ತೀರಾ ಕಡಿಮೆ ಸಿನಿಮಾಗಳಲ್ಲಿ ನಟಿಸಿದರೂ, ಅತಿ ಹೆಚ್ಚು ಅಭಿಮಾನಿ ವರ್ಗ, ಕನ್ನಡ ಚಿತ್ರರಂಗದಲ್ಲಿ ತನ್ನದೇ ಆದ ಸ್ಥಾನ ಹೊಂದಿರುವ ನಟ ಧೃವ ಸರ್ಜಾ. ಧೃವಾ ಈ ಮಟ್ಟಕ್ಕೆ ಬೆಳೆಯಲು ಅವರಲ್ಲಿನ ಪ್ರತಿಭೆ ಮತ್ತು ಸಮಾಜದೊಟ್ಟಿಗೆ ಅವರು ಬೆರೆಯುವ ರೀತಿಯೂ ಕಾರಣವಾಗಿದೆ. ಸಿನಿಮಾ ಬಿಟ್ಟು ಬೇರೆ ಯಾವ ರಾಜಕೀಯ, ತಂಟೆ ತಕರಾರುಗಳ ಕಡೆಗೂ ಧೃವ ಗಮನ ಕೊಡೋದಿಲ್ಲ. ಯಾರೊಟ್ಟಿಗಾದರೂ ಸ್ನೇಹ ಚಾಲ್ತಿಯಲ್ಲಿಡಬೇಕೆಂದರೆ ಸಾಕಷ್ಟು ಯೋಚಿಯೇ ಮುಂದುವರೆಯುತ್ತಾರೆ. ಎಷ್ಟೇ ಅನ್ಯೋನ್ಯವಾಗಿದ್ದರೂ ಕೆಲಸದ ವಿಚಾರ ಬಂದಾಗ ಹಿನ್ನೆಲೆ ಮುನ್ನೆಲೆಗಳನ್ನು ತಿಳಿದೇ ಮುಂದಡಿಯಿಡುತ್ತಾರೆ.

ಇತ್ತೀಚೆಗೆ ಪ್ರಥಮ್ ಅವರ ನಟಭಯಂಕರ ಸಿನಿಮಾಗೆ ಧೃವಾ ಹಿನ್ನೆಲೆ ಧ್ವನಿ ನೀಡಿದ್ದಾರೆ. ಪ್ರಥಮ್ ಮತ್ತು ಧೃವಾ ನಡುವೆ ತೀರಾ ಆತ್ಮೀಯತೆ ಇದೆ. ಹಾಗೆಂದು ಪ್ರಥಮ್ ಕರೆದೇಟಿಗೆ ಧೃವ ಧ್ವನಿ ನೀಡಲು ಒಪ್ಪಿಲ್ಲ. ಒಂದು ಸಲ ನಿಮ್ಮ ಸಿನಿಮಾದ ದೃಶ್ಯಗಳನ್ನು ತೋರಿಸಿ, ಅಂತ ಕೇಳಿ, ಅದನ್ನು ನೋಡಿದ ನಂತರವಷ್ಟೇ ಓಕೆ ಅಂದಿದ್ದರು.

ಇನ್ನು ಧೃವಾರಂತಾ ಸ್ಟಾರ್ ನಟ ತಮ್ಮ ಚಿತ್ರಕ್ಕೆ ಹಿನ್ನೆಲೆ ಧ್ವನಿ ನೀಡಿದಾಗ ಅವರನ್ನು ಗೌರವಿಸೋದು ಹೇಗೆ ಅನ್ನೋದೇ ಪ್ರಥಮ್‌ಗೆ ಚಿಂತೆಯಾಗಿತ್ತು. ಪ್ರೀತಿ ವಿಶ್ವಾಸಕ್ಕಾಗಿ ಬಂದು ವಾಯ್ಸ್ ಕೊಡೋದಕ್ಕೆ ಸಂಭಾವನೆ ನಿಗಧಿ ಮಾಡಲು ಸಾಧ್ಯವಿಲ್ಲ. ದುಬಾರಿ ಗಿಫ್ಟ್ ಆದರೂ ಕೊಡೋಣವೆಂದು ಡೈಮಂಡ್ ರಿಂಗ್ ಮಾಡಿಸಿಕೊಡಲು ಪ್ರಥಮ್ ತೀರ್ಮಾನಿಸಿದ್ದರು. ಆದರೆ ಧೃವಾ ಯಾವುದಕ್ಕೂ ಒಪ್ಪದೆ ನನಗೇನಾದರೂ ಕೊಡಬೇಕೆಂದರೆ ಗೋಶಾಲೆಗೆ ದಾನ ಮಾಡಿ ಎಂದಿದ್ದರು. ಧೃವಾ ಬಯಕೆಯಂತೆ ಹಸುಗಳ ಮೇವಿಗೆ ಎಂದು ನಟಭಯಂಕರ ಚಿತ್ರತಂಡದ ಕಡೆಯಿಂದ ಇಂತಿಷ್ಟು ಹಣ ಸಂದಾಯ ಮಾಡಿದ್ದಾರೆ. ಇದಾದ ನಂತರ ಧೃವಾಗಾಗಿ ಪ್ರಥಮ್ ಪ್ರೀತಿಯ ಕಾಣಿಕೆ ಎನ್ನುವಂತೆ ಪುಣ್ಯಕೋಟಿಯ ವಿಗ್ರಹವೊಂದನ್ನು ಧೃವಾಗೆ ನೀಡಿದ್ದಾರೆ.

