Connect with us

ಕಲರ್ ಸ್ಟ್ರೀಟ್

ಬದುಕಿನ ಸುತ್ತ ಗಿರಲಿ ಹೊಡೆಯೋ ಭೂಗತ ಗಿರ್‌ಗಿಟ್ಲೆ!

Published

on

ಗಿರ್‌ಗಿಟ್ಲೆ ಸಿನಿಮಾ ಈ ವಾರ ತೆರೆಗೆ ಬಂದಿದೆ. ಥಿಯೇಟರಿನ ಮುಂದೆ ಹೀರೋಗಳ ಕಟೌಟಿನ ಬದಲು ದೊಡ್ಡ ಎತ್ತರದ ಲಾಂಗ್‌ವೊಂದನ್ನು ನಿಲ್ಲಿಸಿರೋದು ಸೇರಿದಂತೆ ಈ ಸಿನಿಮಾದ ಕುರಿತಾಗಿ ಪ್ರೇಕ್ಷಕರಲ್ಲಿ ನಾನಾ ಬಗೆಯ ಕುತೂಹಲಗಳಿದ್ದವು. ರೆಗ್ಯುಲರ್ ಕಮರ್ಷಿಯಲ್ ಸಿನಿಮಾಗಳಲ್ಲೇ ಇದು ಭಿನ್ನ ಸಿನಿಮಾ. ಸಿನಿಮಾಗಳಲ್ಲಿ ಆರಂಭ, ಮಧ್ಯಂತರ ಮತ್ತು ಅಂತ್ಯಕ್ಕೆ ನಿರ್ದಿಷ್ಟವಾದ ಕಾರಣಗಳಿರುತ್ತವೆ. ಗಿರ್‌ಗಿಟ್ಲೆ ಸಿನಿಮಾದಲ್ಲಿ ಬರುವ ಮೂರು ಪ್ರಮುಖ ಪಾತ್ರಗಳಿಗೆ ಹಿಂದೆ-ಮುಂದೆಂಬುದಿರೋದಿಲ್ಲ. ಸಿನಿಮಾದ ಕಥೆಗೆ ಕೂಡಾ ಅದೇ ಗುಣವಿರೋದು ವಿಶೇಷ!

ಸಿಟಿಯಲ್ಲಿ ಸಿಕ್ಕಾಪಟ್ಟೆ ನೇಮು ಮಾಡಿರೋ ರೌಡಿಗಳನ್ನು ಎತ್ತಿಬಿಟ್ಟರೆ ಹೆಸರು ಮಾಡಬಹುದೆನ್ನುವ ಪ್ಲಾನು ನಡೆಯುತ್ತದೆ. ನಂತರ ಒಬ್ಬ ಡಾನ್‌ನನ್ನು ಎತ್ತುವುದಾಗಿ ಮತ್ತೊಬ್ಬ ಎದುರಾಳಿ ಬಳಿ ಸುಫಾರಿ ಪಡೆಯುತ್ತಾರೆ. ಹಾಗೆಯೇ ಮತ್ತೊಬ್ಬ, ಮಗದೊಬ್ಬನ ಬಳಿ ಹೋಗಿ ಪರಸ್ಪರ ವಿರೋಧಿಗಳನ್ನು ಮುಗಿಸುತ್ತೀವಿ ಎಂದು ಹೇಳಿ ಡೀಲ್ ಪಡೆಯುತ್ತಾರೆ. ಹಾಗೆ ಕಾಸು ಪಡೆದು ಒಪ್ಪಿಕೊಂಡ ಕೆಲಸವನ್ನು ಮಾಡುತ್ತಾರಾ? ಅಥವಾ ಇವರ ಕಥೆಯೇ ಮುಗಿಯುತ್ತದಾ? ಎಂಬ ಪ್ರಶ್ನೆಗೆ ಉತ್ತರ ಬೇಕಿದ್ದರೆ ‘ಗಿರ್‌ಗಿಟ್ಲೆಯನ್ನೊಮ್ಮೆ ನೋಡಬಹುದು.
ಬದುಕು ಏನೆಂದೇ ಗೊತ್ತಿಲ್ಲದೆ ಎತ್ತೆತ್ತಲೋ ಸಾಗುವ ಹುಡುಗರು, ಏನೇನೂ ಇಲ್ಲದೆ ಅನಾಥನಾಗಿ ಹುಟ್ಟಿ, ಅಪಾರವಾದ ವಿದ್ಯೆ, ಬುದ್ದಿ, ಎಲ್ಲವನ್ನೂ ಪಡೆದು, ಪಡೆದುಕೊಂಡದ್ದನ್ನೆಲ್ಲಾ ಕಳೆದುಕೊಂಡು ಬೀದಿಗೆ ಬಿದ್ದ ಮತ್ತೊಬ್ಬ ವ್ಯಕ್ತಿಯ ಜೊತೆಯಾಗುತ್ತಾರೆ. ಈ ನಾಲ್ಕು ಜನರ ಡೈಲಾಗುಗಳ ಜುಗಲ್‌ಬಂದಿ, ಜಗ್ಗಾಟಗಳೆಲ್ಲಾ ತ್ರಿವಿಕ್ರಮರ ಜೊತೆಗೆ ಬೇತಾಳವೊಂದು ತಗುಲಿಕೊಂಡ ಫೀಲು ಹುಟ್ಟಿಸುತ್ತದೆ.

