ಬಾಲಿವುಡ್ ಲೇಡಿ ಸೂಪರ್ ಸ್ಟಾರ್ ಶ್ರೀದೇವಿ ಅಕಾಲಿಕವಾಗಿ ಸಾವಿಗೀಡಾದ ಮೇಲೆ ಬಣ್ಣದ ಲೋಕಕ್ಕೆ ಪದಾರ್ಪಣೆ ಮಾಡಿದ ಮಗಳು ಜಾಹ್ನವಿ ಕಪೂರ್ ತನ್ನ ಚೊಚ್ಚಲ ಚಿತ್ರದ ಮೂಲಕವೇ ಬಿ ಟೌನಿನ ಗಲ್ಲಿಗಳಲ್ಲೂ ಗುಲ್ಲೆಬಿಸಿದವರು. ಸದ್ಯ ಅವರ ಅಭಿನಯದ ಬಹುನಿರೀಕ್ಷಿತ ಗುಂಜನ್ ಸಕ್ಸೇನಾ – ದ ಕಾರ್ಗಿಲ್ ಗರ್ಲ್ ಸಿನಿಮಾದ ಫಸ್ಟ್ ಲುಕ್ ಪೋಸ್ಟರ್ ರಿಲೀಸ್ ಆಗಿದ್ದು, ಜಾಹ್ನವಿ ನಟಿಸಿರುವ ಎರಡನೇ ಚಿತ್ರವಾಗಿರುವುದರಿಂದಲೇ ಸಾಕಷ್ಟು ನಿರೀಕ್ಷೆಯನ್ನು ಹುಟ್ಟುಹಾಕಿದೆ.

She was told ladkiyan pilot nahin banti, but she stood her ground & wanted to fly! Gunjan Saxena – #TheKargilGirl releasing on 13th March, 2020. @apoorvamehta18 @shariqpatel #Janhvi @TripathiiPankaj @Imangadbedi @ItsVineetSingh #ManavVij @sharansharma @DharmaMovies @ZeeStudios_ pic.twitter.com/YNhHilUCyx

— Karan Johar (@karanjohar) August 29, 2019

ಧರ್ಮ ಪ್ರೊಡಕ್ಷನ್ ನಲ್ಲಿ ಈ ಸಿನಿಮಾ ನಿರ್ಮಾಣವಾಗುತ್ತಿದ್ದು, ಶರಣ್ ಶರ್ಮಾ ನಿರ್ದೇಶನ ಮಾಡುತ್ತಿದ್ದಾರೆ. ಗುಂಜನ್ ಸಕ್ಸೇನಾ ದ ಕಾರ್ಗಿಲ್ ಗರ್ಲ್ ಸಿನಿಮಾ ವಾಯು ಸೇನೆಯ ಮಹಿಳಾ ಆಫೀಸರ್ ಗುಂಜನ್ ಸಕ್ಸೇನಾ ಅವರ ಜೀವನಾಧಾರಿತ ಕಥೆಯಾಗಿದೆ. ಈ ಚಿತ್ರದ ಪೊಸ್ಟರ್ ನ್ನು ನಿರ್ಮಾಪಕ ಕರಣ್ ಜೋಹರ್ ತಮ್ಮ ಟ್ವಿಟರ್ ಖಾತೆಯಲ್ಲಿ ರಿಲೀಸ್ ಮಾಡಿರುವುದಲ್ಲದೇ “ಹುಡುಗಿಯರು ಪೈಲಟ್​ ಆಗೋದಿಲ್ಲ ಎಂದು ಗುಂಜನ್‌ ಸಕ್ಸೇನಾಗೆ ಹೇಳಿದ್ದರಂತೆ. ಆದರೆ ಆಕೆ ತನ್ನ ನಿರ್ಧಾರದಲ್ಲಿ ಅಚಲಳಾಗಿದ್ದಳು. ಹಾರುವುದಕ್ಕೆ ಬಯಸಿದ್ದಳು” ಎಂದು ಬರೆದುಕೊಂಡಿದ್ದಾರೆ. ಎಲ್ಲ ಅಂದುಕೊಂಡಂತಾದರೆ ಈ ಚಿತ್ರ 2020ರ ಮಾರ್ಚ್ ತಿಂಗಳಿನಲ್ಲಿ ಬಿಡುಗಡೆಯಾಗುವ ಸಾಧ್ಯತೆ ಇದೆ.