• ಮಹಂತೇಶ್‌ ಮಂಡಗದ್ದೆ

ಸ್ಯಾಂಡಲ್​ವುಡ್ ಸಿನಿ ಮಾಂತ್ರಿಕ ಅಂತಾನೇ ಖ್ಯಾತಿ ಗಳಿಸಿರೋ ಪ್ರಶಾಂತ್ ನೀಲ್ ಕೆ.ಜಿ.ಎಫ್ ಅನ್ನೋ ಮಾಸ್ಟರ್ ಪೀಸ್ ಸಿನಿಮಾದ ಮೂಲಕ ಭಾರತೀಯ ಚಿತ್ರರಂಗದಲ್ಲೇ ತಮ್ಮ ಚಾಪು ಮೂಡಿಸಿರೋ ಡೈರೆಕ್ಟರ್. ಕೆ.ಜಿಎಫ್ ಸಿನಿಮಾ ಬಂದು ಸಪ್ತಸಾಗರದಾಚೆಗೆ ಸೌಂಡ್ ಮಾಡಿಯಾಯ್ತು.

ಈಗ ಕೆ.ಜಿ.ಎಫ್ 2 ಸಿನಿಮಾ ಕೂಡ ಕಂಪ್ಲೀಟ್ ಆಗಿದ್ದು, ಸಿನಿಮಾದ ರಿಲೀಸ್ ಡೇಟ್ ಕೂಡ ಫಿಕ್ಸ್ ಆಗಿದ್ದು, ರಿಲೀಸ್ ಆಗೋಕೆ ರೆಡಿಯಾಗಿ ನಿಂತಿದೆ. ಅಲ್ಲದೇ ಪ್ರಶಾಂತ್ ನೀಲ್​ರ ಮುಂದಿನ ಸಿನಿಮಾದ ಅನೌನ್ಸ್​​ಮೆಂಟ್ ಕೂಡ ಮುಗಿದಿದೆ. ಈ ನಡುವೆ ನಾರಾಚಿಯ ಸ್ಟೋರಿಗೆ ಇಲ್ಲಿಗೆ ಫುಲ್ ಸ್ಟಾಪ್ ಬಿತ್ತಾ ಅನ್ನೋ ಥಾಟ್ ಎಲ್ಲರಲ್ಲೂ ಮೂಡಿದೆ. ಆದರೆ ಈಗ ಪ್ರಶಾಂತ್​ ನೀಲ್ ಮಾಡಿರೋ ಟ್ವೀಟ್​ವೊಂದು ಇಲ್ಲಾ ಕೆ.ಜಿ.ಎಫ್ ಸರಣಿ ಇನ್ನೂ ಮುಂದುವರೆಯುತ್ತೆ ಅಂತಿದೆ.

ಕೆ.ಜಿಎಫ್ ಸಿನಿಮಾದ ನಂತರ ಸಲಾರ್ ಸಿನಿಮಾದ ಫಸ್ಟ್ ಶೆಡ್ಯೂಲ್ ಶೂಟಿಂಗ್ ಕೂಡ ಮುಗಿಸಿರುವ  ನಿರ್ದೇಶಕ ನಿರ್ದೇಶಕ ಪ್ರಶಾಂತ್ ನೀಲ್  ಸದ್ಯ ಕೆಜಿಎಫ್ ಟೀಮ್​ ಜೊತೆ ಜಾಲಿ ಟೈಮ್​ ಕಳೆಯುತ್ತಿದ್ದಾರೆ.  ತಮ್ಮ ಇಡೀ ಕೆಜಿಎಫ್​ ಬಳಗವನ್ನ ಒಂದೇ ಕಡೆ ಸೇರಿಸಿಕೊಂಡು ಟೈಮ್​ ಸ್ಪೆಂಡ್ ಮಾಡ್ತಿದ್ದಾರೆ. ಫೋಟೋ ಟ್ವೀಟ್​ ಮಾಡೋ ಮೂಲಕ ಪ್ರಶಾಂತ್​ ನೀಲ್​, ‘ಈ ತಂಡದ ಜೊತೆ ಜರ್ನಿ ಶುರುವಾಗಿದೆ, ಕೊನೆಯಾಗೋದಿಲ್ಲ’ ಅಂತ ಬರೆದುಕೊಂಡಿದ್ದಾರೆ.

ನಿರ್ದೇಶಕ ಪ್ರಶಾಂತ್ ನೀಲ್ ದಂಪತಿ, ನಿರ್ಮಾಪಕ ವಿಜಯ್ ಕಿರಗಂದೂರ್, ನಟ ಯಶ್ ದಂಪತಿ ಹಾಗೂ ಕೆಜಿಎಫ್​​​ ಸಿನಿಮಾದಲ್ಲಿ ಕೆಲಸ ಮಾಡಿದ ಸರ್ವರೂ ಈ Get Togetherನಲ್ಲಿ ಭಾಗಿಯಾಗಿದ್ದಾರೆ. ಇಲ್ಲಿ ಗಮನಿಸಬೇಕಾದ ಅಂಶ ಅಂದ್ರೆ, ‘ಈ ತಂಡದ ಜೊತೆ ಜರ್ನಿ ಕೊನೆಯಾಗೋದಿಲ್ಲ’ ಅಂತಾ ಅವರು ಹಾಕೊಂಡಿರೊ ಕ್ಯಾಪ್ಷನ್. ಈ ಒಂದು ಕ್ಯಾಪ್ಷನ್​ನಿಂದ ಕೆ.ಜಿ.ಎಫ್ ಟೀಂ ಮತ್ತೆ ಕೆಲಸ ಮಾಡುತ್ತೆ ಅಂತಾ ಇಂಡೈರೆಕ್ಟಾಗಿ ಪ್ರಶಾಂತ್ ನೀಲ್ ಮಾಹಿತಿ ನೀಡಿದ್ದಾರೆ. ಆದ್ರೆ ಅದು ಬೇರೆ ಕಥೆಯ ಸಿನಿಮಾನಾ ಅಥವಾ ಕೆ.ಜಿ.ಎಫ್ ಸಿನಿಮಾದ ಮತ್ತೊಂದು ಚಾಪ್ಟರ್ ಹಾ ಅನ್ನೋದು ಸದ್ಯದ ಕುತೂಹಲ.