ನಿರ್ದೇಶಕ ರವಿಕಿರಣ್ ಅವರಿಗೆ ಜಗತ್ತಿನ ನಿಯಮಗಳು, ಬದುಕಿನ ರೀತಿಯ ಬಗ್ಗೆ ನಾನಾ ರೀತಿಯ ಪ್ರಶ್ನೆಗಳು, ಗೊಂದಲಗಳೆಲ್ಲಾ ಇವೆ. ಅವಕ್ಕೆಲ್ಲಾ ಈ ಸಿನಿಮಾದ ಮೂಲಕ ಉತ್ತರ ಹುಡುಕ ಹೊರಟಿದ್ದಾರೆ ಮತ್ತು ತಮಗೆ ಗೊತ್ತಿರೋದನ್ನೆಲ್ಲಾ ತೆರೆಯ ಮೂಲಕ ಹೇಳಲು ಮುಂದಾಗಿದ್ದಾರೆ ಅನ್ನೋದು ಸ್ಪಷ್ಟವಾಗಿ ಗೊತ್ತಾಗುತ್ತದೆ; ಬಹುಶಃ ಇದು ಸಣ್ಣ ಎಡವಟ್ಟನ್ನೂ ಸೃಷ್ಟಿಸಿದೆ. ಸರಿಸುಮಾರು ಹತ್ತಾರು ಸಿನಿಮಾಗಳಲ್ಲಿ ಹೇಳಬೇಕಾದ ವೇದಾಂತ, ಸಿದ್ದಾಂತಗಳೆಲ್ಲಾ ಒಂದೇ ಸಿನಿಮಾದಲ್ಲಿ ಸೇರಿಕೊಂಡು, ಅದರ ಸೈಡೆಫೆಕ್ಟು ಅನ್ನುವಂತೆ ಹೇಳಬೇಕಾದ ಕಥೆಯೇ ದಾರಿತಪ್ಪಿದಂತಾಗಿದೆ. ಅಲ್ಲಿಲ್ಲಿ ಬರಬೇಕಿದ್ದ ಪ್ರಾಸ-ತ್ರಾಸದ ಡೈಲಾಗುಗಳು, ಬಿಲ್ಡಪ್ಪುಗಳು ಪದೇ ಪದೇ ಕಾಣಿಸೋದು ರೇಜಿಗೆ ಹುಟ್ಟಿಸುತ್ತದೆ.

