ತಿಥಿ ಗಡ್ಡಪ್ಪ ಅಭಿನಯಿಸಿರುವ ಜರ್ಕ್ ಚಿತ್ರದ ಟ್ರೇಲರ್ ರಿಲೀಸ್ ಆಗಿದೆ. ಈಗಾಗಲೇ ಬರಪೂರ ಪ್ರತಿಕ್ರಿಯೆಯನ್ನು ಗಳಿಸುತ್ತಿರುವ ಜರ್ಕ್ ಸೋಶಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. ಈ ಚಿತ್ರದ ಮೂಲಕ ಕೃಷ್ಣರಾಜ್ ಚೊಚ್ಚಲ ಬಾರಿಗೆ ಚಂದನವನಕ್ಕೆ ಪದಾರ್ಪಣೆ ಮಾಡುತ್ತಿದ್ದು, ಮಹಾಂತೇಶ್ ಮದಕರಿ ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ.
ಸಿನಿಮಾದಲ್ಲಿ ಸಹಾಯಕ ನಿರ್ದೇಶಕನಾಗಲು ಬಯಸಿ, ಚಿತ್ರದುರ್ಗದಿಂದ ಬೆಂಗಳೂರಿಗೆ ಬರುವ ವ್ಯಕ್ತಿ ತನ್ನ ಮಾಲೀಕರ ಮಗನ ಸಹಾಯದಿಂದ ಮತ್ತೆಲ್ಲಿಗೋ ಜರ್ನಿ ಪ್ರಾರಂಭಿಸುತ್ತಾನೆ. ಅಲ್ಲೊಂದು ಸಂಕಷ್ಟದಲ್ಲಿ ಸಿಲುಕಿದ ನಾಯಕ ಹೇಗೆ ಹೊರಬರುತ್ತಾನೆ ಎಂಬುದು ಜರ್ಕ್ ನ ಕಥಾಹಂದರವಾಗಿದೆ. ತಿಥಿ ಗಡ್ಡಪ್ಪ ಈ ಚಿತ್ರದಲ್ಲಿ ದ್ವಿಪಾತ್ರದಲ್ಲಿ ನಟಿಸಿದ್ದು, ಸ್ವಾಮೀಜಿಯಾಗಿ ಮತ್ತು ಸೂಟ್ ಧಾರಿಯಾಗಿಯೂ ಕಾಣಿಸಿಕೊಂಡಿದ್ದಾರೆ. ಉಳಿದಂತೆ ಥ್ರಿಲ್ಲರ್ ಮಂಜು, ಮಜಾಟಾಕೀಸ್ ಪವನ್, ಸಾಧುಕೋಕಿಲ, ಬುಲೆಟ್ ಪ್ರಕಾಶ್, ಪದ್ಮಶ್ರೀ, ಆಶಾ ಭಂಡಾರಿ, ಮತ್ತಿತ್ತರರು ನಟಿಸಿದ್ದಾರೆ. ಚಂದ್ರು ಸೊಂಡೆಕೊಪ್ಪ ಛಾಯಾಗ್ರಹಣ, ಎಡ್ವರ್ಡ್ ಷಾ ಸಂಗೀತ ಚಿತ್ರಕ್ಕಿದೆ.