ಪ್ರಥಮ್ ನಿರ್ದೇಶಿಸಿ, ನಟಿಸುತ್ತಿರುವ ನಟ ಭಯಂಕರ ಚಿತ್ರ ಒಂದಾದ ಮೇಲೊಂದು ವಿಚಾರಕ್ಕೆ ನಿರಂತರವಾಗಿ ಸೌಂಡ್ ಮಾಡುತ್ತಿದೆ. ಹೀರೋ ಇಂಟ್ರಡಕ್ಷನ್ ಹಾಡನ್ನು ಉಪೇಂದ್ರ ಹಾಡಿದ್ದರು. ಈ ವರೆಗೆ ಉಪ್ಪಿ ಹಾಡಿರುವ ಬಹುತೇಕ ಹಾಡುಗಳೆಲ್ಲಾ ಸೂಪರ್ ಹಿಟ್ ಆಗಿವೆ. ಬಹಳಷ್ಟು ಸ್ಟಾರ್ ನಟರಿಗೆ ಉಪ್ಪಿ ಹಾಡುತ್ತಲೇ ಬಂದಿದ್ದಾರೆ. ಪ್ರಥಮ್ ಎನ್ನುವ ಪ್ರತಿಭಾವಂತ ರಿಯಾಲಿಟಿ ಶೋ, ಮಾತುಗಾರಿಕೆ, ಅದರಿಂದ ಬಾಚಿಕೊಂಡ ಪಬ್ಲಿಸಿಟಿ ಸೇರಿದಂತೆ ಮುಂತಾದ ವಿಚಾರಗಳಲ್ಲಿ ಎಷ್ಟೇ ಫೇಮಸ್ಸಾಗಿರಬಹುದು. ಸಿನಿಮಾದ ಮಟ್ಟಿಗೆ ಪ್ರಥಮ್ ಇನ್ನೂ ಎಳೇ ಕೂಸು. ಬಿಗ್ ಬಾಸ್ ರಿಯಾಲಿಟಿ ಶೋ, ಅದಕ್ಕೂ ಮುಂಚೆ ಪ್ರಥಮ್ ಆರಂಬಿಸಿದ್ದ ಸಿನಿಮಾ ಎಲ್ಲವನ್ನೂ ಹೊರತಾಗಿಸಿ ಚಿತ್ರರಂಗದಲ್ಲಿ ಪ್ರಥಮ್ ಏನಾದರೂ ಗುರುತಿಸಿಕೊಳ್ಳಬೇಕು,  ತಲೆ ಎತ್ತಿ ನಿಲ್ಲಬೇಕು ಅಂದರೆ ಅದು ‘ನಟಭಯಂಕರ ಅನ್ನೋ ಸಿನಿಮಾದಿಂದ ಮಾತ್ರ ಸಾಧ್ಯ. ಇದು ಪ್ರಥಮ್ ಪಾಲಿಗೆ ನಿಜಕ್ಕೂ ನಿರ್ಣಾಯಕ ಘಟ್ಟ. ಹೀಗಾಗಿ ನಟಭಯಂಕರನನ್ನು ನಿಲ್ಲಿಸಿಕೊಳ್ಳಲೇಬೇಕಾದ ಅನಿವಾರ್ಯತೆ ಪ್ರಥಮ್‌ಗೆ ಹೆಚ್ಚಿದೆ. ಯಾಕೆಂದರೆ ಇದು ಸ್ವತಃ ಪ್ರಥಮ್ ನಟಿಸಿ, ನಿರ್ದೇಶಿಸಿರುವ ಚಿತ್ರ.