ಇದರ ಹೊರತಾಗಿ ಗಿರ್‌ಗಿಟ್ಲೆಯಲ್ಲಿ ಬೇರೆ ಏನೋ ಇದೆ. ಅದು ನೋಡಿದವರ ಭಾವಕ್ಕೆ ಮಾತ್ರ ದಕ್ಕುವಂಥಾ ಅನುಭೂತಿ. ದಾರಿತಪ್ಪಿದವರ ಗೊಂದಲಗಳು, ದಿಕ್ಕೆಟ್ಟ ಭವಿಷ್ಯ, ಜಗತ್ತಿನ ಕುರಿತಾಗಿ ಏಳುವ ಪ್ರಶ್ನೆ, ಒಂದಿಷ್ಟು ಕಲ್ಪಿತ ಉತ್ತರ, ದುಡ್ಡು, ಕನಸು… ಹೀಗೆ ಏನೇನೋ ಸೇರಿಕೊಂಡು ಗಿರ್‌ಗಿಟ್ಲೆಯಂತೆ ಸುತ್ತುವ ಬದುಕಿನ ಅನಾವರಣ ಇಲ್ಲಿದೆ.

ಈ ಸಿನಿಮಾ ಶುರುವಾಗಿ ಬಿಡುಗಡೆಯಾಗುವ ಅಂತರ ಹೆಚ್ಚಾಗಿದ್ದರಿಂದಲೋ ಏನೋ ಉದಯ್, ಎ.ಆರ್. ಬಾಬು ಸೇರಿದಂತೆ ಅಗಲಿದ ಅರ್ಧ ಡಜನ್ ನಟರು ಇಲ್ಲಿ ಜೀವಂತವಾಗಿದ್ದಾರೆ. ನಿರ್ದೇಶಕ ರವಿ ಕಿರಣ್ ಸಿದ್ದತೆಗಳೊಂದಿಗೆ ನಿಂತರೆ ಸಾಹಸ ಪ್ರಧಾನವಾದ, ಪಕ್ಕಾ ಕಮರ್ಷಿಯಲ್ ಸಿನಿಮಾಗಳನ್ನು ಕಟ್ಟಿಕೊಡುವ ಶಕ್ತಿ ಹೊಂದಿದ್ದಾರೆ. ಪಳಗಿದ ನಟ ರಂಗಾಯಣ ರಘು ಅವರೊಟ್ಟಿಗೆ ಮೂವರು ಹೀರೋಗಳು ಮೈಮರೆತು ನಟಿಸಿದ್ದಾರೆ. ನಾಯಕಿಯರಿಬ್ಬರಿದ್ದರೂ ಒಂದು ಹಾಡು ಎರಡು ದೃಶ್ಯಗಳಲ್ಲಿ ಬಂದು ಮಾಯವಾಗುತ್ತಾರೆ. ಒಟ್ಟಾರೆ ಇದು ಕಮರ್ಷಿಯಲ್ ಸಿನಿಮಾ ಆದರೂ ಸಿದ್ದ ಸೂತ್ರಗಳನ್ನು ಬ್ರೇಕ್ ಮಾಡಿದ ಚಿತ್ರವಾಗಿದೆ!

Advertisement
Click to comment

Leave a Reply

Your email address will not be published. Required fields are marked *

ಕಲರ್ ಸ್ಟ್ರೀಟ್

ಪಡ್ಡೆಹುಲಿ ಹಿಟ್ ಹಾಡುಗಳ ಜ್ಯೂಕ್ ಬಾಕ್ಸ್ ಅನಾವರಣ!

Published

on


ಕೆ. ಮಂಜು ಅವರ ಪುತ್ರ ಶ್ರೇಯಸ್ ನಾಯಕನಾಗಿ ಎಂಟ್ರಿ ಕೊಡುತ್ತಿರುವ ಚಿತ್ರ ಪಡ್ಡೆಹುಲಿ. ಗುರುದೇಶಪಾಂಡೆ ನಿರ್ದೇಶನದ ಈ ಚಿತ್ರ ಈಗಾಗಲೇ ಹಾಡುಗಳ ಮೂಲಕ ಎಂಥವರೂ ಅಚ್ಚರಿಗೊಳ್ಳುವಂಥಾ ಕ್ರೇಜ್ ಸೃಷ್ಟಿಸಿದೆ. ಶ್ರೇಯಸ್ ಸಂಪೂರ್ಣ ತಯಾರಿಯೊಂದಿಗೇ ಅಡಿಯಿರಿಸಿರೋದರ ಬಗ್ಗೆ ಬೆರಗು, ಓರ್ವ ಎನರ್ಜಿಟಿಕ್ ಹೀರೋ ಕನ್ನಡಕ್ಕೆ ಪಾದಾರ್ಪಣೆ ಮಾಡಿದ ಸ್ಪಷ್ಟ ಸೂಚನೆಗಳೆಲ್ಲವೂ ಪಡ್ಡೆಹುಲಿಯ ಸುತ್ತ ಮಿರುತ್ತಿವೆ!

