಾ ಪ್ರೇಕ್ಷಕರ ಗಮನ ಸೆಳೆದಿದ್ದರು. ಬಾಕ್ಸ್ ಆಫೀಸಿನಲ್ಲೂ ಈ ಸಿನಿಮಾ ಹಿಟ್ ಸಿನಿಮಾಗಳ ಸಾಲಿಗೂ ಸೇರಿತ್ತು. ಸದ್ಯ ಸುದ್ದಿ ಏನಂದ್ರೆ ಇದೀಗ ದೇವಿ 2 ಸಿನಿಮಾ ಬರಲಿದ್ದು, ಇತ್ತೀಚಿಗಷ್ಟೇ ಸಿನಿಮಾದ ಟ್ರೇಲರ್ ಬಿಡುಗಡೆಯಾಗಿದೆ.

ಏಪ್ರಿಲ್ ನಲ್ಲೇ ತೆರೆಗೆ ಬರಬೇಕಿದ್ದ ದೇವಿ 2 ಸಿನಿಮಾ ಟ್ರೇಲರ್ ಆನ್ ಲೈನ್ ನಲ್ಲಿ ವೀಕ್ಷಕರ ಗಮನ ಸೆಳೆಯುತ್ತಿದೆ. ದೇವಿ 2 ಮೂಲಕಥೆಯನ್ನೇ ಹೊಂದಿದ್ದು, ಈ ಬಾರಿ ತಮನ್ನಾ ಬದಲಿಗೆ ಪ್ರಭುದೇವ ದೆವ್ವದ ಪಾತ್ರದಲ್ಲಿ ನಟಿಸುತ್ತಿರುವುದು ವಿಶೇಷ. ಈ ಸಿನಿಮಾದಲ್ಲಿ ಪ್ರಭುದೇವ ಎರಡು ದೆವ್ವಗಳನ್ನು ಆವಾಹಿಸಿಕೊಂಡಿದ್ದಾರೆ. ಹಳ್ಳಿಯ ಸಂಪ್ರದಾಯಸ್ಥೆ ಪಾತ್ರದಲ್ಲಿ ಗ್ಲಾಮರ್ ರಹಿತ ಪಾತ್ರದಲ್ಲಿ ತಮನ್ನಾ ನಟಿಸಿದ್ದಾರೆ. ಟ್ರೇಲರ್ ನಲ್ಲಿರುವ ಕಾಮಿಡಿ ಸೀನುಗಳು,  ವಿಚಿತ್ರ ಸಂಭಾಷಣೆ, ಸಿನಿಮಾದ ಗಮಲನ್ನು ಹೆಚ್ಚಿಸುವಂತಿದೆ.