ರ್ಯಾಪ್ ಸಾಂಗ್ಗಳಿಗೆ ಹುಚ್ಚೆದ್ದು ಕುಣಿಯುವವರ ಸಂಖ್ಯೆ ಹೆಚ್ಚಾಗುತ್ತಲೇ ಅದರಲ್ಲಿ ಹೊಸಾ ಥರದ ಪ್ರಯೋಗಗಳೂ ವ್ಯಾಪಕವಾಗಿ ನಡೆಯುತ್ತಿವೆ. ಅದೇ ಹಾದಿಯಲ್ಲಿ ವಿಜೇತ್ ಸಂಗೀತ ಸಂಯೋಜನೆಯಲ್ಲೊಂದು ರ್ಯಾಪ್ ಸಾಂಗ್ ಬಿಡುಗಡೆಗೊಂಡಿದೆ. ಹುಡುಗೀರನ್ನು ಆವರಿಸಿಕೊಳ್ಳುತ್ತಾ, ಬಣ್ಣದ ಕನಸು ಬಿತ್ತುವ ಡಬ್ ಸ್ಮ್ಯಾಶ್ ಥೀಮ್ನಲ್ಲಿ ತಯಾರಾಗಿರೋ ಈ ಹಾಡೀಗ ಜನಪ್ರಿಯಗೊಳ್ಳುತ್ತಿದೆ.
ಈ ವೀಡಿಯೋ ಸಾಂಗ್ ಅನ್ನು ಉದಯ್ ಪಿಸುಮಾತು ನಿರ್ದೇಶನ ಮಾಡಿದ್ದಾರೆ. ಜೀವಿತಾ ಸುಬ್ರಮಣ್ಯ ನಿರ್ಮಾಣ ಮಾಡಿದ್ದಾರೆ. ಹರ್ಷಿತಾ ಸುಬ್ರಹ್ಮಣ್ಯ ಈ ಹಾಡನ್ನು ಹಾಡಿ ನಟಿಸಿದ್ದಾರೆ. ರ್ಯಾಪ್ ಲೋಕದಲ್ಲಿ ತಮ್ಮದೇ ಛಾಪು ಮೂಡಿಸಿರುವ ವಿಜೇತ್ ಸಂಗೀತ ಸಂಯೋಜನೆಯಲ್ಲಿ ಈ ಸಾಂಗು ಚೆಂದಗೆ ಮೂಡಿ ಬಂದಿದೆ. ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಡಬ್ ಸ್ಮ್ಯಾಶ್ ಹವಾ ಜೋರಾಗಿದೆ. ಅನೇಕ ಹುಡುಗೀರು ಈ ಮಾಯಾಲೋಕದಲ್ಗಲಿ ಕಳೆದು ಹೋಗಿದ್ದಾರೆ. ವ್ಯಾಪಕಜ ಅಭಿಮಾನಿ ಪಡೆಯನ್ನೂ ಕೂಡಾ ಸೃಷ್ಟಿಸಿಕೊಳ್ಳುತ್ತಿದ್ದಾರೆ. ಹೀಗೆ ಡಬ್ ಸ್ಮ್ಯಾಶ್ ಮಾಡೋ ಪ್ರತೀ ಹುಡುಗೀರಲ್ಲಿಯೂ ಬಣ್ಣ ಬಣ್ಣದ ಕನಸುಗಳಿರುತ್ತವೆ. ಆ ಮನೋಲೋಕಕ್ಕೆ ಕನ್ನಡಿ ಹಿಡಿಯುವಂಥಾ ಸಾಹಿತ್ಯ ಬರೆದಿರುವವರು ಭರ್ಜರಿ ಚೇತನ್. ಈ ಹಾಡೀಗ ರ್ಯಾಪ್ ಜಗತ್ತಿನಲ್ಲಿ ಹೊಸಾ ಅಲೆಯೊಂದನ್ನು ಸೃಷ್ಟಿಸಿದೆ.
#
