ಸಿಫೋರಿಯಾ ಫಿಕ್ಚರ್ಸ್ ಲಾಂಛನದಲ್ಲಿ ಸಪ್ನಾ ಪಾಟೀಲ್ ಅವರು ನಿರ್ಮಿಸಿರುವ `ಮಾಯಾ ಕನ್ನಡಿ` ಚಿತ್ರದ ಟೀಸರ್ ಯೂಟ್ಯೂಬ್ನಲ್ಲಿ ಆನಂದ್ ಆಡಿಯೋ ಮೂಲಕ ಬಿಡುಗಡೆಯಾಗಿದೆ. ಆನಂದ್ ಆಡಿಯೋದವರು ಈ ಚಿತ್ರದ ಹಾಡು ಮತ್ತು ವಿಡಿಯೊ ಹಕ್ಕುಗಳನ್ನು ಪಡೆದಿದ್ದಾರೆ. ಒಂದು ನಿಮಿಷದ ಈ ಟೀಸರ್ನಲ್ಲಿ ನಟ ಕೆ.ಎಸ್.ಶ್ರೀಧರ್ ಅವರ ಒಂದು ಸಂಭಾಷಣೆ ಇದೆ.
ವಿನೋದ್ ಪೂಜಾರಿ ಕಥೆ ಹಾಗೂ ನಿರ್ದೇಶನದ ಈ ಚಿತ್ರಕ್ಕೆ ಅಭಿಷೇಕ್ ಎಸ್.ಎನ್ ಸಂಗೀತ ನೀಡಿದ್ದಾರೆ. ಆನಂದ್ ರಾಜ ವಿಕ್ರಂ ಹಿನ್ನೆಲೆ ಸಂಗೀತ ನಿರ್ದೇಶನ, ಮಣಿಕುಕಲ್ ನಾಯರ್ ಛಾಯಾಗ್ರಹಣ ಹಾಗೂ ಸುಜೀತ್ ನಾಯಕ್ ಅವರ ಸಂಕಲನ ಈ ಚಿತ್ರಕ್ಕಿದೆ. ಕಿಂಗ್ ಆಫ್ ಹಾರ್ಟ್ಸ್ ಎಂಟರ್ಟೈನ್ಸ್ ಅವರ ಸಹ ನಿರ್ಮಾಣದಲ್ಲಿ ರಂಜಿತ್ ಬಜ್ಪೆ ಅವರು ಕಾರ್ಯಕಾರಿ ನಿರ್ಮಾಪಕರಾಗಿದ್ದಾರೆ. ಚಿತ್ರದಲ್ಲಿ ಪ್ರಭು ಮುಂಡ್ಕುರು, ಕೆ.ಎಸ್.ಶ್ರೀಧರ್, ಕಾಜಲ್ ಕುಂದರ್, ಅನ್ವಿತ ಸಾಗರ್, ಅನೂಪ್ ಸಾಗರ್, ಅಶ್ವಿರಾವ್ ಪಲ್ಲಕ್ಕಿ, ಕಾರ್ತಿಕ್ ರಾವ್ ಮುಂತಾದವರು ಅಭಿನಯಿಸಿದ್ದಾರೆ.