ಇದೆಲ್ಲವೂ ಸಾಧ್ಯವಾಗಿದ್ದು ಒಂದರ ಹಿಂದೊಂದರಂತೆ ಅನಾವರಣಗೊಂಡಿದ್ದ ಚೆಂದದ ಹಾಡುಗಳಿಂದ. ಈಗಾಗಲೇ ಭರತ್ ಬಿಜೆ ಸಂಗೀತ ಸಂಯೋಜನೆಯಲ್ಲಿ ಮೂಡಿ ಬಂದಿರೋ ಎಲ್ಲ ಹಾಡುಗಳೂ ಹಿಟ್ ಆಗಿವೆ. ಇದೀಗ ಪಿಆರ‍್ಕೆ ಸಂಸ್ಥೆಯ ಮೂಲಕ ಈ ಎಲ್ಲ ಹಾಡುಗಳ ಜ್ಯೂಕ್ ಬಾಕ್ಸ್ ಅನ್ನು ಅನಾವರಣಗೊಳಿಸಲಾಗಿದೆ. ಈ ಮೂಲಕ ಪಡ್ಡೆಹುಲಿ ಚಿತ್ರದ ಅಷ್ಟೂ ಚೆಂದದ ಹಾಡುಗಳನ್ನು ಒಟ್ಟಾಗಿ ಕೇಳಿಸಿಕೊಳ್ಳುವ ಸದಾವಕಾಶ ಪ್ರೇಕ್ಷಕರಿಗೆ ಸಿಕ್ಕಿದೆ. ಒಂದು ಚಿತ್ರದಲ್ಲಿ ಐದಾರು ಹಾಡುಗಳಿರೋದು ಸಾಮಾನ್ಯ. ಕೆಲ ಬಾರಿ ಈ ಸಂಖ್ಯೆ ಇನ್ನೂ ಇಳಿಕೆಯಾಗೋದೂ ಇದೆ. ಆದರೆ, ಪಡ್ಡೆಹುಲಿ ಚಿತ್ರದಲ್ಲಿ ಮಾತ್ರ ಹತ್ತು ಹಾಡುಗಳಿವೆ. ಒಂದಕ್ಕಿಂತ ಒಂದು ಚೆಂದವೆಂಬಂತೆ ಮೂಡಿ ಬಂದಿರೋ ಈ ಹಾಡುಗಳೆಲ್ಲವೂ ಜನಮಾನಸ ಗೆದ್ದಿವೆ. ಇದೀಗ ಬಿಡುಗಡೆಯಾಗಿರೋ ಜ್ಯೂಕ್ ಬಾಕ್ಸ್ ಗೂ ಒಳ್ಳೆ ಅಭಿಪ್ರಾಯಗಳೇ ಕೇಳಿ ಬರುತ್ತಿವೆ.

ಎಮ್ ರಮೇಶ್ ರೆಡ್ಡಿ ನಿರ್ಮಾಣ ಮಾಡಿರೋ ಪಡ್ಡೆಹುಲಿ ಇನ್ನೇನು ಬಿಡುಗಡೆಯ ಹೊಸ್ತಿಲಲ್ಲಿದೆ. ಚಿತ್ರೀಕರಣದ ಹಂತದಲ್ಲಿಯೇ ನಾಯಕ ಶ್ರೇಯಸ್ ಭರವಸೆ ಹುಟ್ಟಿಸಿ ಬಿಟ್ಟಿದ್ದಾರೆ. ಹಾಡುಗಳಂತೂ ಅವರ ಪೂರ್ವ ತಯಾರಿ, ಶ್ರಮಗಳನ್ನು ಪ್ರತಿಫಲಿಸುವಂತಿವೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರೇ ಶ್ರೇಯಸ್ ಶ್ರಮವನ್ನು ಮೆಚ್ಚಿಕೊಂಡಿದ್ದಾರೆಂದ ಮೇಲೆ ಹೆಚ್ಚೇನು ಹೇಳೋ ಅಗತ್ಯವಿಲ್ಲ. ಇದೀಗ ಬಿಡುಗಡೆಯಾಗಿರೋ ಜ್ಯೂಕ್ ಬಾಕ್ಸ್ ಮೂಲಕ ಪಡ್ಡೆಹುಲಿಯ ಬಗೆಗಿನ ನಿರೀಕ್ಷೆ ನೂರ್ಮಡಿಸೋದಂತೂ ಖಂಡಿತ!

