ಈ ಹಿಂದೆ ಫಸ್ಟ್ ರ್ಯಾಂಕ್ ರಾಜು ಮತ್ತು ರಾಜು ಕನ್ನಡ ಮೀಡಿಯಂ ಎಂಬೆರಡು ಸಿನಿಮಾಳನ್ನು ನಿರ್ದೇಶಿಸಿದ್ದವರು ನರೇಶ್. ತೀರಾ ಹೊಸಬರನ್ನು ಬಳಸಿಕೊಂಡು ಅತ್ಯುತ್ತಮ ಕಂಟೆಂಟ್ ಕೊಡುವ ತಾಕತ್ತಿರುವ ನಿರ್ದೇಶಕ. ಈ ಸಲ ಸೌತ್ ಇಂಡಿಯನ್ ಹೀರೋ ಎನ್ನುವ ಕಾನ್ಸೆಪ್ಟು ರೆಡಿ ಮಾಡಿಕೊಂಡು ಬಂದಿದ್ದಾರೆ. ಸಿನಿಮಾರಂಗದ ಒಳಸುಳಿಗಳನ್ನು ಬಿಚ್ಚಿಡುವ ಸಾಕಷ್ಟು ಪ್ರಯತ್ನಗಳು ನಡೆದಿವೆ. ಆದರೆ ನರೇಶ್ ಅವರ ʻಸೌತ್ ಇಂಡಿಯನ್ ಹೀರೋʼ ಸಿನಿಮಾದ ಟ್ರೇಲರು ನೋಡಿದರೆ ಹಿಂದನ ಎಲ್ಲದಕ್ಕಿಂತಾ ಭಿನ್ನವಾಗಿರುವ ಸೂಚನೆಗಳಿವೆ.
![](https://cinibuzz.in/wp-content/uploads/2023/02/image-22.png)
ಏನೇನೂ ಹಿನ್ನೆಲೆ ಇಲ್ಲದೆ ಬಂದು ಸಿನಿಮಾ ಹೀರೋ ಆಗುವವರು, ಅವರನ್ನು ರೂಪಿಸುವ ನಿರ್ದೇಶಕ, ನಿರ್ಮಾಪಕ, ಎಲ್ಲಕ್ಕಿಂತಾ ಮುಖ್ಯವಾಗಿ ಹೀರೋಗಳನ್ನು ಆರಾಧಿಸುವ ಅಭಿಮಾನಿಗಳು, ಎಲ್ಲವನ್ನೂ ಗಮನಿಸುವ ಮೀಡಿಯಾಗಳು – ಎಲ್ಲರ ದೃಷ್ಟಿಯಲ್ಲಿ ಸೌತ್ ಇಂಡಿಯನ್ ಹೀರೋ ಸಿನಿಮಾ ಕ್ರಿಯೇಟ್ ಆದಂತಿದೆ. ಇದಲ್ಲದೆ, ಸಿನಿಮಾ ನಟರ ವರಸೆಗಳನ್ನು, ಅವರಾಡುವ ಆಟಗಳನ್ನು ಲೇವಡಿ ಮಾಡುವ, ತಿವಿಯುವ ಕೆಲಸ ಕೂಡಾ ಈ ಚಿತ್ರದಲ್ಲಿ ಆಗಿರುವ ಸೂಚನೆ ಇದೆ. ಅದು ನಿರ್ದಿಷ್ಟವಾಗಿ ಯಾವುದಾದರೂ ಹೀರೋ/ಹೀರೋಯಿನ್ ಗಳನ್ನು ಟಾರ್ಗೆಟ್ ಮಾಡಿದ್ದಾರಾ? ಅನ್ನೋದು ಇದೇ ವಾರ ಜಾಹೀರಾಗಲಿದೆ.
![south indian hero](https://cinibuzz.in/wp-content/uploads/2023/02/image-23.png)
ಈ ಹಿಂದೆ ನರೇಶ್ ಭಿನ್ನ ಕಥಾಹಂದರಗಳನ್ನು ಮುಟ್ಟಿದ್ದಾರೆ. ಮತ್ತು ಪ್ರೇಕ್ಷಕರ ಮನಸ್ಸಿಗೆ ಅದನ್ನು ದಾಟಿಸುವಲ್ಲಿ ಗೆಲುವು ಕಂಡಿದ್ದಾರೆ. ಸೌತ್ ಇಂಡಿಯನ್ ಹೀರೋ ಕೂಡಾ ಅದೇ ರೀತಿ ಟ್ರೆಂಡ್ ಸೆಟ್ ಮಾಡುವ ಎಲ್ಲ ಸಾಧ್ಯತೆ ಇದೆ.
No Comment! Be the first one.