ಮನುಷ್ಯನ ವಯಸ್ಸೇ ಹಾಗೆ. ವಯಸ್ಸು ಏರುತ್ತಿದ್ದಂತೆ ಪ್ರತಿಯೊಬ್ಬ ವ್ಯಕ್ತಿಯೂ ನಿರ್ದಿಷ್ಟ ಹಂತವನ್ನು ತಲುಪುತ್ತಾನೆ. ಅದರಲ್ಲೂ ಮನುಷ್ಯನ 19ರ ವಯಸ್ಸಿನ ಆಸು ಪಾಸಂತೂ ಮರೆಯಲಾರದ ಅನುಭವವನ್ನು ಹೊಂದಿರುವಂತದ್ದು. ಹುಚ್ಚು ಮನಸ್ಸಿನಲ್ಲಿ ಕುಣಿಯುವ ಆ ವಯಸ್ಸಿನಲ್ಲಿ ಏನೆಲ್ಲವನ್ನು ಮಾಡಬಹುದು ಎನ್ನುವುದನ್ನು ಕೇಳುವುದೇ ಒಂದು ಮಜವಾಗಿರುತ್ತದೆ. ಈಗ ಅದೇ ಹೆಸರಿನ 19 AGE IS ನಾನ್ಸೆನ್ಸ್?” ಎಂಬ ಚಿತ್ರ ಇತ್ತೀಚಿಗೆ ಸೆಟ್ಟೇರಿದೆ.
ಈ ಸಿನಿಮಾವನ್ನು ರಾಜೇಶ್ವರಿ ಫಿಲಂ ಲಾಂಛನದಲ್ಲಿ ಎಸ್. ಲೊಕೇಶ್ ನಿರ್ಮಾಣ ಮಾಡಲಿದ್ದಾರೆ. ಇನ್ನು ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ, ಸಂಭಾಷಣೆಯ ಜತೆಗೆ ನಿರ್ದೇಶನದ ಜವಾಬ್ದಾರಿಯನ್ನು ಗಿಣಿ ವಹಿಸಿದ್ಧಾರೆ. ಉಳಿದಂತೆ ವಿಕ್ಟರಿ ಛಾಯಾಗ್ರಹಣ, ರವಿಚಂದ್ರನ್ ಸಂಕಲನ, ಶಿವ ಸಾಹಸ ಸಂಯೋಜನೆ, ವಿ. ನಾಗೇಂದ್ರ ಪ್ರಸಾದ್ ಗೀತ ಸಾಹಿತ್ಯ ಈ ಚಿತ್ರಕ್ಕಿದೆ. ತಾರಾಂಗಣದಲ್ಲಿ ಮನಿಷ್, ಮಧುಮಿತ, ಬಾಲು, ಸೌಭಾಗ್ಯ, ಶ್ರೀಲಕ್ಷ್ಮೀ, ಕಾವ್ಯಪ್ರಕಾಶ್, ರಂಗಸ್ವಾಮಿ ಇತತರರಿದ್ದಾರೆ.