Continue Reading

ಕಲರ್ ಸ್ಟ್ರೀಟ್

ಪುಣ್ಯಾತ್ಗಿತ್ತೀರ ಹಾಡು ಬಂತು!

Published

on

ಸತ್ಯನಾರಾಯಣ ಮನ್ನೆ ನಿರ್ಮಾಣದ ಪುಣ್ಯಾತ್ ಗಿತ್ತೀರು ಚಿತ್ರದ ಹಾಡುಗಳು ಹೊರ ಬಂದಿವೆ. ರಾಮಾನುಜಂ ಸಂಗೀತ ಸಂಯೋಜನೆ ಮಾಡಿರುವ ಈ ಹಾಡುಗಳೆಲ್ಲವೂ ಈಗಾಗಲೇ ಪುಣ್ಯಾತ್ಗಿತ್ತೀರು ಸೃಷ್ಟಿಸಿರೋ ಸಂಚಲನಕ್ಕೆ ಮತ್ತಷ್ಟು ರಂಗು ತುಂಬುವಂತೆ ಮೂಡಿ ಬಂದಿವೆ. ಕವಿರತ್ನ ವಿ ನಾಗೇಂದ್ರ ಪ್ರಸಾದ್ ಇದರ ಟೈಟಲ್ ಸಾಂಗ್ ಬರೆದಿದ್ದಾರೆ. ಹೆಣ್ಣಿನ ಮಹತ್ವ ಸಾರುವ ಹಾಡೊಂದನ್ನು ನಿರ್ದೇಶಕ ರಾಜು ಅವರೇ ಬರೆದಿದ್ದಾರೆ. ಕಾಶಿ ಮೋಹನ್, ಸ್ವರಾಜ್ ಮುಂತಾದವರೂ ಹಾಡುಗಳನ್ನ ಬರೆದಿದ್ದಾರೆ. ಈ ಎಲ್ಲ ಹಾಡುಗಳೂ ಸಿನಿಮಾ ಕಥೆಗೆ ಪೂರಕವಾಗಿ, ಹೊಸತನದೊಂದಿಗೆ ಪ್ರೇಕ್ಷಕರನ್ನು ಸೆಳೆದುಕೊಳ್ಳುವತ್ತ ಮುನ್ನುಗ್ಗುತ್ತಿವೆ.

ಈ ಆಡಿಯೋ ಲಾಂಚ್ ಕಾರ್ಯಕ್ರಮವನ್ನು ಭಿನ್ನವಾಗಿಯೇ ನಡೆಸಲು ನಿರ್ಮಾಪಕರು, ನಿರ್ದೇಶಕರು ಯೋಜನೆ ಹಾಕಿಕೊಂಡಿದ್ದರು. ಈ ಚಿತ್ರದಲ್ಲಿ ನಾಲ್ವರು ನಾಯಕಿಯರೂ ಅನಾಥರೇ. ಆದ್ದರಿಂದ ಅನಾಥ ಹೆಣ್ಣುಮಗುವೊಂದರಿಂದ ಆಡಿಯೋ ಲಾಂಚ್ ನಡೆಸಲು ತೀರ್ಮಾನಿಸಲಾಗಿತ್ತು. ಅನಾಥಾಶ್ರಮದಲ್ಲಿ ಒಂದು ಹೆಣ್ಣುಮಗುವನ್ನು ದತ್ತು ಪಡೆದುಕೊಂಡು ಅದರ ಶಿಕ್ಷಣದ ಜವಾಬ್ದಾರಿಯನ್ನೂ ಚಿತ್ರತಂಡವೇ ಹೊತ್ತುಕೊಂಡಿತ್ತಂತೆ. ಆದರೆ ಆ ಮಗು ಅನಾರೋಗ್ಯಗೊಂಡಿದ್ದರಿಂದ ಎಣಿಕೆಯಂತೆ ಕಾರ್ಯಕ್ರಮ ನಡೆಸಲು ಸಾಧ್ಯವಾಗಿಲ್ಲ. ಆದ್ದರಿಂದ ನಾಲ್ವರು ನಾಯಕಿಯರೇ ಆಡಿಯೋ ಬಿಡುಗಡೆ ಮಾಡಿದ್ದಾರೆ.