ಈ ಸಿನಿಮಾ ಪ್ರಥಮ್ ವೃತ್ತಿಬದುಕಿಗೆ ವರವಾಗಬಹುದು, ನಿರೀಕ್ಷೆಯನ್ನು ಮೀರಿ ಏನೋ ಘಟಿಸಬಹುದು ಅನ್ನೋದರ ಕುರುಹೆನ್ನುವಂತೆ ‘ನಟಭಯಂಕರ  ಸಿನಿಮಾದ ಹೀರೋ ಇಂಟ್ರಡಕ್ಷನ್ ಹಾಡನ್ನು ಖುದ್ದು ರಿಯಲ್ ಸ್ಟಾರ್ ಉಪೇಂದ್ರ ಸಿಕ್ಕಾಪಟ್ಟೆ ಇಷ್ಟ ಪಟ್ಟು ಹಾಡಿದ್ದಾರೆ. ಉಪ್ಪಿ ಸಿನಿಮಾ ವಿಚಾರಗಳಲ್ಲಿ ಯಾವತ್ತಿಗೂ ನೇರವಂತಿಕೆಯನ್ನು ಉಳಿಸಿಕೊಂಡುಬಂದವರು. ಸುಖಾಸುಮ್ಮನೆ ಸಿನಿಮಾಗಳನ್ನು ಹೊಗಳುವುದು, ಜೈ ಅಂದುಬಿಡೋ ಜಾಯಮಾನದವರಲ್ಲ. ತಮಗಿಷ್ಟವಿಲ್ಲದ ಕೆಲಸದಲ್ಲಿ ತೊಡಗಿಸಿಕೊಳ್ಳುವವರೂ ಅಲ್ಲ. ಅಂಥವೇನಾದರೂ ಎದುರಾದರೂ ನಯವಾಗಿ ತಿರಸ್ಕರಿಸುವ ಬುದ್ದಿವಂತ ಉಪ್ಪಿ. ಇಂಥಾ ಉಪೇಂದ್ರ ಈ ಸಲ ಪ್ರಥಮ್ ನಟಿಸಿ, ನಿರ್ದೇಶಿಸುತ್ತಿರುವ ‘ನಟ ಭಯಕಂಕರ ಸಿನಿಮಾದ ಹಾಡನ್ನು ಇಷ್ಟಪಟ್ಟು ಹಾಡಿದ್ದಾರೆ. ಈಗ ಧೃವಾ ಸರ್ಜಾ ಕಂಠದಾನ ಮಾಡಿದ್ದಾರೆ. ಹೀಗೆ ಒಂದೊಂದೇ ಶಕ್ತಿಗಳು ಪರಥಮ್ ಜೊತೆಯಾಗುತ್ತಿರುವುದು ನೋಡಿದರೆ ನಟಭಯಂಕರ ದೊಡ್ಡ ಮಟ್ಟದಲ್ಲೇ ಎದ್ದುನಿಲ್ಲುವ ಸಾಧ್ಯತೆಗಳಿವೆ. ಪ್ರಮುಖವಾಗಿ ಗಮನಿಸಬೇಕಾದ ಅಂಶ ಎಂದರೆ ಪ್ರಥಮ್ ರ ಸಿನಿಮಾ ಶಿಸ್ತು. ಎಲ್.ಕೆ.ಅಡ್ವಾನಿ ಕೈಲಿ ಕ್ಲಾಪ್ ಮಾಡಿಸಿ ರಿಯಲ್ ಸ್ಟಾರ್ ಕೈಲಿ ಹೀರೋ ಇನ್ಟ್ರೋಡಕ್ಷನ್ ಸಾಂಗ್ ಹಾಡಿಸೋದು ಸುಲಭವಲ್ಲ. ಯಾರ ಕೈಗೂ ಸಿಗದ ರಕ್ಷಿತ್ ಶೆಟ್ಟಿ ಪ್ರಥಮ್ರ ಗಾಂಚಲಿಗೀತಾ ಹಾಡು ಬಹಳ ಇಷ್ಟಪಟ್ಟು ರಿಲೀಸ್ ಮಾಡೋದರಲ್ಲೇ ಗೊತ್ತಾಗುತ್ತೆ ಪ್ರಥಮ್ ಸಿನಿಮಾ ಪ್ರೀತಿ. ಈಗ ಧೃವಸರ್ಜಾ ರ ಕೈಲಿ ಸಂಪೂರ್ಣವಾಗಿ ಧ್ವನಿ ನೀಡಿದಾಗಲೇ ಗೊತ್ತಾಯ್ತು.ಗೆಲ್ಲಲೇಬೇಕೆಂಬ ಶಿಸ್ತು ಕಣ್ಣಿಗೆ ಕಟ್ಟಿದಂತೆ ಕಾಣ್ತಾ ಇದೆ.ಇತೀಚೆಗೆ ಬಹಳಷ್ಟುಜನ ಪ್ರಥಮ್ ಸಿನಿಮಾ ಪ್ರೀತಿ ನೋಡಿ ಅಭಿಮಾನಿಗಳಾಗಿ ಪರಿವರ್ಚನೆಗೊಳ್ತಾ ಇರೋದು ನಿಜಕ್ಕೂ ಹೆಮ್ಮೆಯ ಸಂಗತಿ…!

CG ARUN

ಇದು ಆರುಮುಗ ಖದರು ಕಣೋ!

Previous article

ಕೊಟ್ಟವರೇ ಕೋಡಂಗಿಗಳು!

Next article

You may also like

Comments

Leave a reply

Your email address will not be published. Required fields are marked *