ಇವರು ಪಿ.ಆರ್.ಓ. ವಿಜಯ್ ಕುಮಾರ್. ಸಿನಿಮಾ ಮತ್ತು ಮಾಧ್ಯಮದ ಆತ್ಮೀಯರು ವಿಜಿಯಣ್ಣ ಅಂತಾ ಪ್ರೀತಿಯಿಂದ ಕರೆಯುತ್ತಾರೆ. ನಗುಮುಖ ಇವರ ಟ್ರೇಡ್ ಮಾರ್ಕು. ಸರಿಸುಮಾರು ನಾಲ್ಕು ದಶಕಗಳಿಂದ ಚಿತ್ರರಂಗ ಮತ್ತು ಪತ್ರಕರ್ತರ ನಡುವೆ ಸಂಪರ್ಕ ಸೇತುವೆಯಾಗಿ ಕೆಲಸ ಮಾಡುತ್ತಿರುವ ವಿಜಯ್ ಕುಮಾರ್ ಅವರ ನೆನಪಿನ ಶಕ್ತಿ ಅಪಾರವಾದದ್ದು. ಚಿತ್ರರಂಗಕ್ಕೆ ಸಂಬಂಧಿಸಿದ ಇತಿಹಾಸ, ದಾಖಲೆಗಳೆಲ್ಲಾ ಇವರ ಮಸ್ತಕದಲ್ಲಿ ಮನೆಮಾಡಿ ಅಡಗಿವೆ. ಯಾವುದಾದರೂ ಸಿನಿಮಾ, ಕಲಾವಿದ, ತಂತ್ರಜ್ಞರ ಬಗ್ಗೆ ಮಾಹಿತಿ ಕೇಳಿದರೆ ದಿನಾಂಕ, ಇಸವಿಯ ಸಮೇತ ಹೇಳಬಲ್ಲ ವ್ಯಕ್ತಿ ಇವರು. ದರ್ಶನ್ ನಟನೆಯ ಮೊದಲ ಸಿನಿಮಾ ಮೆಜೆಸ್ಟಿಕ್, ಸಂಗೊಳ್ಳಿ ರಾಯಣ್ಣ, ಸಿಂಪಪಲ್ಲಾಗೊಂದ್ ಲವ್ ಸ್ಟೋರಿ ಸೇರಿದಂತೆ ಸಾಕಷ್ಟು ಹಿಟ್ ಚಿತ್ರಗಳಿಗೆ ವಿಜಯ್ ಕುಮಾರ್ ಪ್ರಚಾರಕರ್ತರಾಗಿ ಕೆಲಸ ಮಾಡಿದ್ದಾರೆ…

ಯಾರಾದರೂ ಸಿನಿಮಾರಂಗದ ಸೀನಿಯರ್‌ಗಳು ಕಾಲವಾದಾಗ ಪತ್ರಕರ್ತರು ಮೊದಲು ಕರೆ ಮಾಡೋದು ವಿಜ್ಯಣ್ಣನಿಗೆ. ಯಾಕೆಂದರೆ ಗೂಗಲ್‌ನಲ್ಲಿ ಕೂಡಾ ಅಷ್ಟು ಸ್ಪೀಡಾಗಿ ಮಾಹಿತಿ ಸಿಗೋದು ಕಷ್ಟ. ತಾಯಿಯನ್ನು ಅಪಾರವಾಗಿ ಪ್ರೀತಿಸುತ್ತಾ, ಅವರ ದೇಖರೇಖಿಯ ಬಗ್ಗೆ ಹೆಚ್ಚು ಗಮನಹರಿಸುತ್ತಾ, ಸಮಯ ಕಳೆದ ಕಾರಣಕ್ಕೋ ಏನೋ ವಿಜಿಯವರಿಗೆ ಮದುವೆಯಾಗುವ ಮನಸ್ಸಾಗಲಿಲ್ಲ. ಬಂದವಳು ಎಲ್ಲಿ ತನ್ನ ತಾಯಿಯನ್ನು ಕಡೆಗಣಿಸಿಬಿಡುತ್ತಾಳೋ ಎಂಬ ಭಯದಲ್ಲಿ ಮದುವೆಯಾಗದೇ ಬ್ರಹ್ಮಚರ್ಯವನ್ನು ಮುಂದುವರೆಸಿದವರು. ಆದರೆ, ಜೀವಕ್ಕಿಂತಾ ಹೆಚ್ಚು ಪ್ರೀತಿಸುತ್ತಿದ್ದ ಹೆತ್ತವ್ವ ಇಲ್ಲವಾಗಿ ಅದಾಗಲೇ ಆರೇಳು ವರ್ಷವಾಯ್ತು.

ಕನ್ನಡದ ನೂರಾರು ಚಿತ್ರಗಳಿಗೆ ಪತ್ರಿಕಾ ಪ್ರಚಾರಕರ್ತರಾಗಿ ದುಡಿಯುತ್ತಾ, ಚಿತ್ರರಂಗದ ಬಹುಮುಖ್ಯ ಭಾಗವಾಗಿರುವ ವಿಜಯ್ ಕುಮಾರ್ ಇಂದು ಹುಟ್ಟುಹಬ್ಬನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ವಿಜಯಣ್ಣನಿಗೆ ವಯಸ್ಸೀಗ ಅರವತ್ತು. ಇನ್ನುಮುಂದಾದರೂ ಆರೋಗ್ಯದ ಕಡೆ ಹೆಚ್ಚು ಗಮನ ಹರಿಸಿ, ಎಂದಿನಂತೆ ನಗುನಗುತ್ತಾ ನೂರ‍್ಕಾಲ ಬಾಳಬೇಕೆಂಬುದು ನಮ್ಮ ಆಶಯ.

CG ARUN

ಅಭಿಷೇಕ್, ಐಶ್ವರ್ಯರೈ ಇವರೊಂದಿಗೆ ಹಲವು ಡ್ಯಾನ್ಸ್ ಶೋಗಳನ್ನ ಮಾಡಿದ್ದೇನೆ….

Previous article

You may also like

Comments

Leave a reply

Your email address will not be published. Required fields are marked *