ನಾಲ್ವರು ಬಿಂದಾಸ್ ಹುಡುಗೀರೇ ಮುಖ್ಯಭೂಮಿಕೆಯಲ್ಲಿರುವ ‘ಪುಣ್ಯಾತ್ಗಿತ್ತೀರು ಚಿತ್ರದ ಟೀಸರ್ ಭಾರೀ ಫೇಮಸ್ ಆಗಿದೆ. ಸತ್ಯನಾರಾಯಣ ಮನ್ನೆ ನಿರ್ಮಾಣದ ಈ ಚಿತ್ರದ ಟೀಸರ್ ಬಿಡುಗಡೆಯಾಗಿ ದಿನಗೊಪ್ಪತ್ತಿನಲ್ಲಿಯೇ ಯೂಟ್ಯೂಬ್‌ನಲ್ಲಿ ಐವತ್ತು ಸಾವಿರಕ್ಕೂ ಹೆಚ್ಚಿನ ವೀಕ್ಷಣೆ ಪಡೆಯುವ ಮೂಲಕ ಟಾಕ್ ಕ್ರಿಯೇಟ್ ಮಾಡಿತ್ತು. ಇದೀಗ ಹಾಡುಗಳೂ ಕೂಡಾ ಅಂಥಾದ್ದೇ ಆವೆಗದಲ್ಲಿ ಮೂಡಿ ಬಂದಿವೆ.

ರಾಜ್ ಕತೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡಿರೋ ಈ ಚಿತ್ರದಲ್ಲಿ ಮಮತಾ ರಾವುತ್, ವಿದ್ಯಾ ಮೂಡಿಗೆರೆ ಮತ್ತು ವಿದ್ಯಾಶ್ರೀ ಬೋಲ್ಡ್ ಹುಡುಗಿಯರಾಗಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಕುರಿ ರಂಗ ಮುಂತಾದವರು ಪುಣ್ಯಾತ್‌ಗಿತ್ತೀರಿಗೆ ಸಾಥ್ ನೀಡಿದ್ದಾರೆ. ಇನ್ನುಳಿದಂತೆ ಎ.ರಾಮಾನುಜಂ ಸಂಗೀತ, ಶರತ್ ಕುಮಾರ್ ಜಿ ಛಾಯಾಗ್ರಹಣ, ಶಿವಶಂಕರ್ ಸಂಕಲನ, ಸಂದೀಪ್ ಕನಕಪುರ ಸಂಭಾಷಣೆ, ತ್ರಿಭುವನ್ ನೃತ್ಯ ನಿರ್ದೇಶನವಿದೆ.

Continue Reading

ಕಲರ್ ಸ್ಟ್ರೀಟ್

ಉದ್ಘರ್ಷ: ಸಸ್ಪೆನ್ಸ್ ಥ್ರಿಲ್ಲರ್ ಪ್ರೇಮಿಗಳಿಗೆ ಹಬ್ಬ!

