ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಇತಿಹಾಸವನ್ನೇ ಬರಿಯ ತೆಲುಗು ಇಂಡಸ್ಟ್ರಿಯಲ್ಲಿ ಮಾತ್ರವಲ್ಲದೆ, ಭಾರತೀಯ ಚಿತ್ರರಂಗದಲ್ಲಿ ಹೊಸ ಚರಿತ್ರೆ ಬರೆಯುತ್ತಿದ್ದಾರೆ! ರಾಷ್ಟ್ರ ಪ್ರಶಸ್ತಿ ಗೆದ್ದ ಮೊದಲ ತೆಲುಗು ನಟ ಎಂಬ ಹೆಗ್ಗಳಿಕೆಯಿಂದ ಹಿಡಿದು, ಈಗ ಪ್ರತಿಷ್ಠಿತ ಗದ್ದರ್ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಳ್ಳುವವರೆಗೆ ಅವರ ಸಾಧನೆ ಅನನ್ಯ….
ಈ ಹೆಸರು ವಿಶ್ವಾದ್ಯಂತ ಮೊಳಗುತ್ತಿದ್ದು, ಅವರ ಖ್ಯಾತಿ ಎಲ್ಲೆಡೆ ಕಾಳ್ಗಿಚ್ಚಿನಂತೆ ಹರಡುತ್ತಿದೆ. ಆ ವ್ಯಕ್ತಿ ಬೇರಾರೂ ಅಲ್ಲ, ನಮ್ಮೆಲ್ಲರ ಒಬ್ಬನೇ ಒಬ್ಬ ಐಕಾನ್ ಸ್ಟಾರ್ ಅಲ್ಲು ಅರ್ಜುನ್. ರಾಷ್ಟ್ರ ಪ್ರಶಸ್ತಿ ಗೆದ್ದ ಮೊಟ್ಟಮೊದಲ ತೆಲುಗು ನಟರಾಗಿ ಹೊರಹೊಮ್ಮುವ ಮೂಲಕ ಅವರು ಇತಿಹಾಸ ನಿರ್ಮಿಸಿದ್ದಾರೆ. ಪುಷ್ಪ: ದಿ ರೈಸ್' ಚಿತ್ರದ ಮೂಲಕ ಅಲ್ಲು ಅರ್ಜುನ್ ರಾಷ್ಟ್ರದಾದ್ಯಂತ ಗಮನ ಸೆಳೆದರು. ಈ ಚಿತ್ರ ಪ್ರಾದೇಶಿಕ ಗಡಿಗಳನ್ನು ಮೀರಿ, ದೇಶಾದ್ಯಂತ ಪ್ರೇಕ್ಷಕರ ಮನಸೂರೆಗೊಂಡಿತು. ಈಗ,ಪುಷ್ಪ’ ನಟ ಮತ್ತೊಂದು ಪ್ರಶಸ್ತಿಯನ್ನು ಗೆದ್ದು ತಮ್ಮ ಹೆಸರನ್ನು ಮತ್ತೆ ಪ್ರಜ್ವಲಿಸುವಂತೆ ಮಾಡಿದ್ದಾರೆ. ಅವರು ಪ್ರತಿಷ್ಠಿತ ‘ಗದ್ದರ್ ತೆಲಂಗಾಣ ಚಲನಚಿತ್ರ ಪ್ರಶಸ್ತಿ’ಯನ್ನು ಗೆದ್ದಿದ್ದಾರೆ. `ಗದ್ದರ್ ತೆಲಂಗಾಣ ಚಲನಚಿತ್ರ ಪ್ರಶಸ್ತಿ’ ತೆಲುಗು ಚಲನಚಿತ್ರ ನಿರ್ಮಾಪಕರು ಮತ್ತು ಕಲಾವಿದರ ಸಿನಿಮೀಯ ಪ್ರತಿಭೆಯನ್ನು ಗೌರವಿಸಲೆಂದೇ ಇರುವ ಪ್ರಶಸ್ತಿಯಾಗಿದೆ. ಇದು ಅಲ್ಲು ಅರ್ಜುನ್ಗೆ ಸಂದ ಒಂದು ಅಪರೂಪದ ಮತ್ತು ಹೆಮ್ಮೆಯ ಗೌರವವಾಗಿದೆ. ಅವರ ನಿರಂತರ ಪ್ರಯತ್ನಗಳು ಮತ್ತು ಸಿನಿಮಾ ಮೇಲಿನ ಅವರ ಪ್ರೀತಿ ಅವರಿಗೆ ವಿಶ್ವಾದ್ಯಂತ ಲಕ್ಷಾಂತರ ಅಭಿಮಾನಿಗಳನ್ನು, ಬ್ಲಾಕ್ಬಸ್ಟರ್ ಯಶಸ್ಸನ್ನು, ಮತ್ತು ಈಗ ಈ ಪ್ರತಿಷ್ಠಿತ ಗೌರವಗಳನ್ನು ತಂದುಕೊಟ್ಟಿದೆ.
