• ಮಹಂತೇಶ್‌ ಮಂಡಗದ್ದೆ

ಕಿಚ್ಚ ಸುದೀಪ್ ಕನ್ನಡ, ತೆಲುಗು, ತಮಿಳು ಮಲಯಾಳಂ, ಹಿಂದಿ ಈ ಐದೂ ಭಾಷೆಗಳಲ್ಲಿ ಖ್ಯಾತಿ ಹೊಂದಿರೋ ನಟ. ಹತ್ತಕ್ಕೂ ಹೆಚ್ಚು ವರ್ಷಗಳಿಂದ ಬಿಟೌನ್, ಟಿಟೌನ್, ಕಾಲಿವುಡ್​ ಅಂಗಳದಲ್ಲಿ ಓಡಾಡಿರೋ ಸ್ಯಾಂಡಲ್​ವುಡ್​ ಸ್ಟಾರ್.  ಎಲ್ಲಾ ಭಾಷೆಗಳಲ್ಲೂ ತನ್ನದೇ ಆದ ಫ್ಯಾನ್ಸ್ ಫಾಲೋವಿಂಗ್ ಹೊಂದಿರೋ ಅಭಿನಯ ಚಕ್ರವರ್ತಿ. ಸದ್ಯ  ವಿಕ್ರಾಂತ್​ ರೋಣ ಸಿನಿಮಾದ ಶೂಟಿಂಗ್ ಹಾಗೂ ಬಿಗ್​ ಬಾಸ್​ನಲ್ಲಿ ಬ್ಯುಸಿಯಿರೋ ಕಿಚ್ಚನಿಗಾಗಿ ಸೌತ್ ಸ್ಟಾರ್ ಡೈರೆಕ್ಟರ್​ಗಳು ಕಥೆ ಮಾಡಿಕೊಂಡು ಕನ್ವೆನ್ಸ್ ಮಾಡ್ತಿದ್ದಾರೆ.

ವಿಕ್ರಾಂತ್ ರೋಣನ ನಂತರ ಅವರ ಮುಂದಿನ ಸಿನಿಮಾ ಯಾರ ಜೊತೆ ಅನ್ನೋ ಕ್ಯೂರಿಯಾಸಿಟಿ ಎಲ್ಲರಲ್ಲೂ ಕಾಡ್ತಿದೆ. ಈ ಬಗ್ಗೆ ಗಾಂಧೀನಗರದಲ್ಲಿ ಹಲವು ಗಾಸಿಪ್ ಸೌಂಡ್ ಮಾಡ್ತಿದ್ದು, ಜೋಗಿ ಪ್ರೇಮ್ ಜೊತೆ ಮತ್ತೊಂದು ಸಿನಿಮಾ ಮಾಡ್ತಾರೆ ಅನ್ನೋ ಸುದ್ದಿ ಸ್ವಲ್ಪ ಜಾಸ್ತಿಯೇ ಸೌಂಡ್ ಮಾಡ್ತಿದೆ.

ದಿ ವಿಲನ್ ಸ್ಯಾಂಡಲ್​ವುಡ್​ನಲ್ಲಿ ಯಾವ ಮಟ್ಟಿಗೆ ಹವಾ ಕ್ರಿಯೇಟ್ ಮಾಡಿತ್ತು ಅನ್ನೋದು ಎಲ್ಲರಿಗೂ ನೆನಪಿರ್ಲೇ ಬೇಕಲ್ವಾ. ಶಿವಣ್ಣ-ಸುದೀಪ್​ರಂತಹ ಸೂಪರ್ ಸ್ಟಾರ್​ಗಳನ್ನ ಒಂದೇ ಸ್ಕ್ರೀನ್​ ಮೇಲೆ ತಂದ ಖ್ಯಾತಿ ಜೋಗಿ ಪ್ರೇಮ್​ರದ್ದು. ವಿಲನ್ ನಂತರ ಕಿಚ್ಚ ಸುದೀಪ್ ಹಾಗೂ ಪ್ರೇಮ್ ಈ ಇಬ್ಬರ ಕಾಂಬಿನೇಷನ್​ನಲ್ಲಿ  ಮತ್ತೊಂದು ಸಿನಿಮಾ ರೆಡಿಯಾಗ್ತಿದೆ. ಸದ್ಯ ಏಕ್ ಲವ್​ಯಾ ಸಿನಿಮಾದಲ್ಲಿ ಬ್ಯುಸಿಯಿರೋ ಪ್ರೇಮ್, ಈಗಾಗಲೇ ಸುದೀಪ್​ಗಾಗಿ ಸಿನಿಮಾ ರೆಡಿ ಮಾಡಿಕೊಂಡಿದ್ದಾರಂತೆ.

ಈಗಾಗಲೇ ಸುದೀಪ್​ಗೆ ಪ್ರೇಮ್ ಕಥೆ ಹೇಳಿ ಮಾತುಕತೆ ನಡೆಸಿದ್ದಾರೆ ಎನ್ನಲಾಗಿದ್ದು, ಈ ಇಬ್ಬರ ಕಾಂಬಿನೇಷನ್​ನ ಮತ್ತೊಂದು ಸಿನಿಮಾ ಪಕ್ಕಾ ಅನ್ನೋ ಮಾತುಗಳು ಕೇಳಿ ಬರ್ತಿವೆ.  ಕೋಟಿಗೊಬ್ಬ 3 ಸಿನಿಮಾ ರಿಲೀಸ್ ಆದ್ಮೇಲೆ ಈ ಇಬ್ಬರ ಸಿನಿಮಾ ಲಾಂಚ್ ಆಗುತ್ತೆ ಅಂತಾ ಮೂಲಗಳು ತಿಳಿಸಿವೆ. ಅಲ್ಲದೇ ಹೆಬ್ಬುಲಿ, ಪೈಲ್ವಾನ್ ನಿರ್ದೇಶಕ ಕೃಷ್ಣ ಕೂಡ ಸುದೀಪ್​ಗೆ ಮತ್ತೊಂದು ಸಿನಿಮಾ ಮಾಡ್ತಾರೆ ಅನ್ನೋ ಸುದ್ಧಿ ಹಲವು ದಿನಗಳಿಂದ ಕೇಳಿ ಬರ್ತಿದೆ. ಜೊತೆಗೆ ಬಾಲಿವುಡ್, ಟಾಲಿವುಡ್, ಕಾಲಿವುಡ್, ಮಾಲಿವುಡ್​ನಿಂದಲೂ ಕಿಚ್ಚನಿಗೆ ಆಫರ್ಸ್​ ಬರ್ತಿವೆ. ​

ARUN KUMAR G
ARUN KUMAR G Senior Film Journalist GAURI LANKESH PATRIKE, KARMAVEERA and others

ಸಲಾರ್​ನಲ್ಲಿ ಶ್ರೀನಿಧಿ ಶೆಟ್ಟಿ ಸಖತ್ ಶೈನ್!

Previous article

ಅಹೋರಾತ್ರ ವಿರುದ್ಧ ಸುದೀಪ್‌ ಅಭಿಮಾನಿಗಳ ಸಮರ!

Next article

You may also like

Comments

Leave a reply

Your email address will not be published. Required fields are marked *