Published

on

ಠಾಕೂರ್ ಅನೂಪ್ ಸಿಂಗ್ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ ಚಿತ್ರ ಉದ್ಘರ್ಷ. ಸುನೀಲ್ ಕುಮಾರ್ ದೇಸಾಯಿ ನಿರ್ದೇಶನ ಮಾಡಿರುವ ಈ ಚಿತ್ರ ಈ ವಾರ ಬಿಡುಗಡೆಯಾಗಲಿದೆ. ಕನ್ನಡ ಮಾತ್ರವಲ್ಲದೇ ತಮಿಳು, ತೆಲುಗು, ಮಲೆಯಾಳಂ ಮತ್ತು ಹಿಂದಿ ಭಾಷೆಗಳಲ್ಲಿಯೂ ಉದ್ಘರ್ಷ ಚಿತ್ರ ತೆರೆಕಾಣಲಿದೆ.ಸಸ್ಪೆನ್ಸ್ ಥ್ರಿಲ್ಲರ್ ಚಿತ್ರಗಳ ಮಾಸ್ಟರ್ ಡೈರೆಕ್ಟರ್ ಎಂದೇ ಹೆಸರಾಗಿರುವವರು ಸುನೀಲ್ ಕುಮಾರ್ ದೇಸಾಯಿ. ಅವರು ಬಹಳಷ್ಟು ವರ್ಷಗಳ ಗ್ಯಾಪಿನ ನಂತರದಲ್ಲಿ ಉದ್ಘರ್ಷ ಚಿತ್ರದ ಮೂಲಕ ಮತ್ತೆ ಮರಳಿದ್ದಾರೆ. ಹಾಗೆಂದ ಮೇಲೆ ಪ್ರೇಕ್ಷಕರಲ್ಲೊಂದು ಕ್ಯೂರಿಯಾಸಿಟಿ ಹುಟ್ಟೋದು ಸಹಜವೇ. ಅದನ್ನು ಮತ್ತಷ್ಟು ಉದ್ದೀಪನಗೊಳಿಸುವಂಥಾ ಮಾತುಗಳನ್ನು ಸುನೀಲ್ ಕುಮಾರ್ ದೇಸಾಯಿ ಅವರಾಡಿದ್ದಾರೆ.

‘ಸಸ್ಪೆನ್ಸ್ ಥ್ರಿಲ್ಲರ್ ಕಥೆಗಾಗಿ ಹಂಬಲಿಸೋ ದೊಡ್ಡ ಸಂಖ್ಯೆಯ ಪ್ರೇಕ್ಷಕ ವರ್ಗ ಕನ್ನಡದಲ್ಲಿದೆ. ಕೇವಲ ಆ ವರ್ಗ ಮಾತ್ರವಲ್ಲದೇ ಎಲ್ಲ ಬಗೆಯ ಪ್ರೇಕ್ಷಕರಿಗೂ ಹಬ್ಬದಂಥಾ ಸಂತೋಷ ಕೊಡೋ ಚಿತ್ರ ಉದ್ಘರ್ಷ ಎಂಬಂಥಾ ಭರವಸೆಯ ಮಾತುಗಳನ್ನು ದೇಸಾಯಿಯವರು ಆಡಿದ್ದಾರೆ.ಇನ್ನು ಕಥೆಯ ವಿಚಾರದಲ್ಲಿಯೂ ಕೂಡಾ ಅನೇಕ ವಿಶೇಷತೆಗಳಿದ್ದಾವೆ. ಇಲ್ಲಿ ಸ್ಟಾರ್ ನಟರಿಲ್ಲ. ಅದಕ್ಕೆ ಪೂರಕವಾದ ಖತೆ ಇದೆ. ಇಲ್ಲಿನ ಪ್ರತೀ ಪಾತ್ರಗಳೂ ಕೂಡಾ ಕುತೂಹಲದೊಂದಿಗೇ ಪ್ರೇಕ್ಷಕರನ್ನ ಕೈ ಹಿಡಿದು ಕರೆದೊಯ್ಯುತ್ತವೆ. ಕಥೆಯೇ ಹೋರೋ ಸ್ಥಾನದಲ್ಲಿರೋದರಿಂದ ಪ್ರತೀ ಕಲಾವಿದರೂ ಪಾತ್ರವಾಗಿ ಪ್ರೇಕ್ಷಕರನ್ನ ಕಾಡುತ್ತಾರಂತೆ. ಒಟ್ಟಾರೆಯಾಗಿ ಇದು ಸಸ್ಪೆನ್ಸ್ ಥ್ರಿಲ್ಲರ್ ಚಿತ್ರ ಪ್ರೇಮಿಗಳಿಗೆ ಹಬ್ಬದಂಥಾ ಸಿನಿಮಾ ಅನ್ನೋದರಲ್ಲಿ ಎರಡು ಮಾತಿಲ್ಲ!

Continue Reading

Trending