ತೆಲಂಗಾಣ ಸರ್ಕಾರವು ಗುರುವಾರ ʻಗದ್ದರ್ ಚಲನಚಿತ್ರ ಪ್ರಶಸ್ತಿ’ಗಳ ವಿಜೇತರನ್ನು ಪ್ರಕಟಿಸಿದ್ದು, ಬ್ಲಾಕ್ಬಸ್ಟರ್ ಚಿತ್ರ ʻಪುಷ್ಪ-2: ದಿ ರೂಲ್’ ನಲ್ಲಿನ ಅಭಿನಯಕ್ಕಾಗಿ ಅಲ್ಲು ಅರ್ಜುನ್ ಅತ್ಯುತ್ತಮ ನಟ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. ಐಕಾನ್ ಸ್ಟಾರ್ ಬಾಕ್ಸ್ ಆಫೀಸ್ ಮಾತ್ರವಲ್ಲದೆ ಅಗಣಿತ ಹೃದಯಗಳನ್ನು ಗೆದ್ದಿದ್ದಾರೆ. ಆ ಮೂಲಕ ತೆಲುಗು ಚಿತ್ರರಂಗದ ಕೀರ್ತಿ ಹೆಚ್ಚಿಸುತ್ತಿದ್ದಾರೆ. ʻಪುಷ್ಪ 2′ ಚಿತ್ರವು ಜಾಗತಿಕವಾಗಿ 1900 ಕೋಟಿಗೂ ಹೆಚ್ಚು ಗಳಿಕೆ ಮಾಡಿ ಭಾರತೀಯ ಬಾಕ್ಸ್ ಆಫೀಸ್ನಲ್ಲಿ ಬಿರುಗಾಳಿ ಎಬ್ಬಿಸಿದ ನಂತರ, ಈ ಹೊಸ ಗೌರವವು ಅಲ್ಲು ಗೆಲುವಿನ ಪಯಣದಲ್ಲಿ ಮತ್ತೊಂದು ಅವಿಸ್ಮರಣೀಯ ಮೈಲಿಗಲ್ಲಾಗಿದೆ.
ತೆಲುಗು ಮಾತನಾಡುವ ರಾಜ್ಯಗಳಲ್ಲಿ ಮತ್ತು ದೇಶದಾದ್ಯಂತ, ಅವರು ತಮ್ಮ ಆಕರ್ಷಕ ವ್ಯಕ್ತಿತ್ವ, ಅಸಾಧಾರಣ ನಟನಾ ಕೌಶಲ್ಯ ಮತ್ತು ಗಮನಾರ್ಹ ಪಯಣದಿಂದ ಅಭಿಮಾನಿಗಳನ್ನು ಸೆಳೆಯುತ್ತಲೇ ಇದ್ದಾರೆ. ʻಗಂಗೋತ್ರಿ’ಯಿಂದ ‘ಪುಷ್ಪ’ದವರೆಗಿನ ಅವರ ಮಹೋನ್ನತ ಸಿನಿ ಪಯಣವನ್ನು ಅಲ್ಲು ಅರ್ಜುನ್ ತಮ್ಮ ಸ್ವಂತ ರಕ್ತ-ಬೆವರಿನಿಂದ ತಾವೇ ಬರೆದುಕೊಂಡಿದ್ದಾರೆ. ಅವರ ಅತ್ಯುತ್ತಮ ಅಭಿನಯಗಳು ಅವರಿಗೆ ಐದು ಫಿಲ್ಮ್ಫೇರ್ ಪ್ರಶಸ್ತಿಗಳು, ಎರಡು ನಂದಿ ಪ್ರಶಸ್ತಿಗಳು ಮತ್ತು ವಿಶೇಷ ಜ್ಯೂರಿ ಪ್ರಶಸ್ತಿ ಸೇರಿದಂತೆ ಹಲವಾರು ಪ್ರಶಸ್ತಿಗಳನ್ನು ತಂದುಕೊಟ್ಟಿವೆ.
ಇನ್ನೂ ಅನೇಕ ಐಕಾನಿಕ್ ಅಭಿನಯಗಳ ಮೂಲಕ ಭಾರತೀಯ ಚಿತ್ರರಂಗವನ್ನು ಆಳಲು ಅವರು ಸಜ್ಜಾಗಿದ್ದಾರೆ. ಈಗ, ಈ ರಾಷ್ಟ್ರೀಯ ಸೂಪರ್ಸ್ಟಾರ್, ಬ್ಲಾಕ್ಬಸ್ಟರ್ ನಿರ್ದೇಶಕ ಅಟ್ಲಿ ಅವರ ನಿರ್ದೇಶನದಲ್ಲಿ ತಮ್ಮ ಮುಂದಿನ AA22xA6 ಚಿತ್ರದೊಂದಿಗೆ ಸಂಚಲನ ಸೃಷ್ಟಿಸಲು ಸಿದ್ಧರಾಗಿದ್ದಾರೆ. ಇದರ ಪೂರ್ವ-ನಿರ್ಮಾಣ ಕಾರ್ಯಗಳು ಇತ್ತೀಚೆಗೆ ಪ್ರಾರಂಭವಾಗಿದ್ದು, ನಿರ್ಮಾಪಕರು ಶೀಘ್ರದಲ್ಲೇ ಚಿತ್ರೀಕರಣವನ್ನು ಪ್ರಾರಂಭಿಸಲು ಯೋಜಿಸುತ್ತಿದ್ದಾರೆ. ಇಡೀ ಜಗತ್ತೇ ಕಾಯುತ್ತಿದೆ.
